Ŋirom. 9:5 - Ebaibul

⁵ Erae ikes ŋiletok ŋulu atapapaa yok a ŋulu apolok nooi a ŋulu elimokinitae ŋirorwa kec lokabilae a ŋituŋa ka Kristo daŋ alopite a ŋolo araakar iŋes ituŋanan, arae ŋolo anateker kec. Kipuroe Akuj ŋina ipukat daadaŋ, ŋikaru ka ŋikaru! Amen.

Ŋirom. 9:5 Iomraidhean Croise

Akisy. 12:3

Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

1 Ŋirw. 1:36

Toboŋok Benaia ŋolo arae lokoku a Yekoiyada erwosit Daudi tema, “Amen! Elipi Ekapolon Akuj a ekapolon kaŋ a erwosit kitiyak ŋakiro ŋun.

1 Ŋakiro a ŋirwa 16:36

Akipuro toyai neni ke Ekapolon, Akuj ŋina a Isirael, ameun tokona tari ŋikaru ka ŋikaru.” Apotu nai ŋituŋa daadaŋ temasi, “Amen,” ido apotu kipuro Ekapolon.

Ŋikiru. 103:19

Ewuak Ekapolon nakuj erae neni ipukator iŋes; iŋes erae ekepukan a daadaŋ.

Ŋikiru. 106:48

Akipuro toyai neni ke Ekapolon, Akuj ŋina a Isirael, ameun tokona tari ŋikaru ka ŋikaru. Emaikina ŋituŋa daadaŋ temasi, “Amen.” Kipuroe Ekapolon!

Ŋikiru. 41:13

Akipuro toyai neni ke Ekapolon, Akuj ŋina a Isirael, akipuro toyai neni keŋ tokona ka ŋikaru ka ŋikaru. Amen! Amen!

Ŋikiru. 45:6

Eropari apukan kon, okoe Akuj ŋikaru ka ŋikaru; ipukat iyoŋ ŋituŋa kon anakiyookino.

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Ŋikiru. 89:52

Akipuro toyai neni ke Ekapolon ŋikaru ka ŋikaru. Amen! Amen!

Isa. 11:1

Ijojouni ateni aneni a Yese, elomuni ateni anataagor keŋ tora.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 28:6

Kirwor ekadwaran Yeremia tema, “Amen! Elipi kitiya Ekapolon ŋun, elipi kisiyook Ekapolon ŋakiro ŋuna idwar iyoŋ, ido kinyaku nakibois na alo Babilon ŋiboro ŋulu ka Akai ka Akuj ka ŋituŋa daadaŋ ŋulu aponi torikoroe.

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Luk. 20:44

Ani kenyarit Daudi iŋes ‘Ekapolon;’ ikokini nai iŋes eruwor lokoku keŋ ai?”

Yoa. 10:30

Ikirae ayoŋ ka Papa ŋipei.”

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋitic. 3:13

Akuj ŋina atapapaa yok ŋina ka Aburaam, Isaka ka Yakobo, iŋes ainaki eketiyan keŋ Yesu apolou ŋina ka Akuj. Ipotu iyes kipotokis Yesu ŋolopei ŋol neni a ŋikepukak ka toŋero iŋes alokiŋaren Pilato, tari daŋ ketubu Pilato atemar itemokino iŋes tolacakinae.

Ŋirom. 1:25

Anerae ilokonyete ikes Ŋakiro ka Akuj ŋuna a kire ka alyokonu; ilipete ka itiyanakinete ŋisubuna ŋulu ka Akuj akilo akitiyanakin Akasuban alope, ŋina itemokino kipuroe ŋikaru ka ŋikaru! Amen.

Ŋirom. 1:3

Erae ŋakiro ŋun ŋuna a Lokoku ka Akuj a ŋolo erae Yesu Kristo Ekapolon yok. Alokuwane, erae iŋes eletonit ŋolo a Daudi.

Ŋirom. 10:12

Anerae emam atyaketait eyai kidiŋ Ŋiyudayan ka ŋulu nyerae Ŋiyudayan; erae Akuj apei ka erae Ekapolon a daadaŋ, ido iterereŋi nooi daadaŋ ŋulu ilipete neni keŋ.

Ŋirom. 11:28

Aŋuna eŋeritotor Ŋiyudayan Ŋakiro ŋuna Ajokak, eraakasi ikes ŋimoi ŋulu ka Akuj ikotere iyes ŋulu nyirae Ŋiyudayan. Nai aŋuna aseunia Akuj ikes, eraakasi ikes ŋikonei keŋ aŋuna atapapaa kec.

1 Ŋikor. 14:16

Nai ani ilakar iyoŋ neni ka Akuj ka aŋajep a ŋina ke Etau ka Akuj, ikokini nai ituŋanan ŋini emamukar ainakinet ŋin etemari “Amen” aŋuna ka akilip a ŋina ka alakar kon neni ka Akuj ai? Emam epite ŋolo epedorya iŋes ayenun ŋuna irworo iyoŋ.

2 Ŋikor. 11:31

Eyeni Akuj, Papa ke Ekapolon Yesu--ŋolo ipuritoe ŋikaru ka ŋikaru atemar nyerworo ayoŋ alyokonu.

Ŋikis. 10:15

abu iŋes tominak atapapaa kus bon ka abu ikiseu iyes, ŋulu irae ŋiletok kec alotuŋa daadaŋ, lopite ŋolo eyakatar ŋakiro tokona.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

1 Tim. 6:15

Eyauni Akuj atakanun ŋina a Yesu Kristo anapaki a ŋina itemokino, Akuj ŋina erereŋ ka ŋina erae iŋes bon erae Ekapolon, Erwosit ŋolo a ŋirwosi ka Ekapolon ŋolo a ŋikapolok.

2 Tim. 2:8

Totamatamae ŋuna a Yesu Kristo a ŋolo aponi kiteyarunae alokatwak, ŋolo arae ŋolo anateker a Daudi ikwapei itatamere a Nakiro a ŋuna Ajokak a ŋuna alimonokini ayoŋ.

Ŋibur. 7:24

Nai nyikwaan Yesu ka ikes, eyari iŋes jik, nabo erae iŋes esacaradoti ŋoloruba.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

Akis. 1:18

Arae ayoŋ ŋolo ayari; abu ayoŋ otwana, nai tokona ayari ŋikaru ka ŋikaru! Ayoŋ epukat atwanare ka akwap ŋina a ŋikatwak.

Akis. 22:16

“Ayoŋ Yesu eyakuunit emalaika kaŋ akiteyenun iyes ŋakiro nu anatukon a Ŋikristo. Arae ayoŋ ataagoroit ka alyasit--eletonit ŋolo anateker a Daudi; arae ayoŋ etop ŋolo ka ataparacu ŋolo enepi nooi.”

Akis. 22:20

Iŋes ŋini iteyenunit ŋakiro nu ebala, “Kire jik abuni ayoŋ atipei!” Amen. Bua, Ekapolon Yesu!

Akis. 5:14

Apotu ŋisubuna ŋulu eyarete ŋuluomwon toboŋokis temasi, “Amen!” Ido toramakinos ŋikatukok kwap, kilipa.