Ŋirom. 9:20 - Ebaibul

²⁰ Nai ŋae mono iyoŋ ituŋanan itepegi Akuj? Nyepedori amot akiŋit ekayan keŋ ebe, “Kaanukiro ikiyeunia iyoŋ ayoŋ ikwana?”

Ŋirom. 9:20 Iomraidhean Croise

2 Sam. 16:10

Nai kiŋit erwosit Abisai tema, “Anukiro mono emaikina ayoŋ etiya neni kus ŋidwe a Seruia ŋulusapa? Ani kicenonor iŋes aŋuna alimokinia Ekapolon ebe, ‘Kicen Daudi’ ŋae nai epedori akiŋita ebe, ‘Kaanukiro icenio iyoŋ Daudi?’ ”

Yob 16:3

Irubakinete mono iyes jik irworosi ŋakiro kus ŋuna ecaryooko ŋun tari ori? Kori nyo mono ikiinakinit iyoŋ Elipas akirworo ŋakiro ŋun jik?

Yob 33:13

Kaanukiro itepegia iyoŋ Akuj? Irworo iyoŋ ebe, ‘Emam ŋakiro daŋ eboŋokini Akuj.’

Yob 36:23

Ŋae itamanakini iŋes ŋuna emaikina kiwuap, kori ŋae epedori alimun ebe, ‘Itiya iyoŋ ŋuna nyiyookino’?

Yob 40:2

“Ijoŋoe tokona iyoŋ akitepeg ayoŋ Akuj ŋina etiron a? Ituŋanan daadaŋ ŋini itepegi Akuj, emaikina toboŋok ŋakiro.”

Yob 40:5

Adau ayoŋ akirwor, aŋun, nyapedori aboŋokin ŋakiro ŋarwa ŋaarei, nai eliliŋi cek.”

Yob 40:8

Icamit iyoŋ akituruwor ayoŋ ŋolo nyetiyae ŋuna iyookino a? Itemari iyoŋ adyekarit ayoŋ, ikotere ikituruworyo iyoŋ ŋolo iyookino a?

Yob 9:32

Meere Akuj ituŋanan ikwa ayoŋ, meere iŋes ituŋanan ŋini emaikina ayoŋ esindau anakitepeg, meere iŋes ituŋanan ŋini emaikina iwon orukosi ka iŋes neni etubere ŋakiro yok ka iŋes.

Isa. 10:15

Nai irworo Ekapolon ebala, “Epedori mono aep atemar apol iŋes akilo ituŋanan ŋini isitiyae iŋes a? Kori epedori erigi atemar eloit iŋes ituŋanan ŋini isitiyae iŋes? Nyepedori adaset akikyaar ituŋanan ŋini etiŋit iŋes, kori ebala akikeun ituŋanan ŋini iceunit iŋes!”

Isa. 29:16

Ibuburete iyes ŋakiro! Epedoryo mono atemar erae ekayan ŋamoti ecoto a? Epedori mono ibore ŋini eyeunitae alimokin ekayeunan keŋ ebe, “Meere iyoŋ ikiyeuni ayoŋ” kori epedori mono ibore ŋini itiyaunitae alimokini eketiyaunan keŋ ebe, “Mam ibore iyeni iyoŋ”

Isa. 64:8

Kikote neni daŋ okoe Ekapolon, irae iyoŋ papa kosi. Ikirae isua ecoto ka iyoŋ ekayeunan isua; ikirae isua daadaŋ ŋisubuna kon.

Yer. 18:6

“Okoe ŋituŋa a Isirael, nyapedori mono ayoŋ akitiya neni kus lopite ŋolo etiyaa ekayan ŋamoti locoto ŋolo eyai nakan keŋ a? Nyiyakasi mono iyes nakan kaŋ, okoe ŋituŋa a Isirael a?

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mat. 20:15

Amamukar mono ayoŋ apedori ŋinakisitiyaet ŋiboro kaŋ ikwaŋina acamitor a? Kori eyai iyoŋ arakao aŋuna ka arimaanut kaŋ?’”

Luk. 12:14

Toboŋok Yesu iŋes tema, “Ekile, ŋae akainakini ayoŋ apedor ŋina tubet kori ŋina atyakatyakaa ebari kus?”

Ŋirom. 14:4

Ŋae iyoŋ itubokini eketiyan a ituŋanan a ice? Erae ekapolon keŋ etyakuni erae kibusokina iŋes kori kilounit; elosi iŋes akiloun, anerae Ekapolon iŋes epedori akisiloun iŋes.

Ŋirom. 2:1

Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope.

Ŋirom. 2:3

Nai iyoŋ ituŋanan ŋini itubonokini ŋulu itiyaete aronis, ido kitiyae iyoŋ daŋ ŋunapei, itami iyoŋ atemar ipedori abucar anatubokino a ŋina ka Akuj a?

Ŋirom. 9:21

Nyeyakar mono ekayan ŋamoti apedor ŋinakitiyaunet alolupe a epei ŋamoti ŋuna a ŋiticisyo a ŋulu apolok ka ŋace ŋuna a ŋiticisyo a ŋulucaryo a?

Ŋirom. 9:22

Ŋuna etiya Akuj lotuŋa, ikote kire nenipei. Acamit iŋes akitoodiun akeenyunyura ka akiteyenun apedor keŋ neni a ŋulu etemokino tomunyarae. Tari kikote nen abu iŋes totitinyik nooi ka kidaŋidaŋ aronis a ŋulu adikino eryamunete anyunyura keŋ.

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

1 Ŋikor. 7:16

Iyoŋ aberu ŋina Kristoit, ianyuni iyoŋ ikwaani atemar iuni iyoŋ lokile kon? Iyoŋ ekile ŋolo Kristoit, ianyuni iyoŋ ikwaani atemar iuni iyoŋ aberu kon?

1 Tim. 6:5

ŋipegeta ŋulu nyedaun alotuŋa a ŋulu nyisitiyaete ŋatameta kec, ŋulu nyeriŋa eyakatar ŋakiro ŋuna a kire. Etamete ŋituŋa ŋul atemar edin iŋes erot ŋolo eryamunere ebari.

2 Tim. 2:20

Tooma akai ŋina apolon, eyakasi ŋiboro ŋulu egelegelya; itiyaunitae ŋice a egolid, ŋice a esilipa, ŋice iceunitae anakito ka ŋice eyeunitae a elupe. Erae ŋice ŋikisitiya aloticisyo a ŋulu apolok, ŋice aloticisyo a ŋulu caryo.

Tito 2:9

Kitatam ŋipi topupete ŋikapolok kec anakiro a daadaŋ, kitalakanarete ikes tomam apeganakin ikes,

Yak. 2:20

Iyoŋ ebaŋaanot! Icamit iyoŋ ikitoodikin atemar anupit ŋina emam ŋiticisyo erae akoŋinait a?