Ŋirom. 9:1 - Ebaibul

¹ Erae ŋakiro ŋuna tokona alosi ayoŋ erwor ŋuna a kire; nyerworo ayoŋ alyokonu, anerae arae ayoŋ ŋolo a Kristo. Ŋatameta kaŋ daŋ, erae ŋuna ipukat Etau ŋolo Asegan, eketeyenunito ikes ayoŋ atemar nyerworo ayoŋ alyokonu.

Ŋirom. 9:1 Iomraidhean Croise

Ŋirom. 1:9

Eyeni Akuj atemar ŋuna erworo ayoŋ erae ŋuna a kire--Akuj ŋina etiyanakini ayoŋ a ekaatau a daadaŋ analimonokin Ŋakiro ŋuna Ajokak ŋuna a Lokoku keŋ. Eyeni Akuj atemar akatamunit ayoŋ iyes,

Ŋirom. 2:15

Itoodiunito ŋipitesyo kec atemar igirir lotai kec ŋuna icikakinito Ŋikisila. Elimorito ŋatameta kec daŋ atemar erae ŋun ŋuna a kire alopite a ŋolo isitanakiniata ka eiununuyata ŋatameta kec ikes.

Ŋirom. 8:16

Imorikin Etau ŋolo ka Akuj ka ŋitai yok alimor atemar ikirae iwon kire ŋidwe ŋulu ka Akuj.

Ŋirom. 9:2

Erae ŋun kire atemar epol nooi akiyaloloŋ kaŋ ka nyedaun aryeba ŋina eyai lotau kaŋ aŋuna a ŋituŋa kaŋ. Erworo ayoŋ aŋuna a ŋituŋa a ŋulu ke ekabila kaŋ.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 1:23

Anyarit ayoŋ Akuj erae esuuda kaŋ, iŋes eyeni ŋuna eyakasi lotau kaŋ! Arae aŋuna pa acamitor ayoŋ akisican iyes, iŋes pa abunio ayoŋ Korinto.

2 Ŋikor. 11:10

Aŋuna a Kristo a ŋolo erae kire, a ŋolo alimonokini ayoŋ, eikinit ayoŋ atemar emam ituŋanan anakwap ka Akaia daadaŋ epedori akiretakin ayoŋ anakituro kaŋ.

2 Ŋikor. 11:31

Eyeni Akuj, Papa ke Ekapolon Yesu--ŋolo ipuritoe ŋikaru ka ŋikaru atemar nyerworo ayoŋ alyokonu.

2 Ŋikor. 12:19

Acepaki itamete iyes atemar kori iwaritae isua jik aryamun epite ŋolo eiunore isua alokiŋaren kus. Mam! Ikirworo isua alopite a ŋolo ikicamakinitor isua Kristo kirworoe alokiŋaren Akuj; ŋikaitotoi kaŋ, ibore daadaŋ ŋini ikitiyae isua, ikitiyae akiŋarakinia iyes.

Ŋigal. 1:20

Iyookino ŋakiro nu ŋuna egiri ayoŋ. Eyeni Akuj atemar nyerworo ayoŋ alyokonu!

Ŋipil. 1:8

Eyeni Akuj atemar ŋuna erworo ayoŋ erae ŋuna a kire--akamina ayoŋ iyes lopite ŋolo ikiminar iyes Yesu Kristo.

1 Ŋites. 2:5

Anerae iyenete iyes kire atemar, nyirworo isua ŋakiro ŋuna ka akirapirap iyes ka nyelimonokina isua Ŋakiro ŋuna Ajokak aŋuna ka aryamunia idiobore aneni kus--Akuj iŋes erae esuuda kosi!

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

1 Tim. 2:7

Iŋes nai ekeyakuunere ayoŋ ikwapei ekeseran ka ekiyakia, akitatam ŋituŋa ŋulu nyerae Ŋiyudayan ŋakiro ŋuna ka anupit ka ŋuna a kire. Nyesudi ayoŋ ŋakiro; erworo ayoŋ ŋuna a kire!

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.