Ŋirom. 8:9 - Ebaibul

⁹ Nai nyiyarete iyes alopitesyo a ŋulu ka aseconu, nai iyarete alopitesyo a ŋulu ecamitor Etau ŋolo ka Akuj iyes toyaryata--ikwapei kire eyakar Etau ŋolo ka Akuj tooma kus. Ituŋanan ŋini nyeyakar Etau ŋolo a Kristo, nyerae ŋini a Kristo.

Ŋirom. 8:9 Iomraidhean Croise

Esek. 11:19

Ainakini ayoŋ ikes toyakaunotor etau epei, ewuakini ayoŋ etau ŋolokitete neni kec, alemari ayoŋ agogoŋu a ŋakyes kec aneni kec, oinak ikes ŋitai ŋulu iwuapito ŋuna abala ayoŋ,

Luk. 11:13

Kipedorete nai iyes ŋulu iroko ainakin ŋidwe kus ibore ŋini ajokan, nyepedori nai Papa kus ŋolo anakuj ŋolo ejok nooi akilo iyes ainakin Etau ŋolo Asegan neni a ŋulu iŋitasi a?”

Yoa. 14:17

Erae iŋes Etau ŋolo irworo ŋuna a kire ŋuna ka Akuj. Nyepedori akwap akijaun iŋes, anerae nyite akwap iŋes, kori nyeyeni iŋes. Iyenete iyes iŋes, anerae iboiyuni iŋes neni kus ka eyakaun iŋes tooma kus.

Yoa. 14:23

Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

Yoa. 3:34

Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.

Yoa. 3:6

Ŋini idounitoe ka akuwan erae akuwan; ŋini idounitoe a Etau a ŋolo ka Akuj, erae etau.

Ŋitic. 16:7

Ani edolete ikes lokukoru ŋolo a Misia, kikatakis ikes alosit nakwap ŋina anyaritae Bisinia; nai nyecamak ikes Etau ŋolo a Yesu.

Ŋirom. 7:5

Anerae apaki ŋina ikiboiyo iwon ikiwuapit ekibure yok bon, etiyae ekibure ŋolo aronon ŋolo isiguryakinito Ŋikisila anawat yok ka ikipotu iwon oruworos ŋulu ikitiyae ŋuna ikirikorete natwanare.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

1 Ŋikor. 15:23

Nai iteyarunio ŋinituŋanan ikona: eteyarun mono Kristo; ekaku iteyarunio ŋikanupak a Kristo apaki ŋina eboŋunio iŋes.

1 Ŋikor. 3:16

Nyiyenete mono iyes atemar iraakasi iyes Akai ka Akuj ka eyai Etau ŋolo ka Akuj tooma kus a?

1 Ŋikor. 6:17

Nai ituŋanan ŋini imorikinosi ka Ekapolon, eruworosi epeitau ka iŋes.

1 Ŋikor. 6:19

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj.

2 Ŋikor. 10:7

Iteete iyes ŋiboro alopite a ŋolo etakaniata alokiŋa bon. Eyai idiotuŋanan ŋini ebala arae iŋes ŋini a Kristo a? Itemokino iŋes totam nabo, ido eyenuni atemar eraakae isua daŋ ŋulu a Kristo ikwapei iŋes.

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Ŋigal. 4:6

Aŋuna ka akitoodiun atemar iraakasi iyes ŋidwe keŋ, abu Akuj kiyaku Etau ŋolo a Lokoku keŋ tooma yok, Etau ŋolo iworoe ebala, “Papa! Apa kaŋ!”

Ŋigal. 5:24

Adaut ikes ŋulu erae ŋulu a Kristo akitotwakiar aseconu ŋina alotooma kec ka ekibure keŋ alomusalaba a Kristo.

Ŋiep. 1:13

Ipotu iyes daŋ toruworos ŋituŋa ŋulu ka Akuj apaki ŋina iiraryata ŋakiro ŋuna a kire, Ŋakiro ŋuna Ajokak ŋuna apotu yaut aiuno neni kus. Ipotu iyes tonupa neni a Kristo ka abu Akuj ikiinak iyes Etau ŋolo Asegan ŋolo aris iŋes kikiik iyes; abu Etau ŋol kikok aneni kus emacar keŋ ŋolo itoodiunit atemar irae ŋulu keŋ.

Ŋiep. 2:22

Alotooma akimorikina ka Kristo, ikidukokin iyes daŋ kaapei ka ŋuluce naduketait ŋina iboiyo Akuj alotooma Etau keŋ.

Ŋiep. 3:17

ka elipenene ayoŋ Akuj kituruwo ŋitai kus neni iboiyo Kristo aŋuna ka anupit kus. Elipi ayoŋ atemar ibore daadaŋ ŋini itiyaete iyes, torae ŋini ebunit alotooma amina,

Ŋipil. 1:19

anerae ayeni ayoŋ ebe aŋuna a ŋakilipasinei kus ka anakiŋarakino a ŋina ebunit aneni ke Etau a Yesu Kristo,

2 Tim. 1:14

Alotooma Etau ŋolo Asegan ŋolo iboi alotooma yok, kiyok Ŋakiro ŋuna Ajokak ŋuna adaun akicikakin iyoŋ.

1 Pet. 1:11

Apotu ikes kikatakis ayenun apaki ŋina itiyakinotor ŋakiro nu ka epite ŋolo eponiata. Apaki ŋin, iŋes etoodikinit ikes Etau ŋolo a Kristo, ŋolo ayai tooma kec atemar etitinyikini Kristo ŋican, nai ekaku eryamuni apolou.

1 Yoa. 3:24

Ikes daadaŋ ŋulu iricakinito Ŋakiciketa keŋ, iboiyete alotooma keŋ ka iboi iŋes alotooma kec. Epite lo iŋes ikiyenia iwon atemar iboi iŋes alotooma yok, aŋuna ke Etau a ŋolo ikiinak iŋes iwon.

1 Yoa. 4:13

Epite lo iŋes ikiyenunia iwon atemar ikiboi alotooma Akuj ka iboi iŋes alotooma yok, anerae ikiinak iŋes iwon Etau keŋ.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.