Ŋirom. 8:37 - Ebaibul

³⁷ Nai alotooma ŋakiro ŋun daadaŋ, ikiloit iwon tari ŋikelounak aŋuna a ŋolo abu ikiminak iwon.

Ŋirom. 8:37 Iomraidhean Croise

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋirom. 8:35

Ŋae epedori atyakari iwon anamina a Kristo? Epedorete ŋican atyakar a? Kori ŋatyokisyo, kori akisicanio kori eron kori akulyako, kori awasya kori atwanare a?

1 Ŋikor. 15:54

Aŋun nai, kedau akinyasuno akilocokin toruwor ŋina nyinyasun ka ibore ŋini etwani toruwor ŋini nyetwani jik, iyookin nai Ŋakigireta ŋuna ebasi, “Adaun atwanare akinyasun; eloun, erikakin!

1 Ŋikor. 15:57

Nai ikilakara neni ka Akuj, a ŋina ikiinak iwon akiloun aŋuna ke Ekapolon yok Yesu Kristo!

2 Ŋikor. 12:19

Acepaki itamete iyes atemar kori iwaritae isua jik aryamun epite ŋolo eiunore isua alokiŋaren kus. Mam! Ikirworo isua alopite a ŋolo ikicamakinitor isua Kristo kirworoe alokiŋaren Akuj; ŋikaitotoi kaŋ, ibore daadaŋ ŋini ikitiyae isua, ikitiyae akiŋarakinia iyes.

2 Ŋikor. 12:9

Nai abu iŋes okolimok ayoŋ tema, “Ajokis kaŋ iŋes bon iitanit iyoŋ, anerae egogoŋ apedor kaŋ nooi apaki ŋina ipalagia iyoŋ.” Alakari ayoŋ nooi eturokin aŋuna ka apalagu kaŋ, ikotere min apedor ŋina a Kristo tooma kaŋ.

2 Ŋikor. 2:14

Olakaros neni ka Akuj! Anerae ikiŋarenikinit iŋes iwon jwi jwi anakiloun a ŋina a Yesu Kristo! Ikisitiyae iŋes iwon akielakin nakwap daadaŋ eure ŋolo akukunyon ŋolo ka ayenut keŋ.

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

2 Ŋites. 2:16

Ikilipi isua neni ke Ekapolon yok Yesu Kristo elope ka neni ka Akuj Papa yok, ŋolo abu itominak iwon ka ikiinak iwon anajokis keŋ atitinyu ŋina nyedaunun ka akigeno ŋina ajokan,

1 Yoa. 4:10

Nu ikes erae amina: meere atemar iwon ikipotu ominakisi Akuj, nai Akuj iŋes abu ikiminak iwon, kiyaku Lokoku keŋ, toruwor erot ŋolo isyoniyere ŋasecisya yok.

1 Yoa. 4:19

Eyai iwon amina, anerae aris sek Akuj kikiminak iwon.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 21:7

Ŋini ilouni, eryamuni ŋun aneni kaŋ, aruwor ayoŋ Akuj keŋ ka eruwor iŋes lokoku kaŋ.

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.