Ŋirom. 8:31 - Ebaibul

³¹ Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋirom. 8:31 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

1 Ŋirw. 8:57

Toyai Ekapolon Akuj yok kaapei ka iwon, ikwapei arukitotor kaapei ka atapapaa yok; elipit nyikimyek iŋes iwon, kori nyikŋer iŋes iwon.

2 Ŋirw. 6:16

Toboŋok Elisa iŋes tema, “Nyikibul, elalak ŋulu ikiriit ka iwon akilo ŋulu eriito ka ikes.”

1 Ŋakiro a ŋirwa 19:15

Ani iŋolikinete Ŋiamoni atemar abwaŋasi Ŋiarameani, tobwaŋas ikes daŋ alokiŋaren Abisai, tolomasi lotaun. Toboŋo nai Yoab Yerusalem.

1 Ŋakiro a ŋirwa 5:22

Apotu ikes toara ŋituŋa ŋulu alalak, anerae arae Akuj eŋarakinit ikes ajiore, ido apotu ikes toloma nakiboisyo a ŋituŋa a ŋul akitodol ŋina arikorere ikes nakwapin.

Ŋikiru. 118:6

Ikwapei eyakar Ekapolon diyete kaŋ, emam akuryanu eyai neni kaŋ. Anukiro epedorete ŋituŋa akitiya neni kaŋ?

Ŋikiru. 46:11

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 46:7

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 56:11

ekinyomit ayoŋ Akuj; mam ŋuna eketubulete. Anukiro epedori ituŋanan akitiya neni kaŋ?

Ŋikiru. 56:4

Epuro ayoŋ Akuj aŋuna a akiikinet keŋ. ekinyomit ayoŋ Akuj; mam ŋuna eketubulete. Anukiro epedori ituŋanan akitiya neni kaŋ?

Ŋikiru. 56:9

Eboŋorete nai ŋimoe kaŋ akoloŋit ŋina akanyaraa ayoŋ iyoŋ. Ayeni ayoŋ atemar itiyakin ŋun, anerae ikirukit ayoŋ ka iyoŋ.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Isa. 8:10

Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Yer. 1:19

Ikitijiete ikes iyoŋ, nai nyikilounete ikes iyoŋ, anerae ikirukit ayoŋ ka iyoŋ aŋuna ka alakun iyoŋ.”

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Yer. 42:11

Nyikuryaketa aŋuna ke erwosit a Babilon, lopite ŋolo sek ikuryaketa iyes, nyikuryaketa aŋuna keŋ, anerae ikirukit ayoŋ ka iyes, aŋuna ka aiun iyes ka alakun iyes anapedor keŋ.

Ekim. 14:9

Nai, nyemaikina iyes toŋero Ekapolon ka nyikera ŋituŋa a akwap a ŋin, anerae epatana iwon amunyar ikes, alemar agogoŋu aneni kec, ido ikirukit iwon ke Ekapolon nyikuryaketa aŋuna kec.”

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Ŋirom. 3:5

Nai ani kitoodiunito ŋuna aronok ŋuna ikitiyae iwon akiyookino ŋina ka Akuj, ikitemari iwon ai? Ikitemari mono nyiyookino Akuj aŋuna ikisicania iwon aŋuna a ŋiticisyo yok a ŋulu aronok a? (Erworo ayoŋ nu lopite ŋolo a ŋituŋa)

Ŋirom. 4:1

Ikitemari nai iwon ai aŋuna ka Aburaam a papaa yok? Nyo abu iŋes toyenu?

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

Yos. 10:42

Kilou Yosua ŋirwosi ŋul daadaŋ ka ŋakwapin kec alotooma akitijikinet apei bon, anerae eŋarakinit Ekapolon ŋolo erae Akuj a Ŋisirael ŋituŋa keŋ.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”