Ŋirom. 8:29 - Ebaibul

²⁹ Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

Ŋirom. 8:29 Iomraidhean Croise

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 89:27

Eturuwori daŋ ayoŋ iŋes lokoku kaŋ ŋolokiyae ka eturuwori ayoŋ iŋes erwosit ŋolo itopolooritae nooi alorwosi a ŋulu ka akwap.

Awos. 33:12

Tema Moses neni ke Ekapolon, “Ikilimonokini iyoŋ ayoŋ ŋinapei paaran ebe, ‘Torik ŋituŋa lu,’ nai nyiteyenikina iyoŋ ayoŋ ituŋanan ŋini iyakiyari iyoŋ orukosi ka ayoŋ; tobali bo iyoŋ, ‘Ayeni ayoŋ ekiro kon ka idau iyoŋ ajokyar aneni kaŋ.’

Awos. 33:17

Tema Ekapolon neni a Moses, “Acamuni ayoŋ ŋakiro ŋun, ŋuna ilipa iyoŋ; anerae ijokiar iyoŋ aneni kaŋ ka ayeni ayoŋ ekiro kon.”

Yer. 1:5

“Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Mat. 12:50

Anerae ituŋanan daadaŋ ŋini itiyae ŋuna ecamit Papa kaŋ ŋolo eyai nakuj, iŋes erae lokaato kaŋ, nakaato kaŋ ka toto kaŋ.”

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 28:10

Tolimok Yesu ikes tema, “Nyikibul, toloto tolimokisi ŋikaitotoi kaŋ toloto Galileya, akaanyuwarete ikes ayoŋ aina.”

Mat. 7:23

Alimokini nai ayoŋ ikes otema, ‘Pa akayeni ayoŋ iyes. Toloto aneni kaŋ iyes ŋulu itiyaete aronis!’

Yoa. 17:16

Nyerae ikes ŋulu ka akwap, ikwaŋinapei nyaraakar ayoŋ daŋ ŋolo ka akwap.

Yoa. 17:19

Aruwor ayoŋ ŋolo akatyakunitae aŋuna kec, ikotere toruworos ikes daŋ ŋulu seuna anakirot a ŋina a kire.

Yoa. 17:26

Eketeyenu ayoŋ iyoŋ ikes ka arubakini ekoni nenipei, ikotere min amina ŋina ikiminar iyoŋ ayoŋ tooma kec ka ayoŋ daŋ tooma kec.”

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Ŋirom. 11:2

Nyeŋero Akuj ŋituŋa keŋ, ŋulu abu iŋes toseu anakisyakinet. Iyenete iyes ŋuna igiritae Nakigireta ŋuna edyekitor Eliya Akuj aŋuna keŋ itoroniyarit ŋituŋa a Isirael ebala,

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

Ŋirom. 9:23

Acamit daŋ Akuj akitoodikin apolou keŋ ŋina epol nooi neni a ŋulu esyon iŋes ka neni a ŋulu adau koloŋ iŋes akitemokin aryamun apolou keŋ.

1 Ŋikor. 15:49

Ikwapei ikikwaanar tokona iwon ka ituŋanan ŋini asubunio analup, ikwaŋinapei, ikikwaanikin iwon ka ituŋanan ŋini anakuj.

1 Ŋikor. 2:7

Nai ikitatami isua iyes aosou ŋina ka Akuj ŋina imunono ŋina iwuaitae. Eriŋa tari akwap nyesubuna, keris Akuj ketyaku atemar itemokino iwon omora ka iŋes apolou keŋ.

1 Ŋikor. 8:3

Nai ituŋanan ŋini emina Akuj, eyeni Akuj iŋes.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 4:24

ka itemokino iyes tonapa ekuwane ŋolokitete, ŋolo asubi Akuj ikwaan ka iŋes, ŋolo itoodiunit eyakae keŋ anakiyar a ŋina a kire, a ŋina iyookino ka ŋina ejok nooi.

Ŋipil. 3:21

Ilocokini iŋes ŋawat yok ŋuna palag ka ŋuna etwakete, kituruwo ikes ŋuna ikwaan ka akuwan keŋ ŋina ka apolou a ŋina anakuj. Isitiyae iŋes apedor ŋina epedoritor akiwuakin ŋiboro daadaŋ Napukan keŋ.

Ŋikol. 3:10

ka iryamut ekuwane ŋolokitete. Ekuwane ŋolokitete ŋol iŋes erubakinit Akuj akasuban keŋ itete kikwaanikinos ka iŋes, ikotere toyenuniata iyes iŋes ejok.

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.