Ŋirom. 8:28 - Ebaibul

²⁸ Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Ŋirom. 8:28 Iomraidhean Croise

Akisy. 50:20

Tari daŋ ŋina icamitotor iyes akiar ayoŋ, abu Akuj tocamak ŋun, ikotere ŋuna ajokak etakanunete, toiunotor ŋituŋa ŋulu alalak, lopite ŋolo itiyaa Akuj tokona.

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

Neem. 1:5

Abu ayoŋ otema anakilip kaŋ, “Okoe Ekapolon, Akuj ŋina anakuj, Akuj ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa aŋuna a ŋulu ikiminasi iyoŋ ka aŋuna a ŋulu iwuapito ŋakiciketa kon,

Ŋikiru. 69:36

eruwor akwap ŋin ŋina a ŋidwe a ŋituŋa keŋ, ido iboiyete a nen daadaŋ ŋulu eminasi iŋes.

Awos. 20:6

nai etoodikini amina kaŋ ŋina nyiryaŋiryaŋa nanyamet ŋina ka aliput a ŋulu akaminasi ayoŋ, ido kiricito ŋakiciketa kaŋ.

Yer. 51:29

Emarani akwap ka iryaŋiryaŋa aŋuna a ŋakiro a ŋuna aseu Ekapolon akitiya nakwap a Babilon, akituruwor akwap a Babilon ereŋorot, neni emam ŋituŋa iboiyete alotooma keŋ.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mar. 12:30

Tomina Ekapolon Akuj kon a ekonitau a daadaŋ ka a akonikiyar a daadaŋ, ka a ŋakonitameta a daadaŋ ta a akonigogoŋu a daadaŋ.’

Ŋitic. 13:48

Ani iirarete ŋulu pa arae Ŋiyudayan alokidiŋ kec ŋakiro ŋun, tolakaros, kipuro Akuj aŋuna ka Akirot keŋ. Tonupa daadaŋ ŋulu aseunitae aryamun akiyar ŋina nyedaun.

Ŋirom. 11:29

Anerae nyiloconokini Akuj ŋatameta keŋ alotooma ŋuna ikamunito ŋini adau iŋes aseun kori akiterereŋ.

Ŋirom. 8:30

Aŋun, abu Akuj tonyarau ŋituŋa daadaŋ ŋulu aris iŋes ketyaka nawae ka ŋulu abu iŋes tonyara daŋ, abu kituruwo ŋulu iyookino alokiŋaren keŋ ka ŋulu abu iŋes kituruwo ŋulu iyookino alokiŋaren keŋ, abu kitopoloo ikes.

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.

1 Ŋikor. 1:2

ikigirit abaruwa na neni ka atukot a Ŋikristo a ŋina eyai Korinto: neni kus a ŋulu ikityakunitae anakimorikina ka Yesu Kristo, ŋulu ikinyarae aruwor ŋituŋa ŋulu ka Akuj, kaapei ka ŋulu daadaŋ ilipete anakiboisyo a daadaŋ alokiro a Yesu Kristo Ekapolon yok, a ŋolo erae Ekapolon kec ka ŋolo yok.

1 Ŋikor. 1:24

Nai neni a ŋulu adau Akuj anyarare, kerae Ŋiyudayan kori Ŋigirik, erae Kristo apedor ka aosou ŋina ka Akuj.

1 Ŋikor. 1:9

Ikinyoma Akuj ŋina adau anyarare iyes nakimorikina ka Lokoku keŋ, Ekapolon yok Yesu Kristo.

1 Ŋikor. 2:9

Ikwaŋina igiritere Nakigireta ebe, “Ibore ŋini nyiŋolikina ŋakonyen, kori nyiirara ŋaki, kori nyetama ŋatameta a ŋituŋa, erae ibore ŋin ŋini abu Akuj kitemok aŋuna a ŋulu eminasi iŋes.”

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

Ŋigal. 1:15

Nai abu Akuj tolakar okoseu ayoŋ eriŋa tari nyidouno, okonyar ayoŋ anajokis keŋ akitiyanakin iŋes. Abu iŋes eketoodik ayoŋ Lokoku keŋ, ikotere olimonok Ŋakiro ŋuna Ajokak ŋuna ikamunito iŋes lotuŋa ŋulu nyerae Ŋiyudayan. Apaki ŋina atakanuniata ŋun, abu ayoŋ nyecanican apaki alosit neni a idiotuŋanan aryamun ŋakiro ŋuna eŋarakinak;

Ŋigal. 1:6

Aumokinit ayoŋ aŋuna kus! Alotooma apaki ŋina auruwuanan, iesikis iyes Akuj ŋina abu ikinyarau iyes aŋuna ka ajokis a Kristo ka icamut Ŋakiro ŋuna Ajokak ŋace!

Ŋigal. 5:8

Meere Akuj ŋina ikinyarit iyes kitiyae ŋun.

Ŋiep. 3:11

Abu Akuj kitiya ŋun ikwapei ayakar alosikinet keŋ ŋina a ŋikaru ka ŋikaru, ŋina ayakar iŋes alotooma Yesu Kristo Ekapolon yok.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Ŋipil. 3:14

Aŋun, aŋirikinit nooi akerit kiŋaren akitodol tari naŋetakinet, ikotere oryamu eropit ŋolo erae anyarit ŋina ka Akuj alotooma Yesu Kristo, nakiyar ŋina alokidiama.

1 Ŋites. 5:9

Pa ikiseuni iwon Akuj aryamun ŋican ŋulu ka anyunyura keŋ, nai aryamun aiuno alotooma Ekapolon yok Yesu Kristo.

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

Ŋibur. 9:15

Aŋuna a ŋakiro a ŋun, Kristo eyaunit akimorikina a ŋituŋa ka Akuj a Nacamunet a ŋina Kitete, ikotere nai toanyuniata ŋituŋa ŋulu adau Akuj anyarare arereŋu ŋina a jik ŋina ikiik Akuj. Epedor ŋun, anerae abu Kristo totwan ikotere elacakinia ŋituŋa anaronis kec a ŋina etiyaete ikes eriŋa Acamunet ŋina ke ekiŋaren eyai.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

1 Yoa. 4:10

Nu ikes erae amina: meere atemar iwon ikipotu ominakisi Akuj, nai Akuj iŋes abu ikiminak iwon, kiyaku Lokoku keŋ, toruwor erot ŋolo isyoniyere ŋasecisya yok.

1 Yoa. 4:19

Eyai iwon amina, anerae aris sek Akuj kikiminak iwon.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!