Ŋirom. 8:27 - Ebaibul

²⁷ Akuj ŋina eripit ŋitai a ŋituŋa eyeni ŋatameta ŋuna ke Etau a ŋolo ka Akuj. Anerae imaimai Etau Akuj aŋuna a ŋituŋa a ŋulu ka Akuj, lopite ŋolo ecamitor Akuj.

Ŋirom. 8:27 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Ŋikiru. 139:1

Okoe Ekapolon, idau iyoŋ aripirip ayoŋ, ido ikiyenu iyoŋ ayoŋ.

Ŋikiru. 38:9

Okoe Ekapolon ileerete ŋuna acamit ayoŋ daadaŋ alokiŋaren kon, ikipupi iyoŋ ayoŋ aumeni.

Ŋikiru. 44:21

pa mono keyenunit Akuj ŋun a? Anerae eyeni iŋes ŋuna imunono alotai.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Yer. 11:20

Okoe iyoŋ Ekapolon ŋolo a ŋajoresyo iyoŋ ŋolo itubi ŋakiro ka akiyookino, ŋolo ikatanakini ŋitai ka ŋatameta a ŋituŋa, kisiŋolikinae ayoŋ akinyaŋaret kon neni a ŋituŋa a lu, anerae ewuak ayoŋ ŋakiro kaŋ daadaŋ napedor kon.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 20:12

Okoe Ekapolon ŋolo a ŋajoresyo, ikatanakini iyoŋ ŋulu iyookino, ite iyoŋ ŋatameta ka ŋitai, kimyekinae ayoŋ eŋolik isicani iyoŋ ikes, anerae ainakina ayoŋ akitiya acamit kon.

Mat. 6:8

Nyikote ikes; anerae eyeni Papa kus ŋuna iitanito iyes eriŋa nyilipa.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Yoa. 14:13

Ŋinibore daadaŋ iŋisete iyes alokiro kaŋ, etiyakini ayoŋ, ikotere kitopolooroe Papa aneni a Lokoku.

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Ŋitic. 1:24

Tosodo kilipa temasi, “Ekapolon, iyeni iyoŋ etau a ŋinituŋanan, kitoodikinae tokona isua alokilyok a ŋuluarei a lu ŋolo iseu iyoŋ.

Ŋitic. 15:8

Abu Akuj ŋina eyeni ŋitai a ŋituŋa kiteyenu atemar ecamunit iŋes ŋulu nyerae Ŋiyudayan aŋuna ainakinia ikes Etau ŋolo Asegan, ikwaŋinapei ikiinakinia iwon.

Ŋirom. 8:34

Ŋae nai etubokini ikes? Emam ipei daŋ, anerae Yesu Kristo abu totwan, nabo akilo aponi kiteyarunae alokatwak, ido iboi alowae a ŋolo aloteten a ŋolo ka Akuj. Iŋes edyekit aŋuna yok Akuj.

Ŋirom. 8:6

Ani kikipukato iwon ŋipitesyo ŋulu ka aseconu, ikitwaki, nai kikipukat Etau ŋolo ka Akuj iwon, ikiinakini Akuj iwon akiyar ka ekisil.

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

1 Ŋites. 2:4

Nai akilo, erae ŋuna ikirworo isua jwi jwi ŋuna ecamit Akuj isua kirworoe, anerae adau iŋes aryamun isua ikirae ŋulu emaikina ikicikakin Ŋakiro ŋuna Ajokak. Aŋun, nyikirworo isua aŋuna ka akitalakar ŋituŋa, nai akitalakar Akuj ŋina eyeni ŋuna eya lotai kosi.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.