Ŋirom. 8:26 - Ebaibul

²⁶ Ikwaŋinapei ikiŋarakinitor akigeno ŋin iwon, ebuneene Etau ŋolo ka Akuj daŋ akiŋarakin iwon, ŋulu ikipalag nooi. Anerae nyikiyeni iwon epite ŋolo itemokino elipyata; nai erae Etau ilipit Akuj aŋuna yok, alotooma aryeba elimit ŋakiro ŋuna nyikipedori iwon alimun.

Ŋirom. 8:26 Iomraidhean Croise

Yob 37:19

Kitatamae isua ŋakiro ŋuna elimokinio Akuj, nyikipedori isua atubun ŋuna elimunio, anerae emam ŋuna eyenio isua.

Ŋikiru. 10:17

Okoe Ekapolon, iira iyoŋ akiitanit a ŋituŋa kon a ŋulu itiditeuna make. Isimukekini iyoŋ ŋitai kec, ipupokini iyoŋ ŋakiro kec.

Ŋikiru. 102:20

abu kiira aumen a ŋimabus, ido abu tolacak ŋulu atubokinitae atwanare,”

Ŋikiru. 102:5

Aŋuna aumenio ayoŋ nooi; aruwor ayoŋ koŋin, amuny ka ŋakoyo bon.

Ŋikiru. 6:3

Aryebakin etau kaŋ daŋ nooi. Tari ori okoe Ekapolon, tari ori edarit ayoŋ akitaŋaleuno?

Ŋikiru. 6:9

Adau Ekapolon akiirar adyekitoi kaŋ aŋuna ka akisyon ayoŋ; adau Ekapolon aboŋokin akilip kaŋ.

Ŋikiru. 69:3

Apapanu ayoŋ anakigworo eŋita akiŋarakinio, aono edokole kaŋ. Amuumu ŋakonyen kaŋ edarit akiŋarakino aneni ka Akuj kaŋ.

Aum. 3:56

ibu iyoŋ kiira adyekitoi kaŋ ŋina abaakar, ‘Nyiwou akiirar ŋakiro kaŋ ŋuna ekegworonokinio iyoŋ ikiŋarak ayoŋ.’

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Mat. 10:20

Anerae meere iyes irworosi, nai Etau ŋolo a Papa kus iŋes irworo aneni kus.

Mat. 20:22

Toboŋok Yesu ikes tema, “Nyiyenete iyes ŋuna iŋitasi. Ipedorete iyes akimat ekopo ŋolo a ŋican ŋolo alosi ayoŋ akimat a?” Toboŋokis ikes temasi, “Ikipedori.”

Luk. 22:44

Kilip iŋes imukekinit toryeba nooi alotau, kikokis ŋakinyinyir keŋ edoete kwap ŋaokot.]

Yoa. 14:16

Elipi ayoŋ Papa, ikiinakini iŋes iyes ekeŋarakiniton ece ŋolo irukyoto iyes jik.

Ŋirom. 15:1

Itemokino iwon ŋulu ikigogoŋ ananupit eŋaranakinete ŋulu epalag, egaŋakisi ikes anatyokisyo kec. Nyitemokino iwon ikitiyae ŋuna ikitalakarete iwon make.

Ŋirom. 7:24

Erae nai epite ŋolo ayakar ayoŋ lo: Ayoŋ elope anaosou kaŋ ewuapit ekisil ŋolo ka Akuj, nai alopite a ŋolo araakar ituŋanan, ewuapit ekisil ŋolo ka asecit. Okoe nyipeituŋanan a ŋipapan ayoŋ! Ŋae akaiuni ayoŋ anakuwan a na, a ŋina akarikorit natwanare? Alakara ayoŋ neni ka Akuj a ŋina epedori aiun ayoŋ alotooma Ekapolon yok Yesu Kristo!

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

2 Ŋikor. 5:2

Aŋun tokona, ikirurumae iwon ka ikiitanit atemar kerae onapa ere yok ŋolo anakuj--akuwan yok ŋina nyesaluni;

2 Ŋikor. 5:4

Anerae, ani eriŋa iwon ikiya loeema lo, ŋolo ka akwap a na, ikirurumae ka ikiridakinitae; meere aŋuna ikicamitor alemar ekuwane lo ŋolo ka akwap, nai ikicamit iwon onapa ŋawat ŋuna nyesalunete, ikotere kiliko akiyar ŋina nyesaluni akuwan ŋina esaluni.

Ŋigal. 4:6

Aŋuna ka akitoodiun atemar iraakasi iyes ŋidwe keŋ, abu Akuj kiyaku Etau ŋolo a Lokoku keŋ tooma yok, Etau ŋolo iworoe ebala, “Papa! Apa kaŋ!”

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋiep. 6:18

Kitiyata ŋun daadaŋ alotooma akilip, iŋitasi akiŋarakino aneni ka Akuj. Kilipeneneete ŋapakio daadaŋ anapedor a ŋina ke Etau a ŋolo ka Akuj. Totenito, nyijamakis akilipanakin jwi jwi ŋituŋa ŋulu ka Akuj daadaŋ.

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

Ŋibur. 5:2

Ikwaŋinapei epalagia iŋes daŋ alotau, epataniar iŋes aneni a ŋulu edyakanarete, anerae emam ŋuna eyenete.

Yak. 4:3

Tari ŋina iŋisyata iyes iŋes, nyiryamunete, anerae iŋitasi erono; iŋitasi iyes ŋiboro ŋulu isitiyaete aŋuna ke ekibure kus.