Ŋirom. 8:23 - Ebaibul

²³ Nai meere ŋisubuna bon irurumaete anaryeba; iwon daŋ ŋulu ikiyakar Etau ŋolo ka Akuj ikwapei ainakinet ka Akuj ŋina ke ekiŋaren, ikirurumae anaryeba alotooma yok, anapaki a na a ŋina ikidaritor Akuj ikituruwo iwon ŋidwe keŋ, tolacak ŋawat yok anatwanare.

Ŋirom. 8:23 Iomraidhean Croise

2 Ŋakiro a ŋirwa 31:5

Ŋinapei adolioto ŋakiro ke erwosit lotuŋa, apotu Ŋisirael tolemut ŋainakineta ŋuna alalak nooi, ŋuna a ŋikinyom a ŋulu alemunete ikes ekiŋaren, epiini, akimyet, ao, ka ŋamuja ŋace daadaŋ ŋuna a ŋimanikorin kec; yaut ikes ŋainakineta ŋuna alalak nooi, yaut atutubet apei alotooma ŋitomon a ŋinibore.

Luk. 20:36

Nyetwakete ikes nabo, anerae ikwaanikin ikes ka ŋimalaikan; eraakasi ikes ŋidwe ŋulu ka Akuj ka ŋulu ka ayarun alokatwak.

Luk. 21:28

Ani edoli ŋirwa ŋulu iyookinotor ŋun daadaŋ, towua kireosi ŋakyes kus kidiama, anerae aapuu aiuno kus.”

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

Ŋirom. 5:3

Meere a ŋun bon, ikilelyani daŋ alocan yok, anerae ikiyeni iwon atemar ŋican ikes ikiinakinete iwon atitinyu.

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

Ŋirom. 7:24

Erae nai epite ŋolo ayakar ayoŋ lo: Ayoŋ elope anaosou kaŋ ewuapit ekisil ŋolo ka Akuj, nai alopite a ŋolo araakar ituŋanan, ewuapit ekisil ŋolo ka asecit. Okoe nyipeituŋanan a ŋipapan ayoŋ! Ŋae akaiuni ayoŋ anakuwan a na, a ŋina akarikorit natwanare? Alakara ayoŋ neni ka Akuj a ŋina epedori aiun ayoŋ alotooma Ekapolon yok Yesu Kristo!

Ŋirom. 8:19

Idarito nooi ŋisubuna daadaŋ apaki ŋina iseleereunio Akuj ŋidwe keŋ.

1 Ŋikor. 1:7

Aŋun, emam ainakinet ŋina ke Etau a ŋolo Asegan ŋina nyiryamunito iyes eriŋa idarito kitoodiunae Ekapolon yok Yesu Kristo anapolou keŋ.

2 Ŋikor. 1:22

ewuak iŋes emacar keŋ neni yok ka ewuak Etau keŋ lotai yok erae ibore ŋini ikiteyenuni iwon atemar eryamunio ibore ŋini adau iŋes akiikin.

2 Ŋikor. 7:5

Tari ŋina adolunere isua Makedonia, nyieŋuna isua. Ayakasi ŋatyokisyo ŋiwaetin daadaŋ, ikirikaunito isua ŋiburasyo alowaetin a daadaŋ ka ayai ekabule lotai kosi.

Ŋigal. 5:5

Aneni kosi, ikigeno atemar ikituruwor ŋulu ikiyookino alokiŋaren Akuj aŋuna ka anupit Kristo ka erae ŋun ikidarit isua anapedor a ŋina ke Etau a ŋolo ka Akuj.

Ŋiep. 1:14

Etau ŋol iŋes erae akitoodikinet neni yok atemar eryamunio iwon ŋarereŋisyo ŋuna adau Akuj akiikin neni a ŋituŋa keŋ apaki ŋina elakunia Akuj ŋituŋa keŋ jik, ikotere nai kipuroe apolou keŋ.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

Ŋiep. 5:9

anerae eyauni akica nu erae arait: ajokis, akiyookino ka akirworo ŋuna a kire.

2 Tim. 4:8

Ekedaritere ayoŋ ebokot ŋolo ka akiyookino ŋolo erae ainakinet ŋina ka akiloun, ŋolo akainakini ayoŋ Ekapolon ŋolo erae ekatubon ŋolo iyookino Akoloŋit ŋina ka atubokino--meere neni kaŋ bon, nai neni a daadaŋ a ŋulu iitanito atakanun keŋ.

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.