Ŋirom. 8:2 - Ebaibul

² Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

Ŋirom. 8:2 Iomraidhean Croise

Ŋikiru. 51:12

Kinyakakinae ayoŋ alelyanu ŋina ka aiuno a ŋina aryamuni ayoŋ aneni kon, inakinae ayoŋ etau ŋolo iwuapit ŋakiro kon.

Esek. 1:21

Ani erotokinete ŋisubuna, torotokis ŋiboorei ŋulu ekwaan ka ŋakejen a agaari daŋ, ani ewoete, towua ikes daŋ, ani enyounete ŋisubuna alokwap, tonyout ŋiboorei ŋul daŋ alokwap, anerae ayai acamit ŋina a ŋisubuna neni a ŋiboorei a ŋulu ekwaan ka ŋakejen a agaari a ŋul.

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Yoa. 8:32

Iyenunete ŋuna a kire ka ikilacakinete iyes ŋuna a kire.”

Yoa. 8:36

Ani kikilacak iyes Lokoku ka Akuj, ikilacakin iyes kire.

Ŋirom. 16:3

Kimalakinae Prisika ka Akwila, ŋulu ikitiyae ka ayoŋ etic ŋolo a Yesu Kristo;

Ŋirom. 3:27

Nyo nai ikisiturokini iwon? Emam ibore ipei daŋ! Ikotere nyo? Erae aŋuna ikiwuapitor iwon Ŋikisila a? Meere, nai aŋuna ikinupitor.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋirom. 6:18

Aponi itolacakin iyes anasecit, ido idaut aruwor ŋipi ŋulu ka akiyookino, ŋulu itiyaete aŋuna ka Akuj.

Ŋirom. 6:22

Nai tokona aŋuna ikilacakinere iyes anasecit ka iruworotor ŋipi ŋulu itiyaete aŋuna ka Akuj, iryamunete tokona iyes akiyar ŋina italakarit Akuj ka iryamunete moi akiyar ŋina nyedaun.

Ŋirom. 7:21

Aŋun, aanyu ayoŋ atemar alotooma kaŋ, itiyae ekisil lo: ani acamit ayoŋ akitiya ŋuna ajokak, ŋuna aronok bon apedori ayoŋ aseun akitiya.

Ŋirom. 7:23

Nai ete ayoŋ ekisil ŋolo egelaana itiyae aloticisyo kaŋ--ekisil ŋolo isiiryae ekisil ŋolo iyookino anatameta kaŋ. Eketuruworit ayoŋ emabus ŋolo a ekisil a ŋolo ka asecit--ekisil ŋolo a ŋiticisyo kaŋ.

Ŋirom. 7:4

Ikote iyes daŋ nenipei nen ŋikaitotoi kaŋ. Apaki ŋina iponiata iyes tomoryata atwanare a Kristo ipotu iyes tolacakinos aneni a Ŋikisila ka itwakito tokona alokiŋaren Ŋikisila. Irae iyes tokona ŋulu a Kristo a ŋolo aponi kiteyarunae alokatwak, ikotere itiyaete ŋuna ajokak aŋuna ka Akuj.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.

2 Ŋikor. 3:17

Erae nai Ekapolon Etau ŋolo ka Akuj ka neni eyai Etau ŋolo ke Ekapolon, eyai alacakina.

2 Ŋikor. 3:6

Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.

Ŋigal. 2:19

Nai tokona, alotooma ŋuna ikamunito Ŋikisila, ekoni ayoŋ ituŋanan ŋini etwanit--Ŋikisila ŋilopeyek etiyata ŋun--ikotere nai oyar ayoŋ aŋuna ka Akuj. Adaun akiar ayoŋ ka Kristo alomusalaba keŋ.

Ŋigal. 5:1

Ikilacak Kristo iwon, aŋun, nyitemokino nabo iwon eboiyoto ikwa ŋipi. Torubakisi nai icasito iraakasi ŋituŋa ŋulu elacakina ka nyicamut aruwor ŋipi nabo.

Ŋigal. 6:2

Kiŋaranakinos make anatyokisyo kus, ido alopite a ŋol, iwuapete iyes ekisil ŋolo a Kristo.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

Akis. 11:11

Ani kelunyarosi ŋirwa ŋiuni ka atutubet, bu ekiaŋanu ŋolo ka akiyar aneni ka Akuj, toloma neni kec, ido tonyout, tobul ŋituŋa daadaŋ ŋulu apotu toanyuwasi ikes.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.