Ŋirom. 8:19 - Ebaibul

¹⁹ Idarito nooi ŋisubuna daadaŋ apaki ŋina iseleereunio Akuj ŋidwe keŋ.

Ŋirom. 8:19 Iomraidhean Croise

Isa. 65:17

“Eapi ayoŋ asubun nakuj ŋinakitete ka akwap ŋinakitete, nyetamunio nabo ŋiboro ŋuluŋorok, kori nyerubakinete eya natameta.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Mat. 5:9

Erereŋ ŋulu esisilak; enyarao ikes ŋidwe ka Akuj.

Yoa. 1:12

Nai ŋulu daadaŋ apotu kijaut iŋes, tonupa ekiro keŋ, abu iŋes inak ikes apedor ŋina ruworet ŋidwe ŋulu ka Akuj.

Ŋitic. 3:21

Itemokino Kristo kiboi anakuj akitodol apaki ŋina ituruworya Akuj ŋiboro daadaŋ ŋikitet, lopite ŋolo koloŋ alimunitor iŋes alorwor a ŋikadwarak keŋ a ŋulu asegak.

Ŋirom. 8:14

Ŋituŋa daadaŋ ŋulu erikit Etau ŋolo ka Akuj, ikes erae ŋidwe ŋulu ka Akuj.

Ŋirom. 8:16

Imorikin Etau ŋolo ka Akuj ka ŋitai yok alimor atemar ikirae iwon kire ŋidwe ŋulu ka Akuj.

Ŋirom. 8:18

Ayeni ayoŋ atemar ŋican ŋulu ikiryamunit iwon tokona, nyepedoryo akisikwaanikin ka apolou ŋina ikidaritere iwon, ŋina nyisileereuno.

Ŋirom. 8:23

Nai meere ŋisubuna bon irurumaete anaryeba; iwon daŋ ŋulu ikiyakar Etau ŋolo ka Akuj ikwapei ainakinet ka Akuj ŋina ke ekiŋaren, ikirurumae anaryeba alotooma yok, anapaki a na a ŋina ikidaritor Akuj ikituruwo iwon ŋidwe keŋ, tolacak ŋawat yok anatwanare.

Ŋirom. 9:26

Anakibois a ŋinapei alimokinere ikes atemar ‘Meere iyes ŋituŋa kaŋ’; enyarao ikes ŋidwe ŋulu ka Akuj a ŋina eyari.”

1 Ŋikor. 1:7

Aŋun, emam ainakinet ŋina ke Etau a ŋolo Asegan ŋina nyiryamunito iyes eriŋa idarito kitoodiunae Ekapolon yok Yesu Kristo anapolou keŋ.

1 Ŋikor. 1:8

Erubakini iŋes ikitogogoŋit iyes ananupit kus tari nasalunet, ikotere itoryamun iyes emam ŋuna ikisitakinere Akoloŋit ŋina ke Ekapolon yok Yesu Kristo.

2 Ŋikor. 6:18

Abuni ayoŋ oruwor Papa kus ka iruworosi iyes daŋ ŋidwe kaŋ ŋulusapa ka ŋulupesur, adau Ekapolon ŋolo etiron alimun.”

Ŋigal. 3:26

Iraakasi tokona iyes daadaŋ ŋidwe ŋulu ka Akuj, aŋuna inupitotor iyes Yesu Kristo.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋikol. 3:4

Apaki ŋina etakanunia Kristo ŋolo erae akiyar kus, itakanunete iyes daŋ kaapei ka iŋes anapolou keŋ!

Ŋibur. 12:27

Isileereunito ŋakiro ŋuna ebookoi “Apeikitamaranikinet” ebe itamaranikinio ka elemaryo ŋisubuna daadaŋ, ikotere nai idoŋi ibore daadaŋ ŋini nyepedoryo akitamaranikin.

1 Pet. 1:13

Aŋun, totenito anatameta kus aŋuna ke etic. Totenito anatameta ka kiwuakinito akigeno kus daadaŋ najokis ŋina ikiinakinio iyes apaki ŋina isileereunere Yesu Kristo.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

1 Yoa. 3:1

Toanyutu iyes epite ŋolo ikiminar iwon Akuj Papa! Amina ŋin, iŋes ikinyaritere iwon ŋidwe ka Akuj, ikirae kire ŋidwe keŋ. Nyikiyeni akwap iwon, anerae nyeyenuna iŋes Akuj.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.

Akis. 21:7

Ŋini ilouni, eryamuni ŋun aneni kaŋ, aruwor ayoŋ Akuj keŋ ka eruwor iŋes lokoku kaŋ.