Ŋirom. 8:15 - Ebaibul

¹⁵ Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

Ŋirom. 8:15 Iomraidhean Croise

Awos. 20:19

Temasi ikes neni a Moses, “Bua erae iyoŋ ikisirwor isua, epupokinio isua ŋakiro ŋun. Nai nyicamak Akuj ebuni akisirwor isua, ani kikisirwor Akuj isua, ikitwaki isua.”

Isa. 56:5

ainakini ayoŋ ikes ŋirorwa ŋulu etamunitae jik alo Kai kaŋ ka alotooma ŋarwatatain kaŋ, ŋirorwa ŋulu iloito tari ŋulu a ŋidwe a ŋulusapa ka ŋulupesur. Ainakini ayoŋ ikes ekiro ŋolo a ŋikaru ka ŋikaru ŋolo nyepedoryo alemar.

Yer. 3:19

“‘Abu ayoŋ otam epite ŋolo eketuruworya iyes ŋidwe kaŋ, ido okoinak iyes akwap ŋina ajokan, akwap ŋina ajokan, akilo ŋakwapin daadaŋ. Abu ayoŋ otamak atemar ikinyaraete iyes ayoŋ papa kosi ka nyiŋerete iyes akiwuap ŋakiro kaŋ.

Ekim. 17:12

Tolimokis Ŋisirael Moses temasi, “Adaunoi isua, acakaroi isua, aoliyor isua daadaŋ!

Mat. 25:25

Aŋun, abu ayoŋ okuryaniar, ewua ecwee kon ŋolo ke egolid analup, iŋes lo, kijaa erae ŋolo kon.’

Mar. 14:36

Kilip nabo iŋes tema, “Papa, apa kaŋ! Ipedori iyoŋ alemar ŋican daadaŋ, tolema ekopo ŋolo a ŋican lo aneni kaŋ; meere ka acamit kaŋ, nai ikwaŋina icamitor iyoŋ.”

Luk. 11:2

Tolimok Yesu ikes tema, “Ani ilipete temasi: ‘Papa, ekonikiro tokeritetei; akonipukan bu.

Luk. 22:42

Tema, “Papa, ani kicamit iyoŋ, tolema ekopo lo ŋolo a ŋican aneni kaŋ! Nai meere aŋuna ka acamit kaŋ, nai kitiyakin acamit kon.” [

Luk. 8:28

Ani iŋolikini iŋes Yesu, kiworou toramakin kiŋaren keŋ, tocelu tema, “Anukiro eya iyoŋ ka ayoŋ, Yesu Lokoku ka Akuj, a ŋina alokidiama nooi? Akadyekit ayoŋ iyoŋ atemar, nyikisican kare ca!”

Luk. 8:37

Apotu nai ŋituŋa ŋulu ka akwap a Gadara kiŋitakis Yesu alosit iwace, anerae abu tobul ikes nooi. Todoka nai Yesu nataker, toboŋo.

Yoa. 16:8

Ani edoluni iŋes, itunupi ŋituŋa ŋulu ka akwap ŋuna ka asecit ka ŋuna ka akiyookino, ta ŋuna ka atubokino.

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Ŋitic. 16:29

Tonyarau ekapolokiniton mabus ituŋanan ayaun etaa, kipumar tooma, toramakin kiŋaren Paulo ka Silas emarani.

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

Ŋirom. 8:16

Imorikin Etau ŋolo ka Akuj ka ŋitai yok alimor atemar ikirae iwon kire ŋidwe ŋulu ka Akuj.

Ŋirom. 8:23

Nai meere ŋisubuna bon irurumaete anaryeba; iwon daŋ ŋulu ikiyakar Etau ŋolo ka Akuj ikwapei ainakinet ka Akuj ŋina ke ekiŋaren, ikirurumae anaryeba alotooma yok, anapaki a na a ŋina ikidaritor Akuj ikituruwo iwon ŋidwe keŋ, tolacak ŋawat yok anatwanare.

Ŋirom. 8:26

Ikwaŋinapei ikiŋarakinitor akigeno ŋin iwon, ebuneene Etau ŋolo ka Akuj daŋ akiŋarakin iwon, ŋulu ikipalag nooi. Anerae nyikiyeni iwon epite ŋolo itemokino elipyata; nai erae Etau ilipit Akuj aŋuna yok, alotooma aryeba elimit ŋakiro ŋuna nyikipedori iwon alimun.

Ŋirom. 9:4

Ikes erae ŋituŋa ŋulu a Isirael ŋulu eseunit Akuj kituruwo ŋidwe keŋ ka kitoodik apolou keŋ neni kec. Abu iŋes bu neni kec inak ikes Acamunet ka Ŋikisila daŋ. Eyenete ikes kire epite ŋolo kilipet; aryamut ikes ŋakiikineta ŋuna ka Akuj.

1 Ŋikor. 2:12

Nai aryamun isua Etau ŋolo ebunit aneni ka Akuj, meere ŋolo ka akwap, ikotere oyenuniata ibore daadaŋ ŋini ikiinak isua Akuj ikoŋin.

2 Ŋikor. 11:4

Anerae iminasi iyes adaŋit ŋakiro a ituŋanan ca daadaŋ a ŋini ebuni neni kus alimonokin ŋuna a Yesu a ece, nai meere ŋuna a Yesu a ŋolo ikilimonokini isua iyes; icamut iyes etau ka ŋakiro ŋuna ajokak ŋace, ŋuna egelaaka alotau a ŋolo ka Akuj ka a Nakiro a ŋuna Ajokak a ŋuna ipotu iyes kijaut aneni kosi.

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

Ŋigal. 5:1

Ikilacak Kristo iwon, aŋun, nyitemokino nabo iwon eboiyoto ikwa ŋipi. Torubakisi nai icasito iraakasi ŋituŋa ŋulu elacakina ka nyicamut aruwor ŋipi nabo.

Ŋiep. 1:5

Aŋuna ka amina keŋ, aris Akuj ŋinapei anakisyakinet ketubu akituruwor iwon ŋidwe keŋ aŋuna a Yesu Kristo--arae ŋun alakara ka acamit keŋ.

2 Tim. 1:7

Anerae pa abu Akuj ikiinak iwon Etau ŋolo ka akuryanu, nai abu ikiinak Etau ŋolo ka apedor ka amina ta akiyapara.

Ŋibur. 2:15

Alopite a ŋol abu Yesu tolacaki ŋulu arae ŋipi anakiyar kec a daadaŋ, aŋuna akeritotor ikes atwanare.

Yak. 2:19

Inupit iyoŋ atemar erae Akuj apei bon a? Ejok! Enupito tari atasatan daŋ--nabo emaranete tobulite.

1 Yoa. 4:18

Emam akuryanu anamina, nai iritari amina ŋina itemokino kire akuryanu. Anerae ŋini ekuryanit, eyeni atemar ebunit akisicanio; aŋun, ŋini ekuryanit, eriŋa amina nyitemokino kire neni keŋ.