Ŋirom. 8:1 - Ebaibul

¹ Emam tokona atubokino eriŋa eyai neni a ŋulu erukito kaapei ka Yesu Kristo.

Ŋirom. 8:1 Iomraidhean Croise

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Esek. 18:9

kiwuapite ŋuna atubunit ayoŋ ka kiricite ananupit ŋikisila kaŋ; ituŋanan ŋini ikoni ŋin, erae ŋini iyookino; eyari kire jik iŋes.

Yoa. 14:20

Akoloŋit ŋin, ipote iyes aanyun atemar ayai ayoŋ tooma Papa kaŋ, iyakasi iyes tooma kaŋ ka ayai ayoŋ tooma kus.

Yoa. 15:4

Kiboiyoto alotooma kaŋ ka ayoŋ tooma kus. Nyeraii ateni bon, mati eyai lokitoe. Ikwaŋinapei ikoŋin, nyirayete iyes ŋaraito, mati kiboiyoto alotooma kaŋ.

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Ŋirom. 16:3

Kimalakinae Prisika ka Akwila, ŋulu ikitiyae ka ayoŋ etic ŋolo a Yesu Kristo;

Ŋirom. 16:7

Kimalakinae tari Andoroniko ka Yunia, ŋulu erae Ŋiyudayan ikwa ayoŋ, ŋulu aponi toenae kaapei ka ayoŋ. Erwoko ikes nooi alokiyakia ka apotu toruworos Ŋikristo eriŋa ayoŋ.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋirom. 5:16

Eyai atyaketait kidiŋ ainakinet ŋina ka Akuj ŋina a ikoŋin ka asecit ŋina a ipeituŋanan a ŋin, a ŋini erae Adam. Aŋuna ka asecit ka apei, abu atubokino bu lotuŋa daadaŋ; nai ekaku a ŋasecisya a ŋuna alalak, abu ainakinet ŋina ka Akuj bu, ŋina elimorit ŋituŋa daadaŋ erae ŋulu iyookino alokiŋaren Akuj.

Ŋirom. 7:17

Aŋun, nyerae ayoŋ kire etiyaenene ŋuna aronok, nai erae asecit ŋina eyai tooma kaŋ.

Ŋirom. 7:20

Ani etiyae ayoŋ ŋuna nyacamit akitiya, nyerae ayoŋ kire etiyaenene ŋuna aronok, nai erae asecit ŋina eyai tooma kaŋ.

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

Ŋirom. 8:14

Ŋituŋa daadaŋ ŋulu erikit Etau ŋolo ka Akuj, ikes erae ŋidwe ŋulu ka Akuj.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

Ŋirom. 8:34

Ŋae nai etubokini ikes? Emam ipei daŋ, anerae Yesu Kristo abu totwan, nabo akilo aponi kiteyarunae alokatwak, ido iboi alowae a ŋolo aloteten a ŋolo ka Akuj. Iŋes edyekit aŋuna yok Akuj.

Ŋirom. 8:39

Nyepedori ibore ŋini eyai nadis kori nakwap--emam ibore alosubuna a daadaŋ ŋini epedori atyakar iwon anamina a ŋina ka Akuj, a ŋina erae ŋina yok alotooma Yesu Kristo Ekapolon yok.

Ŋirom. 8:4

Abu Akuj kitiya ikoŋina, ikotere iwon ŋulu ikiyari anakiwuapit Etau ŋolo ka Akuj, meere anakiwuapit aseconu a ituŋanan, ikipedori akitiya ŋuna ecamito Ŋikisila atemar iyookino.

Ŋirom. 8:9

Nai nyiyarete iyes alopitesyo a ŋulu ka aseconu, nai iyarete alopitesyo a ŋulu ecamitor Etau ŋolo ka Akuj iyes toyaryata--ikwapei kire eyakar Etau ŋolo ka Akuj tooma kus. Ituŋanan ŋini nyeyakar Etau ŋolo a Kristo, nyerae ŋini a Kristo.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 15:22

Anerae ikwaŋinapei etwakyata ŋituŋa daadaŋ anakimorikina kec ka Adam, iteyarunio daŋ anakimorikina kec ka Kristo.

2 Ŋikor. 12:2

Ayeni ayoŋ ekile ece ŋolo a Kristo, ŋolo aponi yaarae kidiama nakuj ŋikaru ŋitomon ka ŋiomwon ŋulu alunyarosi. Nyayeni ayoŋ erae keyakar iŋes aina akuwan kori etau bon--Akuj bon eyeni!

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

Ŋigal. 3:26

Iraakasi tokona iyes daadaŋ ŋidwe ŋulu ka Akuj, aŋuna inupitotor iyes Yesu Kristo.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋigal. 5:16

Ŋakiro ŋuna erworo ayoŋ ikes nu: kimyekisi Etau ŋolo ka Akuj kipuka akiyar kus, nyikipuka nai iyes ekibure ŋolo ka aseconu a ituŋanan.

Ŋigal. 5:25

Adau Etau ŋolo ka Akuj ainakin iwon akiyar; itemokino Etau ŋolopei ŋol kiyok akiyar yok.

Ŋiep. 1:1

Ayoŋ Paulo, ŋolo arae ekiyakia ŋolo a Yesu Kristo aŋuna ka acamit a ŋina ka Akuj, egirit abaruwa na neni a ŋituŋa a ŋulu ka Akuj a ŋulu eyakasi Epeso, ŋulu ikinyoma alotooma akimorikina ka Yesu Kristo:

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.