Ŋirom. 7:6 - Ebaibul

⁶ Nai tokona, ikilacakina iwon aneni a Ŋikisila, anerae ikipotu iwon otwaka alokiŋaren Ŋikisila ŋulu sek ikituruworito iwon ŋimabus. Nyeriŋa tokona iwon ikitiyae etic ŋolo ka Akuj alopite a ŋoloŋorot a ŋolo ke ekisil a ŋolo igiritae, nai alopite a ŋolokitete a ŋolo ke Etau ka Akuj.

Ŋirom. 7:6 Iomraidhean Croise

Esek. 11:19

Ainakini ayoŋ ikes toyakaunotor etau epei, ewuakini ayoŋ etau ŋolokitete neni kec, alemari ayoŋ agogoŋu a ŋakyes kec aneni kec, oinak ikes ŋitai ŋulu iwuapito ŋuna abala ayoŋ,

Esek. 36:26

Akainakini ayoŋ iyes ŋitai ŋulukitet ka ewuakini ayoŋ ŋatameta ŋunakitet neni kus; alemari ayoŋ aneni akisyaanu kus okoinak iyes ŋitai ŋulu iwuapito ŋakiro kaŋ.

Ŋirom. 1:9

Eyeni Akuj atemar ŋuna erworo ayoŋ erae ŋuna a kire--Akuj ŋina etiyanakini ayoŋ a ekaatau a daadaŋ analimonokin Ŋakiro ŋuna Ajokak ŋuna a Lokoku keŋ. Eyeni Akuj atemar akatamunit ayoŋ iyes,

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Ŋirom. 6:11

Aŋun, iyes daŋ, itemokino totamakis atemar itwakito iyes ŋilopeyek alokiŋaren asecit ka iyarete aŋuna ka Akuj anakimorikina ka Yesu Kristo.

Ŋirom. 6:19

(Erworo ayoŋ alopite a ŋolo irworotor ŋituŋa ikotere epataniar iyes ayenun ŋakiro kaŋ, anerae ipalag iyes anatameta.) Koloŋ sek ipotu iyes tojala ŋawat kus toruworos ŋipi ŋulu a ŋuna nyesegak ka ŋuna aronok aŋuna ka akitiya ŋuna nyiyookino alokiŋaren Akuj. Ikwaŋinapei, itemokino tokona iyes tojala ŋawat kus toruworos ŋipi ŋulu ka akiyookino, kitiyata ŋuna ka akiyookino alokiŋaren Akuj.

Ŋirom. 6:2

Mam jik! Nyepedori asecit akitap iwon, anerae ikipotu iwon otwaka alokiŋaren asecit, ikikokini nai iwon ikirubakini ikisecenene ai?

Ŋirom. 6:22

Nai tokona aŋuna ikilacakinere iyes anasecit ka iruworotor ŋipi ŋulu itiyaete aŋuna ka Akuj, iryamunete tokona iyes akiyar ŋina italakarit Akuj ka iryamunete moi akiyar ŋina nyedaun.

Ŋirom. 6:4

Aŋuna nai ka akibatisao yok, iwon ikipotu omora atwanare keŋ ka aponi itonuki ka iŋes; ikotere nai iwon daŋ ikiyari anakiyar a ŋina kitete, ikwaŋinapei eteyarunere Kristo alokatwak aŋuna ka apolou a ŋina ka Akuj a Papa.

Ŋirom. 7:1

Ŋikaitotoi kaŋ, ayeni ayoŋ atemar ipedorete iyes ayenun ŋuna alosi ayoŋ alimun. Anerae iyenete iyes daadaŋ ŋuna ikamunito Ŋikisila. Ipukato Ŋikisila ituŋanan ŋirwa ŋulu eyarya iŋes.

Ŋirom. 7:2

Akitaanyikinet iŋes na: aberu ŋina iisitae erae iŋes ŋina a lokile keŋ alokisila ŋirwa ŋulu eyarya lokile keŋ; nai ani ketwana lokile keŋ, elacakin iŋes alokisila a ŋulu eraakar iŋes ŋina alokile keŋ.

Ŋirom. 7:4

Ikote iyes daŋ nenipei nen ŋikaitotoi kaŋ. Apaki ŋina iponiata iyes tomoryata atwanare a Kristo ipotu iyes tolacakinos aneni a Ŋikisila ka itwakito tokona alokiŋaren Ŋikisila. Irae iyes tokona ŋulu a Kristo a ŋolo aponi kiteyarunae alokatwak, ikotere itiyaete ŋuna ajokak aŋuna ka Akuj.

2 Ŋikor. 3:6

Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

Ŋigal. 6:15

Anerae nyerae akileŋerit kori amamukau akileŋeryo epol alotooma ituŋanan; ibore ŋini epol iŋes aruwor ituŋanan ŋini kitete.

Ŋiep. 4:24

ka itemokino iyes tonapa ekuwane ŋolokitete, ŋolo asubi Akuj ikwaan ka iŋes, ŋolo itoodiunit eyakae keŋ anakiyar a ŋina a kire, a ŋina iyookino ka ŋina ejok nooi.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋikol. 3:10

ka iryamut ekuwane ŋolokitete. Ekuwane ŋolokitete ŋol iŋes erubakinit Akuj akasuban keŋ itete kikwaanikinos ka iŋes, ikotere toyenuniata iyes iŋes ejok.