Ŋirom. 7:24 - Ebaibul

^24-25 Erae nai epite ŋolo ayakar ayoŋ lo: Ayoŋ elope anaosou kaŋ ewuapit ekisil ŋolo ka Akuj, nai alopite a ŋolo araakar ituŋanan, ewuapit ekisil ŋolo ka asecit. Okoe nyipeituŋanan a ŋipapan ayoŋ! Ŋae akaiuni ayoŋ anakuwan a na, a ŋina akarikorit natwanare? Alakara ayoŋ neni ka Akuj a ŋina epedori aiun ayoŋ alotooma Ekapolon yok Yesu Kristo!

Ŋirom. 7:24 Iomraidhean Croise

1 Ŋirw. 8:38

kiira akilip kec. Ani kilip idio a ŋituŋa kon a ŋisirael, toyenete ca ikes alotai kec ŋican ŋulu eyakatar, kikyaa ŋakan keŋ iŋoliyarit lowae ŋolo eyai Akai na;

Ŋikiru. 102:20

abu kiira aumen a ŋimabus, ido abu tolacak ŋulu atubokinitae atwanare,”

Ŋikiru. 119:131

Ekeburito ayoŋ nooi ŋakiciketa kon.

Ŋikiru. 119:143

Adau ayoŋ aryamun ŋican ka aryeba, nai akainakinito ayoŋ ŋakiciketa kon alakara.

Ŋikiru. 119:176

Adau ayoŋ aoliyor ikwa amesek ŋina eolit; kiwarae ayoŋ eketiyan kon, anerae nyimuryakina ayoŋ ŋakiciketa kon.

Ŋikiru. 119:20

Epol nooi ekimue ŋolo a ŋikisila kon alotau kaŋ ŋapakio daadaŋ.

Ŋikiru. 38:2

anerae akawana ayoŋ ŋikaleŋeleŋe kon, ikitiŋ iyoŋ ayoŋ neni aronon.

Ŋikiru. 6:6

Alemun ayoŋ anakigworo kaŋ; akuwar kia itapapalete ekitaada kaŋ ŋakiyo ŋuna egworor ayoŋ; ibwaliyananarete ŋakiyo ibore ŋini ecoloŋit ayoŋ aperi.

Ŋikiru. 71:11

Ebasi, “Aŋer Akuj iŋes; ewuapa iŋes ekamutu, anerae emam ŋini eiuni iŋes.”

Ŋikiru. 72:12

anerae iŋaranakini iŋes ŋulu iitanito akiŋarakino apaki ŋina enyaraata iŋes, iŋaranakini iŋes ŋulu a ŋican ka ŋulu emam ikeŋarakinan.

Ŋikiru. 88:5

Ikikwaanikin ayoŋ ka ŋituŋa ŋulu imyekinitae aneni a ŋikatwak, ikikwaanikin ayoŋ ka ŋituŋa ŋulu adaun akiar, ŋulu eya napanya, ikikwaanikin ayoŋ ka ŋituŋa ŋulu nyeriŋa iyoŋ itamunit, anerae nyeriŋa iyoŋ iŋarakinit ikes.

Esek. 9:4

tema neni keŋ, “Ape kirimok Yerusalem daadaŋ, kiwuanak emacar loreetin a ŋituŋa a ŋulu iyaloloŋete ka ŋulu igworosi aŋuna ka asiilyo a daadaŋ a ŋina itiyao alo Yerusalem.”

Mika 7:19

Ikisyoni iyoŋ isua nabo; ikwaanikin ŋasecisya kosi ka ibore ŋini ipudaari iyoŋ a ŋakejen. Ilemari iyoŋ ŋasecisya kosi, ikwaanikin ka ibore ŋini imasaryo nanam kwap ŋakipi.

Mat. 5:4

Erereŋ ŋulu iyaloloŋete; ebuni Akuj akisirworiun ikes.

Mat. 5:6

Erereŋ ŋulu iitanito nooi aanyun ŋuna ka akiyookino; einakini Akuj ikes ŋuna iitanito.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Ŋirom. 6:6

Ikiyeni iwon atemar epite ŋolo sek ikiyakar iwon, aponi toarae kaapei ka Kristo alomusalaba, ikotere inyasunio epite ŋolo ka asecit alotooma yok ka nyikirubak iwon ikirae ŋipi ŋulu ka asecit.

Ŋirom. 8:13

Anerae ani kiwuap iyes ŋipitesyo ŋulu ka aseconu, itwakete; nai ani kisitiyata iyes Etau ŋolo ka Akuj aarya ŋiticisyo kus ŋulu aronok, iyarete.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

Ŋirom. 8:23

Nai meere ŋisubuna bon irurumaete anaryeba; iwon daŋ ŋulu ikiyakar Etau ŋolo ka Akuj ikwapei ainakinet ka Akuj ŋina ke ekiŋaren, ikirurumae anaryeba alotooma yok, anapaki a na a ŋina ikidaritor Akuj ikituruwo iwon ŋidwe keŋ, tolacak ŋawat yok anatwanare.

Ŋirom. 8:26

Ikwaŋinapei ikiŋarakinitor akigeno ŋin iwon, ebuneene Etau ŋolo ka Akuj daŋ akiŋarakin iwon, ŋulu ikipalag nooi. Anerae nyikiyeni iwon epite ŋolo itemokino elipyata; nai erae Etau ilipit Akuj aŋuna yok, alotooma aryeba elimit ŋakiro ŋuna nyikipedori iwon alimun.

Ŋikol. 2:11

Anakimorikina ka Kristo, iruworosi tokona iyes ŋulu ikileŋeritae; meere ka akileŋeryo a ŋina itiyaete ŋituŋa, nai ka akileŋeryo a ŋina etiyae Kristo, ŋina ikilacakinit iyes anapedor a ŋina ke ekuwane a ŋolo ka aseconu.

2 Tim. 4:18

Akalakuni ayoŋ Ekapolon anaronis a daadaŋ ka akaiuni iŋes ayoŋ okoya Napukan keŋ ŋina anakuj. Toyai apolou ŋina nyedaun neni keŋ ŋikaru ka ŋikaru! Amen.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 2:15

Alopite a ŋol abu Yesu tolacaki ŋulu arae ŋipi anakiyar kec a daadaŋ, aŋuna akeritotor ikes atwanare.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”