Ŋirom. 7:12 - Ebaibul

¹² Aŋun, nyerae Ŋikisila asecit, nai eponito aneni ka Akuj ka eponito ŋakiciketa kec daŋ aneni ka Akuj, nabo iyookino ka ejokak.

Ŋirom. 7:12 Iomraidhean Croise

Neem. 9:13

Ibu daŋ iyoŋ totiyaun kidiama emoru Sinai, kirwor neni kec alokidiama, ido iinaki ikes ŋakiro ŋuna iyookino, ŋikisila ŋulu a kire, ŋakiro ŋuna itubunit iyoŋ ŋuna ajokak ka ŋakiciketa,

Ŋikiru. 119:127

Kire jik, amina ayoŋ ŋakiciketa kon akilo egolid, akilo tari egolid ŋolo eliitae ejok.

Ŋikiru. 119:137

Okoe Ekapolon, irae iyoŋ ŋolo iyookino, iyookino ŋatubonokineta kon.

Ŋikiru. 119:140

Adaun aanyun atemar iyookino jik ŋakiikineta kon, aŋun, emina eketiyan kon ikes.

Ŋikiru. 119:172

Aeikini ayoŋ ŋuna a ŋakiro kon, anerae iyookino ŋakiciketa kon daadaŋ.

Ŋikiru. 119:38

Kisiyook akiikinet kon neni ke eketiyan kon, akiikinet kon neni a ŋulu ikitopoloorito iyoŋ.

Ŋikiru. 119:86

Erae ŋakiciketa kon daadaŋ ŋuna ikinyoma; kiŋarakinae ayoŋ, ekesudete ayoŋ ŋituŋa ŋakiro koŋin.

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Ŋirom. 3:31

Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋirom. 7:14

Ikiyeni iwon atemar erae Ŋikisila ŋulu eponito aneni ka Akuj, nai arae ayoŋ ituŋanan ŋini apalag ŋini akagyelaritae nasecit arae epito.

Ŋirom. 7:16

Ani etiyae ayoŋ ŋuna nyacamit akitiya, itoodiunito ŋun atemar acamunit ayoŋ atemar ejokak Ŋikisila.

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 4:8

Emam ŋituŋa a akwap ka adio ŋulu eyakar ŋakiro ŋuna etubunitoe, ŋikisila ŋulu iyookino ikwa ŋakiciketa nu ŋuna tokona alosi ayoŋ ainakin iyes nakoloŋit na.

1 Tim. 1:8

Nai ikiyeni iwon atemar ejokak Ŋikisila, erae kisitiyae alopite a ŋolo itemokino kisitiyaere.