Ŋirom. 7:11 - Ebaibul

¹¹ Abu asecit toryamu apaki keŋ, tosodi okomodik ayoŋ anakiciket a na; abu asecit kisitiya akiciket aŋuna ka aarya ayoŋ.

Ŋirom. 7:11 Iomraidhean Croise

Akisy. 3:13

Kiŋit Ekapolon Akuj aberu tema, “Anukiro nu ŋuna itiya iyoŋ?” Tema aberu, “Emun akamodikini ayoŋ, ido abu onyam.”

Isa. 44:20

Emam atyeketait eyai neni a ituŋanan a ŋin ka ŋini enyami ekuron. Ebatasi ituŋanan ŋini itiyae ŋun ŋatameta keŋ ŋuna ka abaŋao, ido nyepedori aiun bon, kori nyepedori acamun atemar erae akuj ŋina eyakar iŋes akoŋinait.

Yer. 17:9

“Emodiyana etau akilo ŋiboro daadaŋ, nyepatana akitojokun, ŋae epedori ayenun iŋes?

Yer. 49:16

Ikimodik iyes ekabule ŋolo iinakinito iyes lotuŋa ka akituro a ŋitai kus. Iyes lu ŋulu iboiyete alokidiama ŋatabab ka alokidiama emukura. Tari kiboiyete iyes alokidiama ŋimoru ikwa ŋigolei, akacakuni ayoŋ iyes a ina.

Obad. 1:3

Ikimodik iyoŋ akituro alotau kon, iyoŋ ŋina iboi anaitae a ŋimoru, iyoŋ ŋina erae neni eoya alomoru erae ere kon. Ibala iyoŋ alotau kon, ‘Ŋae epedori acakun ayoŋ kwap?’

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋirom. 7:13

Akeepolou mono atemar ŋuna ajokak ŋuna erae Ŋikisila, ikes apotu yaut atwanare neni kaŋ a? Mam jik! Arae asecit abu kitiya ŋun. Abu asecit yau atwanare alotooma akisitiya ŋuna ajokak, ikotere eyenunere ibore ŋini kire erae asecit. Aŋun, alotooma akiciket, itoodiunitae asecit esecana nooi tari adepar.

Ŋirom. 7:8

Nai abu asecit toryamu anakiciket a na apaki ŋina kisiguryakinet aneni kaŋ ŋipitesyo daadaŋ ŋulu ka akiŋobel. Anerae ani emam Ŋikisila, etwanit asecit.

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋibur. 3:13

Nai kiŋaranakinos iyes make ŋapakio daadaŋ eriŋa ikiya napaki ŋina enyaritae, “Nakoloŋit na,” ikotere nyemodik asecit idio kus kitininik ŋatameta.

Yak. 1:22

Kitiyata ŋuna elimunit akirot; meere akipup bon, ido tomodyanakin make.

Yak. 1:26

Ani ketami idiotuŋanan atemar iwuapit iŋes ŋakiro ŋuna ke edin, nai nyetubit akeeŋajep, erae edin keŋ ŋolo a koŋin, nabo emodyanakin iŋes bon.