Ŋirom. 7:1 - Ebaibul

¹ Ŋikaitotoi kaŋ, ayeni ayoŋ atemar ipedorete iyes ayenun ŋuna alosi ayoŋ alimun. Anerae iyenete iyes daadaŋ ŋuna ikamunito Ŋikisila. Ipukato Ŋikisila ituŋanan ŋirwa ŋulu eyarya iŋes.

Ŋirom. 7:1 Iomraidhean Croise

Esir 7:25

“Tosodi iyoŋ Esira, anaosou kon a ŋina ikiinit Akuj iyoŋ, toseu ŋikarikok a ŋituŋa ka ŋikatubok ŋakiro ŋulu etubete ŋakiro a ŋituŋa daadaŋ anakwap a ŋina alokekwaye aŋolol Eupurate, emaikina ŋikilyok ŋul toyenete ŋikisila ŋulu ka Akuj kon, tosodi emaikina iyoŋ kitatam ŋulu nyeyenete ŋikisila ŋulu ka Akuj.

Ŋakit. 6:23

Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Ŋirom. 1:13

Acamit ayoŋ iyes ŋikaitotoi toyenut atemar eitanit ayoŋ ŋapakio ŋuna alalak abunore aanyun iyes, (nai akitodol tokona ekeretakinitae). Acamit kaŋ iŋes akitunup ŋituŋa alokidiŋ kus daŋ Ŋakiro a Yesu Kristo, ikwaŋina etunupya ŋuluce ŋulu nyerae Ŋiyudayan.

Ŋirom. 10:1

Ŋikaitotoi kaŋ! Agasi ayoŋ alotau kaŋ a daadaŋ atemar toiun ŋituŋa kaŋ! Elipit ayoŋ Akuj aŋuna kec!

Ŋirom. 10:4

Anerae adau Kristo ayaun ekisal ŋolo a Ŋikisila, ido nai ituŋanan ŋini enupit ituruworyo ŋini iyookino alokiŋaren Akuj.

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋirom. 6:3

Nyiyenete mono iyes atemar iwon daadaŋ ŋulu aponi ikibatisae akimorikin ka Yesu Kristo, aponi ikibatisae akimorikin ka atwanare keŋ a?

Ŋirom. 7:6

Nai tokona, ikilacakina iwon aneni a Ŋikisila, anerae ikipotu iwon otwaka alokiŋaren Ŋikisila ŋulu sek ikituruworito iwon ŋimabus. Nyeriŋa tokona iwon ikitiyae etic ŋolo ka Akuj alopite a ŋoloŋorot a ŋolo ke ekisil a ŋolo igiritae, nai alopite a ŋolokitete a ŋolo ke Etau ka Akuj.

Ŋirom. 9:3

Kerae ca opedori ayoŋ akiŋarakin ikes, kacamu daŋ aŋuna kec ekecen Akuj ka okotyakar aneni a Kristo!

1 Ŋikor. 9:8

Nyerworo ayoŋ ŋun alopite bon a ŋolo irworotor ŋituŋa. Irworosi Ŋikisila a Moses daŋ ŋunapei.

Ŋigal. 4:21

Ekeŋisi iyes ŋulu icamito akiwuapit Ŋikisila: nyipupete iyes ŋuna irworosi Ŋikisila a?