Ŋirom. 6:4 - Ebaibul

⁴ Aŋuna nai ka akibatisao yok, iwon ikipotu omora atwanare keŋ ka aponi itonuki ka iŋes; ikotere nai iwon daŋ ikiyari anakiyar a ŋina kitete, ikwaŋinapei eteyarunere Kristo alokatwak aŋuna ka apolou a ŋina ka Akuj a Papa.

Ŋirom. 6:4 Iomraidhean Croise

Yoa. 11:40

Tolimok Yesu iŋes tema, “Pa akalimokinit ayoŋ iyoŋ atemar ani kinup, iŋolikini apolou ŋina ka Akuj a?”

Yoa. 2:11

Arae ŋin akujuwuanut ŋina esyaunan ŋina etiyae Yesu alo Kana, anakwap a ŋina a Galileya. Alopite a ŋol kisileerek iŋes ikes apolou keŋ, tonupa ŋikasyomak keŋ iŋes.

Ŋitic. 2:24

Nai abu Akuj kiteyaru iŋes alokatwak; tolacu iŋes anapipilu a ŋina ka atwanare, anerae pa apedori atwanare akien iŋes.

Ŋitic. 2:32

Eteyaru Akuj Yesu ŋolopei ŋol alokatwak ka ikirae isua daadaŋ ŋisuudae ŋulu a ŋakiro a ŋun.

Ŋirom. 6:19

(Erworo ayoŋ alopite a ŋolo irworotor ŋituŋa ikotere epataniar iyes ayenun ŋakiro kaŋ, anerae ipalag iyes anatameta.) Koloŋ sek ipotu iyes tojala ŋawat kus toruworos ŋipi ŋulu a ŋuna nyesegak ka ŋuna aronok aŋuna ka akitiya ŋuna nyiyookino alokiŋaren Akuj. Ikwaŋinapei, itemokino tokona iyes tojala ŋawat kus toruworos ŋipi ŋulu ka akiyookino, kitiyata ŋuna ka akiyookino alokiŋaren Akuj.

Ŋirom. 6:3

Nyiyenete mono iyes atemar iwon daadaŋ ŋulu aponi ikibatisae akimorikin ka Yesu Kristo, aponi ikibatisae akimorikin ka atwanare keŋ a?

Ŋirom. 6:8

Nai ani kikitwakit sek iwon kaapei ka Kristo, ikinupit daŋ atemar ikiponi akiyar kaapei ka iŋes.

Ŋirom. 6:9

Anerae ikiyeni iwon atemar aponi kiteyarunae Kristo alokatwak ka nyetwani nabo; nyipukae atwanare iŋes nabo jik.

Ŋirom. 7:6

Nai tokona, ikilacakina iwon aneni a Ŋikisila, anerae ikipotu iwon otwaka alokiŋaren Ŋikisila ŋulu sek ikituruworito iwon ŋimabus. Nyeriŋa tokona iwon ikitiyae etic ŋolo ka Akuj alopite a ŋoloŋorot a ŋolo ke ekisil a ŋolo igiritae, nai alopite a ŋolokitete a ŋolo ke Etau ka Akuj.

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

1 Ŋikor. 6:14

Abu Akuj kiteyaru Ekapolon anatwanare, ikiteyaruni daŋ iŋes iwon anatwanare aŋuna ka apedor keŋ.

2 Ŋikor. 13:4

Tari kibubukinitoe iŋes lomusalaba anapalagu, eyari iŋes aŋuna ka apedor a ŋina ka Akuj. Ikipalag iwon daŋ anakimorikina ka Kristo; nai ani kikitiya isua alokidiŋ kus, ikimori apedor ŋina ka Akuj, anakiyar a ŋina a Kristo.

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

Ŋiep. 4:17

Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,

Ŋikol. 3:10

ka iryamut ekuwane ŋolokitete. Ekuwane ŋolokitete ŋol iŋes erubakinit Akuj akasuban keŋ itete kikwaanikinos ka iŋes, ikotere toyenuniata iyes iŋes ejok.

Ŋikol. 4:1

Ŋikapolok, totiŋito ŋipi kus alopite a ŋolo ajokan; toyenete atemar eyai iyes daŋ Ekapolon nakuj.

1 Pet. 3:21

Erae ŋakipi ŋun akitaanyikinet, ŋina ka akibatisao a ŋina tokona ikiununui iyes. Nyerae iŋes alemaret elos ŋolo eyai nakuwan, nai erae adyekit Akuj akitesegun ŋatameta yok, alotooma ayarun ŋina a Yesu Kristo,

1 Yoa. 2:6

Ituŋanan ŋini ebala, “Ikirukit ka Akuj,” itemokino iŋes iboi ikwaŋina eboiyo Yesu Kristo.