Ŋirom. 6:3 - Ebaibul

³ Nyiyenete mono iyes atemar iwon daadaŋ ŋulu aponi ikibatisae akimorikin ka Yesu Kristo, aponi ikibatisae akimorikin ka atwanare keŋ a?

Ŋirom. 6:3 Iomraidhean Croise

Mat. 28:19

Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan.

Ŋitic. 19:5

Ani iirarete ikes ŋun, kibatisae ikes alokiro ke Ekapolon Yesu.

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 8:16

Kibatisatae ikes alokiro ke Ekapolon Yesu bon; ariŋa Etau ŋolo Asegan nyemino tari neni a ipei kec.

Ŋirom. 6:16

Iyenete iyes kire atemar, ŋina ijalatar iyes tocamut aruwor ŋipi ŋulu a ituŋanan a ice, iruworosi ŋipi ŋulu a ituŋanan a ŋini iwuapito iyes--kerae ŋipi ŋulu ka asecit a ŋina ikirikori natwanare kori ŋipi ŋulu ka akiwuapit ŋakiro ŋuna ka Akuj, ŋuna eyaunete akiyookino alokiŋaren Akuj.

Ŋirom. 6:8

Nai ani kikitwakit sek iwon kaapei ka Kristo, ikinupit daŋ atemar ikiponi akiyar kaapei ka iŋes.

Ŋirom. 7:1

Ŋikaitotoi kaŋ, ayeni ayoŋ atemar ipedorete iyes ayenun ŋuna alosi ayoŋ alimun. Anerae iyenete iyes daadaŋ ŋuna ikamunito Ŋikisila. Ipukato Ŋikisila ituŋanan ŋirwa ŋulu eyarya iŋes.

1 Ŋikor. 10:2

Aponi kibatisae ikes daadaŋ ananam eriŋa edou imukorit ikes, toruworos ŋikewuapak a Moses.

1 Ŋikor. 12:13

Ikwaŋinapei, iwon daadaŋ tari kikirae Ŋiyudayan kori ŋituŋa ŋulu nyerae Ŋiyudayan, ŋipi kori ŋulu nyerae ŋipi, ikibatisae tooma nakuwan apei a Etau a ŋolopei a ŋol ka ikimori iwon Etau ŋolopei ŋol.

1 Ŋikor. 15:29

Anukiro nai elosikinito ŋituŋa ŋulu ibatisao aŋuna a ŋikatwak a ŋulu nyibatisatae? Ani pa kiteyarunio ŋikatwak, ikwapei ebaakatar ŋice, kaanukiro nai ibatisaere ŋituŋa ŋul aŋuna a ŋikatwak?

1 Ŋikor. 3:16

Nyiyenete mono iyes atemar iraakasi iyes Akai ka Akuj ka eyai Etau ŋolo ka Akuj tooma kus a?

1 Ŋikor. 5:6

Nyitemokino iyes iturosi! Nyiyenete mono iyes alimunet ŋina ebala, “Itubuunete ŋakinyalet ŋuna ekudyoko ŋakirya ŋuna alalak” a?

1 Ŋikor. 6:19

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

1 Ŋikor. 9:13

Kire, iyenete iyes atemar, ŋikilyok ŋulu itiyaete Kai ka Akuj eryamununeeteakimuj kec alo Kai ka ŋulu itiyaete Namuroet, eryamununeeteakimuj kec anamuronisya a ŋuna einanakinete ikes.

1 Ŋikor. 9:24

Iyenete iyes kire atemar anakerit, elalak ŋituŋa ŋulu isyakinete akerit, nai ipei bon eryamuni eropit. Aŋun, tokera nai lopite ŋolo ipedoryata aryamun eropit.

2 Ŋikor. 13:5

Toripiripas make toanyut kirubakinito ananupit kus. Torotas iyes make. Nyeanyuna mono iyes atemar eyai Yesu Kristo tooma kus a? Ani kemam, iŋes atemar kikipiyosi iyes ŋakikatanakineta.

Ŋigal. 3:27

Aponi iyes ikibatisae tooma nakimorikina ka Kristo ka tokona inapito iyes ŋipitesyo ŋulu a Kristo.

Yak. 4:4

Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.

1 Pet. 3:21

Erae ŋakipi ŋun akitaanyikinet, ŋina ka akibatisao a ŋina tokona ikiununui iyes. Nyerae iŋes alemaret elos ŋolo eyai nakuwan, nai erae adyekit Akuj akitesegun ŋatameta yok, alotooma ayarun ŋina a Yesu Kristo,