Ŋirom. 6:22 - Ebaibul

²² Nai tokona aŋuna ikilacakinere iyes anasecit ka iruworotor ŋipi ŋulu itiyaete aŋuna ka Akuj, iryamunete tokona iyes akiyar ŋina italakarit Akuj ka iryamunete moi akiyar ŋina nyedaun.

Ŋirom. 6:22 Iomraidhean Croise

Akisy. 50:17

‘Tolimokisi Yosepu nu: Ekemaimai ayoŋ iyoŋ, kisyoni ŋikaitotoi kon aŋuna aronok aŋuna apotu ikes kitiyata neni kon itogyelasi iyoŋ.’ Aŋun nai, tokona ikimaimai isua iyoŋ, kisyoni adyakaret a ŋiketiyak a Akuj a ŋina a papa kon.” Kikalou Yosepu irworikinete ikes neni keŋ.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Ŋikiru. 143:12

Alotooma amina kon ŋina nyiryaŋiryaŋa, toar ŋimoe kaŋ; tomunya daadaŋ ŋulu akaremokino ayoŋ, anerae arae ayoŋ eketiyan kon.

Ŋikiru. 86:2

Toiunae ayoŋ, anerae ainakina ayoŋ neni kon. toiunae ayoŋ eketiyan kon ŋolo ekekinyomit iyoŋ. Irae iyoŋ Akuj kaŋ,

Ŋikiru. 92:14

Ŋikito ŋulu erubakinete erayete tari kemojoŋ ka ŋikito ŋulu erubakinete elibak ka egogoŋ,

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Dan. 3:26

Toapiya nai Nebukadinesar lopuke ŋolo a ekitet a ŋolo arira akim, kirworik tema, “Sadirak, Mesak ka Abedinego iyes ŋiketiyak ŋulu ka Akuj a ŋina alokidiama nooi, tolomutu kiŋa!”

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Ekim. 23:10

Ŋae epedori akimar ŋiletok a Isirael ŋulu alalak ŋul? Ŋae epedori akimar ŋiletok a Yakob ŋulu alalak ŋul? kimyekinae ayoŋ otwan arae ituŋanan ŋini eyookino kimyekinae ayoŋ otwan lopite ŋolo atwania iŋes!”

Mat. 13:40

Ikwaŋinapei ecunakinere etirwae kicunyae ka akim, itiyakinosi ŋakiro ŋun ikwaŋinapei Akoloŋit ŋina esalunia akwap.

Mat. 13:43

Ecaunete nai ikwa akoloŋ ŋulu iyookino a Napukan a Papa kec. Iŋes ŋini eya ŋaki ŋuna kiiraret, kiira.

Mat. 19:29

Nabo ituŋanan daadaŋ ŋini aesiki ekeere kori ŋikaitotoi keŋ, papa keŋ, toto keŋ, aberu keŋ, ŋidwe keŋ, kori ŋamanat keŋ aŋuna kaŋ, einakinio eropit ŋolo erae amiat ŋarwa amiat, ka eryamuni akiyar ŋina nyedaun.

Mat. 25:46

Ŋul ikes ecakakinio nakim ŋina nyeduŋe, nai ŋulu iyookino elomarete nakiyar ŋina nyedaun.”

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 4:36

Eryamuni ŋolo elemi eropit ŋolo ka akilem--ŋaraito ŋuna ka akiyar a ŋina nyedaun, ikotere elelyanete ŋolo etan ka ŋolo aleman kaapei.

Yoa. 8:32

Iyenunete ŋuna a kire ka ikilacakinete iyes ŋuna a kire.”

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋirom. 6:18

Aponi itolacakin iyes anasecit, ido idaut aruwor ŋipi ŋulu ka akiyookino, ŋulu itiyaete aŋuna ka Akuj.

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

Ŋirom. 7:4

Ikote iyes daŋ nenipei nen ŋikaitotoi kaŋ. Apaki ŋina iponiata iyes tomoryata atwanare a Kristo ipotu iyes tolacakinos aneni a Ŋikisila ka itwakito tokona alokiŋaren Ŋikisila. Irae iyes tokona ŋulu a Kristo a ŋolo aponi kiteyarunae alokatwak, ikotere itiyaete ŋuna ajokak aŋuna ka Akuj.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

1 Ŋikor. 7:22

Anerae, epito ŋolo adau Ekapolon anyarare, aruwor ŋolo elacakina, ŋolo ke Ekapolon; ikwaŋinapei, ŋini elacakina, ŋini adau Kristo anyarare, aruwor epito a Kristo.

2 Ŋikor. 3:17

Erae nai Ekapolon Etau ŋolo ka Akuj ka neni eyai Etau ŋolo ke Ekapolon, eyai alacakina.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

Ŋigal. 5:13

Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋiep. 5:9

anerae eyauni akica nu erae arait: ajokis, akiyookino ka akirworo ŋuna a kire.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.

Ŋipil. 4:17

Meere ŋun ca atemar acamit ayoŋ ŋainakineta, nai acamit ayoŋ ŋiticisyo kus ŋulu ajokak kiyatakis eropit kus aneni ka Akuj.

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

Tito 1:1

Ayoŋ Paulo eketiyan ŋolo ka Akuj ka ekiyakia ŋolo a Yesu Kristo egirit abaruwa na. Abu Akuj okoseu ayoŋ, ekeyakia daŋ akiŋarakin ka akitogogoŋ anupit a ŋituŋa keŋ a ŋulu seuna ka akirik ikes toyenut ejok ŋakiro ŋuna a kire ŋuna eyenuniata ikes akerit Akuj ejok;

Ŋibur. 12:14

Toŋirikisi akisil ka ŋinituŋanan daadaŋ ka toŋirikisi akiboi anakiyar a ŋina Asegan, anerae emam ituŋanan eanyuwari Ekapolon emam ŋun.

Yak. 1:1

Ayoŋ Yakobo eketiyan ŋolo ka Akuj ka ŋolo ke Ekapolon Yesu Kristo, emalae ŋatekerin ŋunatomon ka ŋaarei ŋuna a ŋituŋa a ŋulu ka Akuj, a ŋulu ielakina nakwapin daadaŋ.

1 Pet. 1:9

anerae iryamunete iyes aŋetakinet ŋina ka anupit kus, ŋina erae aiuno ŋina a ŋitai kus.

1 Pet. 2:16

Kiboiyoto ikwa ŋituŋa ŋulu ilacakina, nai nyisitiyata alacakina kus akiwaitor aronis. Kiboiyoto ikwa ŋiketiyak ŋulu ka Akuj.

Akis. 7:13

Abu ekatukon epei ekeŋit ayoŋ tema, “Ataŋae ŋituŋa lu ŋulu enapito ŋikaasoi ŋulu akwaŋak ka ai eponitotor ikes?”