Ŋirom. 6:21 - Ebaibul

²¹ Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

Ŋirom. 6:21 Iomraidhean Croise

1 Ŋirw. 2:26

Tema erwosit neni ka Abiasar a esacaradoti, “Ape Anasos kai kon ŋina alomanikor kon, anerae emaikina iyoŋ totwan. Nai nyakaari ayoŋ iyoŋ apaki na, anerae ibu iyoŋ toryoŋ alokiŋaren papa kaŋ Daudi Asaduku ŋina ka Acamunet a Ekapolon a Akuj, ibu daŋ kidaŋidaŋ ŋican daadaŋ ŋulu abu papa kaŋ kidaŋidaŋ.”

Esir 9:6

otema, “Okoe Akuj kaŋ, ekerumito ayoŋ ŋileec nooi ka nyacamit akikeun ereet kaŋ neni kon Akuj kaŋ, anerae alalata ŋasecisya kosi nooi ka adolu ekaile kidiama.

Yob 33:27

eikini ituŋanan ŋin iŋes alokiŋaren ŋituŋa ebe, ‘Abu ayoŋ osec ka oŋer akitiya ŋuna iyookino, nai nyisicana Akuj ayoŋ aŋuna abu ayoŋ etiya.

Yob 40:4

“Kiira, arae ayoŋ ecaryoit koŋin, anukiro akaboŋokini ayoŋ iyoŋ? Abuni ayoŋ akituk kaŋ ka akan.

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Ŋikiru. 73:17

akitodol ŋina abunio ayoŋ olot nakibois ŋina asegan ŋina alo Kai ka Akuj. Abu nai oyenu ŋakiro ŋuna itiyakin neni a ŋituŋa a ŋulu aronok.

Ŋakit. 1:31

ikisicanio iyes anakiro a ŋuna itiyaete iyes, ikitedyakakinete iyes ŋakiro ŋuna itiyaete iyes,

Ŋakit. 14:12

Eyai erot ŋolo esibit iyookino aneni a ituŋanan nai neni isalakini erot ŋol, erae natwanare.

Ŋakit. 16:25

Ŋapakio ŋace, eyakaunun ituŋanan atamakin atemar iyookino ŋuna iwuapit iŋes, nai ekaku, eyenuni ituŋanan atemar erikorito iŋes ŋun natwanare.

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

Yer. 12:13

Apotu ikes toekis ŋikinyom ŋulu ikote erau, nai alemut ŋikukwa, apotu ikes kitiyata etic ka agogoŋ, nai mam ibore aryamut. Aŋuna ka aŋoit a ŋina a Ekapolon, mam ibore elemunete ikes alomanikorin kec.”

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yer. 31:19

Aponi isua ikiŋeri iyoŋ, nai aponi tokiwae aronis kosi, aponi isua toyenunae ŋunakitiya, nai aponi kiyaloloŋoi nooi, apotu ŋileec ikiruma isua ka abu ikikadak isua, anerae ikipotu isua oseca eriŋa eraakae ŋisorok.’

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 43:11

Ekaku kiruma ikes ŋileec anakiro a daadaŋ a ŋuna etiyata ikes, emaikina iyoŋ kiteyenik ikes epite ŋolo itamitere Akai ka Akuj, ibore ŋini emaikina todukokinae nen, ŋirotin ŋulu emaikina eya nen, ŋipukei ŋulu emaikina eya nen ka ibore daadaŋ ŋini emaikina eyai enen; kiteyenik ikes ŋakiro daadaŋ ŋuna adau Akuj atubun aŋuna a Akai a ŋin kaapei ka ŋikisila ŋulu iwuapitae a nen. Kigir ŋakiro ŋun daadaŋ alokiŋaren kec, ikotere ikes eruwor ŋulu iwuapete epite ŋolo itamitere Akai ŋin ka ŋulu iwuapete ŋakiro daadaŋ ŋuna adau Akuj atubun aŋuna a Akai a ŋin.

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Ŋirom. 1:32

Eyenete ikes atemar ebala ekisil ŋolo ka Akuj ebe, ŋulu itiyaeneneete ŋakiro ŋun, itemokino totwaka. Tari kikote nen, nyerubakinito ikes itiyaete ŋun bon, nai itojokito daŋ ŋulu itiyaete ŋuna itiyaete ikes.

Ŋirom. 5:12

Abu asecit bu nakwap alotooma ipeituŋanan ka anerae abu iŋes tosec, etemokino iŋes totwan ka aŋun, akeikin atwanare lotuŋa daadaŋ, anerae aseca daadaŋ.

Ŋirom. 6:16

Iyenete iyes kire atemar, ŋina ijalatar iyes tocamut aruwor ŋipi ŋulu a ituŋanan a ice, iruworosi ŋipi ŋulu a ituŋanan a ŋini iwuapito iyes--kerae ŋipi ŋulu ka asecit a ŋina ikirikori natwanare kori ŋipi ŋulu ka akiwuapit ŋakiro ŋuna ka Akuj, ŋuna eyaunete akiyookino alokiŋaren Akuj.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

Ŋirom. 7:5

Anerae apaki ŋina ikiboiyo iwon ikiwuapit ekibure yok bon, etiyae ekibure ŋolo aronon ŋolo isiguryakinito Ŋikisila anawat yok ka ikipotu iwon oruworos ŋulu ikitiyae ŋuna ikirikorete natwanare.

Ŋirom. 8:13

Anerae ani kiwuap iyes ŋipitesyo ŋulu ka aseconu, itwakete; nai ani kisitiyata iyes Etau ŋolo ka Akuj aarya ŋiticisyo kus ŋulu aronok, iyarete.

Ŋirom. 8:6

Ani kikipukato iwon ŋipitesyo ŋulu ka aseconu, ikitwaki, nai kikipukat Etau ŋolo ka Akuj iwon, ikiinakini Akuj iwon akiyar ka ekisil.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

2 Ŋikor. 7:11

Toanyuwasi ŋuna abu Akuj kitiya aŋuna ka akiyaloloŋ kus! Abu akiyaloloŋ ŋin ikiinak iyes alelakinit akitiya ka akitoodiun atemar emam ŋuna ikikamunito iyes! Ipotu iyes toŋoa aŋuna apotu totakanut, ipotu tokuryaketa aŋuna epedorete akitiyakin nabo. Apotu ŋakiro ŋun ikiinakis iyes akiitan aanyun ayoŋ, ekimuye ŋolo kigaŋet ayoŋ ka akisican ŋolo aratan.

Ŋikis. 17:6

Nai emaikina toya ŋisuudae ŋiarei, kori ŋiuni etubokinio ituŋanan ŋin atwanare, nyetubokinio ituŋanan atwanare anakiro a ŋuna a esuuda a epei bon.

Ŋikis. 21:22

Ani kesec ituŋanan asecit ŋina emaikina totubokinere iŋes atwanare, ido toarae iŋes, kinenekinoe lokitoe

Ŋipil. 3:19

Inyasunio ikes, anerae ekibure ŋolo a ŋawat kec iŋes erae akuj kec; iturosi ikes kan ibore ŋini itemokino kirumyata ŋileec ikes, ka eyakasi ŋatameta kec loboro ŋulu ka akwap a na bon.

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

Ŋibur. 6:8

Nai keruputu ŋikukwa ka edowan a nen, eruworosi ŋimanikorin ŋul ŋicaryo ŋulu eapi Akuj akicen ka icunyaryo ka akim.

Yak. 1:15

Esibit ekibure keŋ ŋolo aronon ibore ŋini epoti, ido touru asecit; topolou asecit, touru atwanare.

Yak. 5:20

toyenutu nu: ituŋanan ŋini inyakuni ekasecan alopitesyo keŋ a ŋulu aronok, eiuni iŋes etau ŋolo ke ekasecan a ŋol anatwanare ka erapuwar ŋasecisya ŋuna alalak.

1 Pet. 4:17

Adolu apaki ŋina isyakinia atubokino; isyaunio mono atubokin ŋituŋa ŋulu erae ŋulu ka Akuj. Ani kisyaunio aneni yok, ikokini nai eŋetakin aneni a ŋulu eŋerito Ŋakiro ŋuna Ajokak, ŋuna eponito aneni ka Akuj ai?

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.

Akis. 16:6

Apotu ikes tobukonosi ŋaokot ŋuna a ŋituŋa ka Akuj ka ŋuna a ŋikadwarak, aŋun, itamat iyoŋ ikes ŋaokot. Aryamut ikes ŋuna itemokino ikes toryamut.”

Akis. 20:14

Kimasakinae nai Atwanare ka Akibois ŋina a ŋikatwak nanam ŋina ka akim. (Erae anam ŋina ka akim ŋin atwanare ŋina a ŋaarei.)