Ŋirom. 6:2 - Ebaibul

² Mam jik! Nyepedori asecit akitap iwon, anerae ikipotu iwon otwaka alokiŋaren asecit, ikikokini nai iwon ikirubakini ikisecenene ai?

Ŋirom. 6:2 Iomraidhean Croise

Akisy. 39:9

Mam ituŋanan epol alokai a na akilo ayoŋ, mam ibore ŋini nyeinakina iŋes neni kaŋ mati iyoŋ bon; anerae irae iyoŋ aberu keŋ. Ekokini nai ayoŋ etiyae ŋakiro ŋuna aronok ŋun ai, osec alokiŋaren Akuj?”

Ŋikiru. 119:104

Aryamunit ayoŋ apiiryanut anakiciketa kon; aŋun, aŋerit ayoŋ ŋipitesyo ŋulu aronok daadaŋ.

Luk. 20:16

Ŋina ebunio iŋes eari ŋiketiyak ŋulu ke emanikor, tosodi inak emanikor loketiyak ŋice.” Ani iirarete ŋituŋa ŋakiro ŋun temasi, “Nyikiryama ca ka ŋun!”

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

Ŋirom. 6:15

Nyo nai? Itemokino iwon oseca, anerae meere Ŋikisila ikipukato iwon, nai ikipukat ajokis ŋina ka Akuj a? Mam jik!

Ŋirom. 7:4

Ikote iyes daŋ nenipei nen ŋikaitotoi kaŋ. Apaki ŋina iponiata iyes tomoryata atwanare a Kristo ipotu iyes tolacakinos aneni a Ŋikisila ka itwakito tokona alokiŋaren Ŋikisila. Irae iyes tokona ŋulu a Kristo a ŋolo aponi kiteyarunae alokatwak, ikotere itiyaete ŋuna ajokak aŋuna ka Akuj.

Ŋirom. 7:6

Nai tokona, ikilacakina iwon aneni a Ŋikisila, anerae ikipotu iwon otwaka alokiŋaren Ŋikisila ŋulu sek ikituruworito iwon ŋimabus. Nyeriŋa tokona iwon ikitiyae etic ŋolo ka Akuj alopite a ŋoloŋorot a ŋolo ke ekisil a ŋolo igiritae, nai alopite a ŋolokitete a ŋolo ke Etau ka Akuj.

Ŋigal. 2:19

Nai tokona, alotooma ŋuna ikamunito Ŋikisila, ekoni ayoŋ ituŋanan ŋini etwanit--Ŋikisila ŋilopeyek etiyata ŋun--ikotere nai oyar ayoŋ aŋuna ka Akuj. Adaun akiar ayoŋ ka Kristo alomusalaba keŋ.

Ŋigal. 6:14

Nai aneni kaŋ, nyacamit jik akiturokin aŋuna a ŋacekiro, mati ŋuna ke emusalaba bon a ŋolo ke Ekapolon yok Yesu Kristo; anerae aŋuna ka atwanare keŋ alomusalaba, etwanit akwap alokiŋaren kaŋ ka atwanit ayoŋ alokiŋaren akwap.

Ŋikol. 2:20

Idaut iyes atwakare ka Kristo ka ikilacakin iyes aneni a ŋipyan a ŋulu ipukato akwap. Kaanukiro nai iyaryata iyes esibit ŋikaakwap a na? Kaanukiro ipupyoto iyes ŋikisila ŋulu ikote lu:

Ŋikol. 3:3

Anerae itwakito iyes ka iwuaitae akiyar kus kaapei ka Kristo alotooma Akuj.

1 Pet. 1:14

Ikwapei ŋidwe ŋulu ka Akuj, ŋulu ikerito iŋes, nyicamakis akiyar kus ilocokini ekibure ŋolo sek iyakatar iyes apaki ŋina ibaŋaakyata nyiyenete Ŋakiro ŋuna Ajokak.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Yoa. 3:9

Ituŋanan daadaŋ ŋini erae ikoku ka Akuj, nyesecenene, anerae eyakar iŋes epite ŋolo eyakar Akuj; nyepedori asecenen, anerae erae iŋes ikoku ka Akuj.