Ŋirom. 6:18 - Ebaibul

¹⁸ Aponi itolacakin iyes anasecit, ido idaut aruwor ŋipi ŋulu ka akiyookino, ŋulu itiyaete aŋuna ka Akuj.

Ŋirom. 6:18 Iomraidhean Croise

Ŋikiru. 116:16

Okoe Ekapolon, arae ayoŋ eketiyan kon; arae ayoŋ eketiyan kon, lokoku ka aketiyan kon; idau iyoŋ alacakin ayoŋ anatyokisyo a ŋuna akaenito.

Ŋikiru. 119:32

Ewuapit ayoŋ ŋakiciketa kon, anerae ibu iyoŋ ikiteyenu ayoŋ ŋakiro ŋuna alalak.

Ŋikiru. 119:45

Ayari ayoŋ arae ŋolo eboi emam ŋace, anerae adau ayoŋ akikatakin akiwuap ŋakiciketa kon.

Isa. 26:13

Okoe Ekapolon Akuj kosi, ikipukata isua ŋikapolok ŋice ŋulu nyerae iyoŋ, nai ekiro kon bon enyaritae isua.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Yoa. 8:32

Iyenunete ŋuna a kire ka ikilacakinete iyes ŋuna a kire.”

Yoa. 8:36

Ani kikilacak iyes Lokoku ka Akuj, ikilacakin iyes kire.

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋirom. 6:22

Nai tokona aŋuna ikilacakinere iyes anasecit ka iruworotor ŋipi ŋulu itiyaete aŋuna ka Akuj, iryamunete tokona iyes akiyar ŋina italakarit Akuj ka iryamunete moi akiyar ŋina nyedaun.

Ŋirom. 6:7

Anerae ani etwani ituŋanan, adaun iŋes alacakin anasecit.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

Ŋigal. 5:1

Ikilacak Kristo iwon, aŋun, nyitemokino nabo iwon eboiyoto ikwa ŋipi. Torubakisi nai icasito iraakasi ŋituŋa ŋulu elacakina ka nyicamut aruwor ŋipi nabo.

1 Pet. 2:16

Kiboiyoto ikwa ŋituŋa ŋulu ilacakina, nai nyisitiyata alacakina kus akiwaitor aronis. Kiboiyoto ikwa ŋiketiyak ŋulu ka Akuj.