Ŋirom. 6:13 - Ebaibul

¹³ Nyijalakis ediokineri kus neni ka asecit, ikotere nyisitiyae ikwa ibore ŋini ejiyere alowae a ŋolo ka aronis. Nai inakisi ŋakusiwat neni ka Akuj ikwa ŋuna eteyarun alokatwak nakiyar ŋina kitete. Tojalakisi ŋinerin kus daadaŋ neni ka Akuj, ikotere kisitiya ikwa ŋiboro ŋulu ejiyere alowae a ŋolo ka akiyookino.

Ŋirom. 6:13 Iomraidhean Croise

2 Ŋakiro a ŋirwa 30:8

Nyitogogoŋo tokona ŋakyes kus lopite ŋolo etogogoŋitotor atapapaa kus, nai inakinos neni ke Ekapolon, potu nakibois keŋ ŋina asegan, ŋina adau iŋes akitaleun ŋikaru ka ŋikaru, ido kitiyanakis Ekapolon Akuj kus, ikotere elemari iŋes aŋoit keŋ ŋina aryenyaanan aneni kus.

Ŋikiru. 37:30

Irworosi ŋulu iyookino ŋuna ka aosou, ka irworosi ikes ŋuna ka akiyookino,

Ŋakit. 12:18

Epatana ŋakiro ŋuna irworoe car akiumiyar ituŋanan lopite ŋolo ikiduŋio ekileŋ, nai ikisirworiunete ŋakiro ŋuna irworosi ŋikaosok.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Esek. 18:4

Toyenutu atemar ayoŋ ayakar apedor ŋina eyarya ŋinituŋanan, ayoŋ ayakar apedor ŋina eyarya ekauruunan ka ŋina eyarya ikoku. Ituŋanan ŋini eseci, iŋes bon emaikina totwana.

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Luk. 15:24

Anerae lokoku kaŋ lo, atwanit, nai tokona ayaru; aolit, nai tokona atakanu.’ Ido kisyakis ikes akimuj ka akimomwor.

Luk. 15:32

Nai itemokino iwon olakaros; anerae lokaato kon lo, atwanit, nai tokona ayaru; aolit, nai tokona atakanu!’ ”

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Ŋirom. 1:29

Ileleba neni kec ŋakiro ŋuna nyiyookino--aronis, akiŋobel ka ediŋet; ileleba arakao, akiar, ebura, amodiyo, ŋinyas ka asyoma.

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 6:11

Aŋun, iyes daŋ, itemokino totamakis atemar itwakito iyes ŋilopeyek alokiŋaren asecit ka iyarete aŋuna ka Akuj anakimorikina ka Yesu Kristo.

Ŋirom. 6:16

Iyenete iyes kire atemar, ŋina ijalatar iyes tocamut aruwor ŋipi ŋulu a ituŋanan a ice, iruworosi ŋipi ŋulu a ituŋanan a ŋini iwuapito iyes--kerae ŋipi ŋulu ka asecit a ŋina ikirikori natwanare kori ŋipi ŋulu ka akiwuapit ŋakiro ŋuna ka Akuj, ŋuna eyaunete akiyookino alokiŋaren Akuj.

Ŋirom. 6:19

(Erworo ayoŋ alopite a ŋolo irworotor ŋituŋa ikotere epataniar iyes ayenun ŋakiro kaŋ, anerae ipalag iyes anatameta.) Koloŋ sek ipotu iyes tojala ŋawat kus toruworos ŋipi ŋulu a ŋuna nyesegak ka ŋuna aronok aŋuna ka akitiya ŋuna nyiyookino alokiŋaren Akuj. Ikwaŋinapei, itemokino tokona iyes tojala ŋawat kus toruworos ŋipi ŋulu ka akiyookino, kitiyata ŋuna ka akiyookino alokiŋaren Akuj.

Ŋirom. 7:23

Nai ete ayoŋ ekisil ŋolo egelaana itiyae aloticisyo kaŋ--ekisil ŋolo isiiryae ekisil ŋolo iyookino anatameta kaŋ. Eketuruworit ayoŋ emabus ŋolo a ekisil a ŋolo ka asecit--ekisil ŋolo a ŋiticisyo kaŋ.

Ŋirom. 7:5

Anerae apaki ŋina ikiboiyo iwon ikiwuapit ekibure yok bon, etiyae ekibure ŋolo aronon ŋolo isiguryakinito Ŋikisila anawat yok ka ikipotu iwon oruworos ŋulu ikitiyae ŋuna ikirikorete natwanare.

1 Ŋikor. 6:15

Iyenete iyes atemar erae ŋawat kus ŋinerin ŋulu ka akuwan a Kristo. Apedori nai ayoŋ atyakar ekiner epei anakuwan a Kristo, ido eturuwo ekiner ŋolo ka akuwan ka amalaat a? Mam jik!

1 Ŋikor. 6:20

Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

2 Ŋikor. 10:4

Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon.

2 Ŋikor. 5:14

Amina ŋina a Kristo iŋes ikipukat isua, anerae ikiyeni isua atemar abu ituŋanan ipei totwan aŋuna a daadaŋ, iŋes atemar emorete daadaŋ atwanare keŋ.

2 Ŋikor. 5:15

Abu iŋes totwan aŋuna a daadaŋ, ikotere ŋulu eyarete tojoŋoto akiyar aŋuna kec make, nai toyara aŋuna a ŋolo atwani ka kiteyarunae aŋuna kec.

2 Ŋikor. 8:5

Apotu ikes kitiyata ŋun--ŋuna pa atamakinitae isua tari iwadio! Ŋina eŋarenon, apotu ikes inakinos neni ke Ekapolon; ani ekaku aŋuna ka acamit a ŋina ka Akuj, apotu ikes inakinos neni kosi.

Ŋiep. 2:5

tari ŋina ikitwakitor iwon alotai alokiŋaren Akuj aŋuna a ŋasecisya yok, abu iŋes ikiinak iwon akiyar kaapei ka Kristo. Toyenutu: erae aŋuna ka ajokis a ŋina ka Akuj ikiunere iyes!

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

Ŋikis. 25:16

anerae ŋulu daadaŋ itiyaete ŋakiro ŋuna ka amodiyo, eŋerit Ekapolon Akuj kus ikes.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋikol. 2:13

Paaran sek, itwakito iyes alotai kus alokiŋaren Akuj a ŋuna a ŋasecisya kus ka aŋuna pa iraakatar iyes Ŋiyudayan ŋulu iwuapito Ŋikisila ŋulu a Moses. Nai, abu Akuj ikiteyaru iyes ka Kristo ka kisyoni ŋasecisya yok daadaŋ.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

2 Ŋites. 2:12

Aŋun nai, etubokini Akuj ŋituŋa daadaŋ ŋulu pa apotu tonupa ŋuna a kire, ŋulu abobokinit asecenen.

2 Tim. 2:15

Toŋirikinite araakau ŋolo ikitojokitae alokiŋaren Akuj, eketiyan ŋolo emamukar ŋileec, ŋolo itatami ŋakiro ŋuna a kire alopite a ŋolo iyookino.

Yak. 4:1

Ai itorunito ŋijiyesyo ka ŋiburasinei alokidiŋ kus? Itorunito lokibure ŋolo aronon ŋolo eji alotooma kus.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Pet. 4:2

Ameun tokona, nyeriŋa akiyar keŋ anakwap a na iwuapit ekibure ŋolo aronon, nai acamit ŋina ka Akuj.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.