Ŋirom. 5:8 - Ebaibul

⁸ Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

Ŋirom. 5:8 Iomraidhean Croise

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Yoa. 15:13

Emam amina ŋina epol akilo ŋina ejalya ituŋanan akeekiyar aŋuna a ŋikonei keŋ.

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Ŋirom. 3:5

Nai ani kitoodiunito ŋuna aronok ŋuna ikitiyae iwon akiyookino ŋina ka Akuj, ikitemari iwon ai? Ikitemari mono nyiyookino Akuj aŋuna ikisicania iwon aŋuna a ŋiticisyo yok a ŋulu aronok a? (Erworo ayoŋ nu lopite ŋolo a ŋituŋa)

Ŋirom. 4:25

Aponi kipotoroe iŋes totwan aŋuna a ŋasecisya yok ka aponi kiteyarunae aŋuna ka akituruwor iwon ŋulu ikiyookino alokiŋaren Akuj.

Ŋirom. 5:20

Abu Akuj kitolomu Ŋikisila aŋuna ka akiyatakin asecit, anerae aponi iŋes kisileereunoe; nai neni abunio asecit kiyatakinor, abu ajokis ŋina ka Akuj kiyatakin nooi adepar.

Ŋirom. 5:6

Anerae ani eriŋa iwon ikipalag aŋuna ikipukator asecit iwon, abu Kristo totwan aŋuna yok a ŋikasecak apaki ŋina aseunit Akuj.

Ŋirom. 5:7

Nyepatana ituŋanan atwanare aŋuna a ituŋanan a ŋini ajokan. Acepaki epedori icetuŋanan kire akidaŋ atwanare aŋuna a ituŋanan a ŋini ajokan.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

Ŋirom. 8:39

Nyepedori ibore ŋini eyai nadis kori nakwap--emam ibore alosubuna a daadaŋ ŋini epedori atyakar iwon anamina a ŋina ka Akuj, a ŋina erae ŋina yok alotooma Yesu Kristo Ekapolon yok.

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

Ŋiep. 2:7

Abu Akuj kitiya ŋun akitoodiunia anapakio a daadaŋ a ŋuna eponito, ajokis keŋ ŋina apolon nooi ŋina iloit daadaŋ, ŋina ileere anamina a ŋina abu iŋes kitoodiu neni yok aneni a Yesu Kristo.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

1 Tim. 1:16

nai aponi ekesyoni ayoŋ; ikotere nai itoodiuni Yesu Kristo akidaŋidaŋ keŋ daadaŋ alotooma ŋuna abu iŋes ekiŋaren kitiya neni kaŋ. Alopite a lo, abu eketuruwo ayoŋ akitaanyikinet neni a daadaŋ a ŋulu epote ekaku akinup Yesu, ido toryamut akiyar ŋina nyedaun.

Ŋibur. 8:3

Eseununuyo ŋisacaradotin ŋulu Apolok nooi, ikotere einanakinete Akuj ŋainakineta ka ŋamuronisya. Ikwaŋinapei, itemokino Yesu daŋ Esacaradoti yok ŋolo Apolon nooi toyakar idiobore ŋini einakini.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

1 Yoa. 3:16

Epite lo ikiyenia iwon amina: abu Kristo tojal akiyar keŋ aŋuna yok. Ojala iwon daŋ akiyar yok aŋuna a ŋikaitotoi yok!