Ŋirom. 5:6 - Ebaibul

⁶ Anerae ani eriŋa iwon ikipalag aŋuna ikipukator asecit iwon, abu Kristo totwan aŋuna yok a ŋikasecak apaki ŋina aseunit Akuj.

Ŋirom. 5:6 Iomraidhean Croise

Ŋikiru. 1:1

Elakara ŋituŋa ŋulu nyiwuapito ŋicocoi a ŋituŋa a ŋulu aronok, kori nyiwuapito ŋipitesyo a ŋikasecak, kori ŋulu nyiboiyonokin natukot a ŋulu ejamuwarito Akuj;

Aum. 1:6

Adaun ailiil a ŋituŋa a Yerusalem daadaŋ. Ekwaanikin ŋikapolok a Sion ka ŋatili ŋuna alemun aŋuna ecanakinotor ŋinya; apotu ikes tonaparos epalag alokiŋaren ŋikewuapak kec.

Dan. 11:15

Ebuni nai erwosit ŋolo alo Kuju toduk ŋaduketa kiŋa etaun a erwosit a ŋolo alowae a ŋolo alo Kwap, kikama etaun keŋ ŋolo eya ŋaduketa ŋunajiet ŋuna edukuk ejok. Nyepedorete nai ŋasigarya ŋuna alowae a ŋolo alo Kwap akitijikin ikes, nyepedorete tari ŋasigarya kec ŋuna ajiok nooi akitijikin ikes, anerae edaun agogoŋu aneni kec.

Ekim. 7:15

etaok, emesek, ikale ŋinimesek ŋini arae ekaru epei, arae ŋun ŋainakineta ŋuna epeyo,

Ŋirom. 11:26

Erae epite ŋol iŋes eiunotor Ŋisirael daadaŋ, ikwaŋina igiritere Nakigireta ebe, “Ebuni Ekaiunan alo Sion, tolema aronis daadaŋ aneni a ŋiletok a Yakobo.”

Ŋirom. 4:25

Aponi kipotoroe iŋes totwan aŋuna a ŋasecisya yok ka aponi kiteyarunae aŋuna ka akituruwor iwon ŋulu ikiyookino alokiŋaren Akuj.

Ŋirom. 4:5

Nai ituŋanan ŋini ikinyomit Akuj ŋina isiyookini ŋikasecak, meere ŋiticisyo keŋ eyenuni iŋes atemar erae anupit keŋ, imarakini Akuj aŋuna ka alimor atemar iyookino iŋes alokiŋaren keŋ.

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

Ŋirom. 5:7

Nyepatana ituŋanan atwanare aŋuna a ituŋanan a ŋini ajokan. Acepaki epedori icetuŋanan kire akidaŋ atwanare aŋuna a ituŋanan a ŋini ajokan.

Ŋirom. 5:8

Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

Ŋirom. 8:34

Ŋae nai etubokini ikes? Emam ipei daŋ, anerae Yesu Kristo abu totwan, nabo akilo aponi kiteyarunae alokatwak, ido iboi alowae a ŋolo aloteten a ŋolo ka Akuj. Iŋes edyekit aŋuna yok Akuj.

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋikol. 2:13

Paaran sek, itwakito iyes alotai kus alokiŋaren Akuj a ŋuna a ŋasecisya kus ka aŋuna pa iraakatar iyes Ŋiyudayan ŋulu iwuapito Ŋikisila ŋulu a Moses. Nai, abu Akuj ikiteyaru iyes ka Kristo ka kisyoni ŋasecisya yok daadaŋ.

1 Ŋites. 5:9

Pa ikiseuni iwon Akuj aryamun ŋican ŋulu ka anyunyura keŋ, nai aryamun aiuno alotooma Ekapolon yok Yesu Kristo.

1 Tim. 1:9

Itemokino iwon oyenete atemar nyeyeunitae Ŋikisila aŋuna a ŋituŋa a ŋulu iyookino, nai aŋuna a ŋulu ebilibiliyete Ŋikisila ka ŋulu eŋerito akipukao, aŋuna a ŋulu nyenupito Akuj, ŋikasecak, aŋuna a ŋulu nyesegak alotai ka ŋulu ejamuwarito Akuj, aŋuna a ŋulu earete atapapa kec kori atatoto kec, ka ŋikaarak,

Tito 2:12

Ikitatami ajokis ŋin iwon aesikin ŋipitesyo ŋulu nyekerito Akuj ka ekibure ŋolo ka akwap a na ka itemokino ikiboi ikirae ŋulu ikitenit anatameta, ŋulu ikiyookino ka ŋulu ikikerit Akuj anakwap a na,

Ŋibur. 8:3

Eseununuyo ŋisacaradotin ŋulu Apolok nooi, ikotere einanakinete Akuj ŋainakineta ka ŋamuronisya. Ikwaŋinapei, itemokino Yesu daŋ Esacaradoti yok ŋolo Apolon nooi toyakar idiobore ŋini einakini.

Ŋibur. 9:26

anerae kerae kikote nen, kisicanitae iŋes ŋarwa ŋuna alalak ŋinapei ka asubunet Akuj akwap. Akilo, abu iŋes bu abunet apei ŋina itemokino jik tari nasalunet, ikotere tolema asecit anamuronot keŋ ke elope.

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.

Yud. 1:15

atubokin ŋituŋa daadaŋ, atubokin ŋulu nyekerito Akuj aŋuna a ŋaronisya a ŋuna apotu ikes kitiyata, ka atubokinia ikes a ŋakiro a daadaŋ a ŋuna kepotu ikes kirworotor iŋes emam akerit.”

Yud. 1:18

Apotu ikes itolimokis iyes ebe, “Alorwa a ŋulu esidyok, epote ŋikesolok, ŋulu iwuapito ekibure ŋolo a ŋawat kec make.”

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.