Ŋirom. 5:21 - Ebaibul

²¹ Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

Ŋirom. 5:21 Iomraidhean Croise

Mat. 25:46

Ŋul ikes ecakakinio nakim ŋina nyeduŋe, nai ŋulu iyookino elomarete nakiyar ŋina nyedaun.”

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 10:28

Ainakini ayoŋ ikes akiyar ŋina nyedaun, nyebukorosi ikes jik, emam daŋ ŋini ekopori ikes anakan kaŋ.

Ŋirom. 4:13

Abu Akuj kiik Aburaam ka ŋiletok keŋ atemar eruwor akwap ŋina kec; pa etiyae Akuj ŋun aŋuna ewuapitor Aburaam Ŋikisila, nai aŋuna acamunere iŋes erae ŋolo iyookino ananupit keŋ.

Ŋirom. 5:12

Abu asecit bu nakwap alotooma ipeituŋanan ka anerae abu iŋes tosec, etemokino iŋes totwan ka aŋun, akeikin atwanare lotuŋa daadaŋ, anerae aseca daadaŋ.

Ŋirom. 5:14

Nai ageun alorwa ka Adam tari lorwa ŋulu a Moses, abu atwanare kipuka ŋituŋa daadaŋ, tari ŋulu pa asecito ikwa asecitor Adam ŋolo pa akerit akiciket ŋina ka Akuj. Arae Adam etorube a ŋolo etemokino bu.

Ŋirom. 5:17

Erae kire atemar aŋuna ka asecit a ipeituŋanan abu atwanare togeu akipuka, aŋuna a ipeituŋanan a ŋin. Nai etya ai ŋuna apotu alotooma ŋuna adau Yesu Kristo akitiya? Ŋulu daadaŋ eryamunete ajokis ka Akuj ŋina alalan ka ainakinet keŋ ŋina ecamunere ikes erae ŋulu iyookino, eyarete ikes tokona ka ipukato asecit aŋuna a Yesu Kristo.

Ŋirom. 6:12

Nyitemokino nai asecit ipukae ŋawat kus, ikotere nyiwuapyata iyes ekibure ŋolo a ŋawat kus.

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋirom. 6:16

Iyenete iyes kire atemar, ŋina ijalatar iyes tocamut aruwor ŋipi ŋulu a ituŋanan a ice, iruworosi ŋipi ŋulu a ituŋanan a ŋini iwuapito iyes--kerae ŋipi ŋulu ka asecit a ŋina ikirikori natwanare kori ŋipi ŋulu ka akiwuapit ŋakiro ŋuna ka Akuj, ŋuna eyaunete akiyookino alokiŋaren Akuj.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

Ŋirom. 8:10

Nai ani kiboi Kristo alotooma kus, ikiteyari iyes Etau ŋolo ka Akuj, tari kelosete ŋawat kus atwakare a ŋuna ka asecit; anerae ikituruwor iyes ŋulu iyookino aneni ka Akuj.

Tito 2:11

Anerae etoodiu Akuj ajokis keŋ aŋuna ka aiunia ŋituŋa daadaŋ.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.

1 Yoa. 2:25

Ibore ŋini ikiinit Lokoku iwon iŋes en: akiyar ŋina nyedaun.