Ŋirom. 5:2 - Ebaibul

² Aŋuna a Yesu Kristo, ikiyakar iwon apedor ŋinamoret ajokis na ŋina ka Akuj ka ikilelyani daŋ, anerae ikigeno atemar ikiruki moi ka Akuj anapolou keŋ.

Ŋirom. 5:2 Iomraidhean Croise

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Ŋikiru. 73:24

Ikitenit iyoŋ ayoŋ a ŋakitatameta kon, ekaku, ikijaari iyoŋ ayoŋ tooma napolou.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Abak. 3:18

arubakini ayoŋ alelyani ka alakara, anerae Ekapolon Akuj kaŋ iŋes erae ekaiunan kaŋ.

Mat. 25:21

Tolimok ekapolon iŋes tema, ‘Ikoŋina! Irae iyoŋ eketiyan ŋolo ajokan ka ŋolo ikinyoma. Ikwaŋina ibunio iyoŋ tojokyaror anakicuruta a ŋina edit, ekewuakini iyoŋ nakicuruta ŋina apolon. Bua olakaros kaapei ka ayoŋ.’

Yoa. 10:7

Aŋun, tolimok Yesu ikes nabo tema, “Akalimokini ayoŋ iyes kire atemar, Arae Ayoŋ epuke ŋolo a ŋamesekin.

Yoa. 10:9

Arae Ayoŋ epuke; ituŋanan ŋini elomuni kitoru neni kaŋ, eiun iŋes; elomuni iŋes tooma ka elomari kiŋa, toryamu akimuj.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Ŋitic. 14:27

Ani edolunete ikes Antiokio, tocunakis ŋikanupak, tolimokis ikes ŋakiro daadaŋ ŋuna abu Akuj kitiya aneni kec ka epite ŋolo abunio Akuj toŋaarya erot ŋolo enupyata ŋituŋa ŋulu nyerae Ŋiyudayan.

Ŋirom. 11:20

Erae ŋun kire! Aponi tobilanarae ikes, anerae pa anupito, tosodi ikilunyokin iyes nen, anerae inupito. Nai nyiturokinosi a ŋun; akilo, itemokino toyakatar akerit.

Ŋirom. 12:12

Kimyekisi akigeno kus ikiturubak iyes ilelyanete, kidaŋidaŋete alocan kus ka kilipete jwi jwi.

Ŋirom. 14:4

Ŋae iyoŋ itubokini eketiyan a ituŋanan a ice? Erae ekapolon keŋ etyakuni erae kibusokina iŋes kori kilounit; elosi iŋes akiloun, anerae Ekapolon iŋes epedori akisiloun iŋes.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋirom. 3:23

anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut.

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

Ŋirom. 8:24

Anerae arae aŋuna ka akigeno a na aponere ikiiun iwon; nai ani kikiŋolik iwon ŋuna ikigeno iŋes atemar meere ŋin akigeno. Anerae ani kite ituŋanan ibore, kan nyo nabo igenor iŋes?

1 Ŋikor. 15:1

Ŋikaitotoi kaŋ, acamit ayoŋ akitatamun iyes Ŋakiro ŋuna Ajokak ŋuna abu ayoŋ okolimok iyes, ŋuna ipotu iyes tocamut, ŋuna tokona icasitor anupit kus.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋiep. 3:12

Alotooma akimorikina ka Kristo ka aŋuna ka anupit yok neni keŋ, ikipedori iwon aponare neni ka Akuj emam akuryanu ka ikiyakar akikinyomit.

Ŋiep. 6:13

Aŋun, tonapa tokona ŋiboro daadaŋ ŋulu jiyet ŋulu ka Akuj! Ikotere nai ani edoluni akoloŋit ŋina aronon, topedosi akitepeg emoit anakitijiyore keŋ; tosodi ani kijiyoto tari neni eŋetakinor ejiye, kidoŋo iyes irae ŋulu ilout alojiye.

2 Ŋites. 2:16

Ikilipi isua neni ke Ekapolon yok Yesu Kristo elope ka neni ka Akuj Papa yok, ŋolo abu itominak iwon ka ikiinak iwon anajokis keŋ atitinyu ŋina nyedaunun ka akigeno ŋina ajokan,

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

Akis. 21:11

tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.