Ŋirom. 5:1 - Ebaibul

¹ Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋirom. 5:1 Iomraidhean Croise

Yob 21:21

anerae emam ŋuna emisito ikes aŋuna a ŋidwe kec ekaku kec erae kituuruwuan Akuj ŋirwa ŋulu ka akiyar kec,

Ŋikiru. 122:6

Kilipa aŋuna ke ekisil a Yerusalem ibasi, “Ikilipi kiboiyete ejok ŋulu ikiminasi iyoŋ Yerusalem.

Isa. 27:5

Ani kecamit emanikor ŋol, emaikina iŋes kimiidiun neni kaŋ aŋuna ka akiyokiyo, emaikina iŋes esila ka ayoŋ, emaikina iŋes esila ka ayoŋ.”

Isa. 32:17

Elomuni ekisil anakiyookino ka elomuni akiyapara ka akikinyoma ŋina a ŋikaru ka ŋikaru anakiyookino.

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Isa. 55:12

“Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Abak. 2:4

Ŋakiro ŋun ikes nu, ‘Nyeyarete ŋulu itiyaete aronis, nai eyarete ŋulu iyookino, anerae ikinyomito Akuj.’ ”

Sakar 6:13

Erae iŋes edukokini Akai ŋina ke Ekapolon, ido einakinio iŋes apolou ŋina ailiilon, iboikin iŋes kipuka alokicoloŋ a ŋolo ka apolou. Eruwor iŋes esacaradoti anapukan keŋ. Itiyaete ikes ŋiarei kaapei alotooma ekisil ka akimorikina.’

Luk. 19:38

“Erereŋ erwosit ŋolo ebunit alokiro ke Ekapolon! Toyai ekisil nakuj ka akipuro neni ka Akuj alokidiama nooi!”

Luk. 19:42

tema, “Okoe, kerae ca toyenete iyes nakuwar na ibore ŋini erae ikisilet! Nai tokona iwuaitae anakonyen kus!

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Yoa. 20:31

Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Ŋitic. 10:36

Iyenete iyes ŋakiro ŋuna abu iŋes kiyakik Isirael--alimonokin Ŋakiro ŋuna Ajokak ŋuna ke ekisil alotooma Yesu Kristo, ŋolo erae Ekapolon a daadaŋ.

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”

Ŋirom. 1:7

Aŋun, ekegirakinit ayoŋ iyes daadaŋ alo Roma, iyes ŋulu ikimina ka ikinyar Akuj aruwor ŋulu keŋ. Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋirom. 10:10

Anerae ikinupit iwon alotai yok, ido ikituruwor ŋulu ikiyookino alokiŋaren Akuj; ikilimu iwon a ŋakitukwa yok, ido ikiun.

Ŋirom. 10:15

Ikokinio iserao ŋakiro ŋuna ka Akuj ai, erae pa kiyakiyar ŋikiyakia? Ikwaŋinapei ebaakatar Ŋakigireta ebe, “Ejok nooi abunore ŋina a ŋulu eyaunete Ŋakiro ŋuna Ajokak.”

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 15:33

Toyai neni kus daadaŋ Akuj ŋina erae alope ekisil. Amen.

Ŋirom. 3:22

Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait,

Ŋirom. 3:30

Erae Akuj apei, elimori atemar iyookino Ŋiyudayan alokiŋaren keŋ aŋuna ka anupit kec ka itiyae ikwaŋinapei neni a ŋulu nyerae Ŋiyudayan.

Ŋirom. 4:5

Nai ituŋanan ŋini ikinyomit Akuj ŋina isiyookini ŋikasecak, meere ŋiticisyo keŋ eyenuni iŋes atemar erae anupit keŋ, imarakini Akuj aŋuna ka alimor atemar iyookino iŋes alokiŋaren keŋ.

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

Ŋirom. 5:18

Aŋun, ikwapei abunio asecit ŋina a ipeituŋanan totubok ŋituŋa daadaŋ, ikwaŋinapei, adaun alacakin ka eteyari ŋituŋa daadaŋ aŋuna ka akiyookino a ŋina a ipeituŋanan.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

Ŋirom. 9:30

Ikitemari nai tokona iwon ai? Ikote ne: pa ekatakinito ŋituŋa ŋulu nyerae Ŋiyudayan akituruwor ŋulu iyookino alokiŋaren Akuj, nai arae Akuj abu kituruwo ikes ŋulu iyookino alokiŋaren keŋ, anerae apotu ikes tonupa Akuj.

Ŋigal. 2:16

oyenete bo isua atemar elimori Akuj atemar iyookino ituŋanan alokiŋaren keŋ aŋuna ka anupit Yesu Kristo bon, meere aŋuna itiyaa ŋuna ecamito Ŋikisila. Isua daŋ, ikinupit Yesu Kristo, ikotere elimori Akuj atemar ikiyookino isua alokiŋaren keŋ aŋuna ka anupit kosi Yesu Kristo, meere aŋuna ka akitiya ŋuna ecamito Ŋikisila. Anerae emam ituŋanan elimoryo atemar iyookino alokiŋaren Akuj aŋuna itiyaa ŋuna ecamito Ŋikisila.

Ŋigal. 3:25

Nai aŋuna tokona adolunio apaki ŋina ka anupit Kristo, nyeriŋa nabo Ŋikisila ikiyokito iwon.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋiep. 2:7

Abu Akuj kitiya ŋun akitoodiunia anapakio a daadaŋ a ŋuna eponito, ajokis keŋ ŋina apolon nooi ŋina iloit daadaŋ, ŋina ileere anamina a ŋina abu iŋes kitoodiu neni yok aneni a Yesu Kristo.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

Ŋikol. 1:20

Abu daŋ iŋes alotooma Lokoku tolakari tocamu akisil ka ŋituŋa daadaŋ anakwapin. Abu Akuj kitiyau ekisil alotooma atwanare a Lokoku keŋ alomusalaba, ido abu kinyaku neni keŋ ŋiboro daadaŋ ŋulu alokwap ka ŋulu alokidiama.

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

2 Ŋites. 3:16

Ikilipit isua Ekapolon ŋolo ke ekisil ikiinak iyes ekisil jwi jwi alopitesyo a daadaŋ. Toyai Ekapolon neni kus a daadaŋ.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.