Ŋirom. 4:9 - Ebaibul

⁹ Erae mono arereŋu ŋin ŋina abu Daudi kirwor ŋina a ŋulu ileŋeritae bon a? Meere! Erae ŋina a ŋulu nyileŋeritae daŋ, anerae adau ayoŋ erwor ŋuna ebasi Ŋakigireta ebe, “Anupit Aburaam Akuj, aŋuna ka anupit keŋ, abu Akuj tocamu iŋes erae ŋolo iyookino.”

Ŋirom. 4:9 Iomraidhean Croise

Akisy. 15:6

Anupit Aburam Ekapolon; aŋuna ka anupit keŋ, abu Ekapolon tocamu iŋes erae ŋolo iyookino.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Ŋirom. 4:10

Ori kitiyakinotor ŋun? Arae mono eriŋa nyileŋera Aburaam kori kileŋeri? Meere kileŋeri, nai eriŋa nyileŋera iŋes.

Ŋirom. 4:3

Ebasi Ŋakigireta ebe, “Anupit Aburaam Akuj; aŋuna ka anupit keŋ, abu Akuj tocamu iŋes erae ŋolo iyookino.”

Ŋigal. 3:14

Abu Kristo kitiya ŋun, ikotere alotooma keŋ einakinio ŋituŋa ŋulu nyerae Ŋiyudayan ŋarereŋisyo ŋuna abu Akuj kiik neni ka Aburaam, ikotere nai toryamunere iwon ŋulu ikinupit Kristo Etau ŋolo ikiikinit Akuj.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.