Ŋirom. 4:20 - Ebaibul

²⁰ Abu iŋes nyimyek akikinyomit Akuj ka nyeŋayaŋaya ŋuna ka akiikinet a ŋina ka Akuj; abu anupit keŋ togogoŋior ido abu iŋes kitopoloo Akuj.

Ŋirom. 4:20 Iomraidhean Croise

Akisy. 15:6

Anupit Aburam Ekapolon; aŋuna ka anupit keŋ, abu Ekapolon tocamu iŋes erae ŋolo iyookino.

2 Ŋirw. 7:19

A nen, ekapolokiniton ŋasigarya toboŋok Elisa tema, “Nyitiyakinosi ŋakiro ŋun tari daŋ keyau Akuj akiru atipei!” Apaki ŋin tolimok Elisa iŋes tema, “Iŋolikini iyoŋ elope a ŋakonyen kon itiyakinosi ŋun, nai nyinyami iyoŋ akimuj ŋin.”

2 Ŋirw. 7:2

Tolimu ekapolokiniton ŋasigarya ŋuna ke erwosit tema, “Nyitiyakinosi ŋakiro ŋun tari daŋ keyau Akuj akiru atipei!” Toboŋok Elisa iŋes tema, “Iŋolikini iyoŋ elope a ŋokonyen kon itiyakinosi ŋun, nai nyinyami iyoŋ akimuj ŋin.”

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 7:9

Etaun a Epuraim ŋolo apolon iŋes Samaria ka ekapolon ŋolo a Samaria iŋes lokoku a Remalia. Ani pa kigogoŋior iyoŋ ananupit, nyirubakini idaŋidaŋi jik.”

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Dan. 11:32

Alososwae, emodiyari erwosit ŋol ŋituŋa ŋulu nyeriŋa iwuapito acamunet a ŋituŋa kec ka Akuj, nai ŋituŋa ŋulu iwuapito ŋuna ka Akuj kec, erubakinete iwuapito ŋuna ka Akuj ka eŋerito ŋuna a erwosit.

Agai 2:4

nai tokona ebala, ‘Okoe, Serubabel totitinyik iyoŋ, Okoe esacaradoti ŋolo Apolon nooi Yosua, lokoku a Yeosadak, totitinyik, iyes ŋituŋa daadaŋ ŋulu ka akwap, totitinyikisi, ido kitiyata, anerae ikirukit ayoŋ ka iyes;

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

Sakar 8:9

“Totitinyokiata! Ipupete tokona iyes ŋakiro ŋunapei apotu ŋikadwarak kirworo apaki ŋina esyakinere adukokin nabo Akai ŋina ka Akuj.

Mat. 9:8

Ani iŋolikinete ŋasepico a ŋituŋa ŋuna apotu totakanut, tobul ikes, kipuro Akuj aŋuna keinakinia ŋituŋa apedor ŋina etya ŋin.

Luk. 1:18

Kiŋit Sakariya emalaika tema, “Ekokini ayoŋ aanyuni ŋakiro ŋun ai? Anerae amojoŋit ayoŋ, akaaberu daŋ alunyarosi ŋikaru keŋ.”

Luk. 1:45

Irereŋ iyoŋ aŋuna inupya atemar iyookin akirot ŋina ke Ekapolon aneni kon!”

1 Ŋikor. 16:13

Totenito, kicata ananupit, totitiny ka togogoŋ!

2 Ŋikor. 12:10

Aŋuna nai a Kristo, alakara ayoŋ nooi aŋuna ka apalagu, ŋiyany, ŋatyokisyo, ŋakisicaneta ka ŋaronisya! Anerae ani apalag ayoŋ, agogoŋior.

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

2 Tim. 2:1

Ani iyoŋ lokoku kaŋ, toruwor ŋolo igogoŋ anajokis a ŋina erae ŋina yok alotooma akimorikina ka Yesu Kristo.

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.