Ŋirom. 4:2 - Ebaibul

² Kerae tolimorite Akuj atemar iyookino Aburaam alokiŋaren keŋ aŋuna a ŋiticisyo keŋ, keyakar Aburaam ŋakiro ŋuna ituror, nai meere alokiŋaren Akuj.

Ŋirom. 4:2 Iomraidhean Croise

Akisy. 12:18

Tonyarau Parao Aburam kiŋit tema, “Anukiro nu ŋuna itiya iyoŋ neni kaŋ? Nyo pa ikilimokinia iyoŋ ayoŋ atemar erae iŋes aberu kon?

Akisy. 12:20

Tonyarau Parao ŋiketiyak keŋ neni keŋ tolimok ikes akitowotokin Aburam; kitowuotokis ikes Aburam ka aberu keŋ, ya Aburam ibore daadaŋ ŋini ayakar iŋes.

Esek. 8:9

Tema Akuj neni kaŋ, “Toloma tooma kiŋolik aronis ka asiilyo ŋina itiyaete ikes a ne.”

Ŋirom. 15:17

Anakimorikina nai ka Yesu Kristo, apedori ayoŋ akiturokin, anerae etiyae etic ŋolo ka Akuj.

1 Ŋikor. 1:29

Abu Akuj kitiya ŋun, ikotere nyiturokinor idiotuŋanan alokiŋaren keŋ.

1 Ŋikor. 1:31

Isiyookinito ŋun, ŋuna eya Nakigireta ebe, “Iŋes ŋini ituro, kiturokin aŋuna etiya Ekapolon.”

1 Ŋikor. 4:7

Anerae anityaketait mono iyakar iyoŋ aneni a ŋuluce? Akuj iŋes ikiinakinit iyoŋ ŋiboro daadaŋ ŋulu iyakar iyoŋ. Ikokini nai iyoŋ ituro ai esibit nyerae ŋiboro ŋulu iyakar iyoŋ ainakinet?

1 Ŋikor. 9:16

Nyapedori ayoŋ akituro aŋuna alimonokinia Ŋakiro ŋuna Ajokak. Anerae ekecikak Akuj ayoŋ alimonokin ŋakiro ŋun. Erokyarosi aneni kaŋ erae pa kalimonok Ŋakiro ŋuna Ajokak!

2 Ŋikor. 11:12

Arubakini ayoŋ etiyae ŋuna tokona etiyae, ikotere etoŋopikinia “Ŋikiyakia ŋul” ibore ŋini iturotor ebasi itiyaete ikes daŋ lopite ŋolo itiyaere isua.

2 Ŋikor. 11:30

Ani kemaikina ayoŋ akiturokin, itemokino eturokin a ŋiboro a ŋulu itoodiunito atemar apalag ayoŋ.

2 Ŋikor. 5:12

Nyikikatakinit isua akitojoka aneni kus; nai ikikatakinit isua ainakin iyes Ŋakiro ŋuna Ajokak, ŋuna emaikina iyes kiturokinotor aŋuna kosi, ikotere topedoryata aboŋonokin ŋulu iturosi aŋuna ke etakane a ituŋanan, nai meere aŋuna a ŋipitesyo keŋ.

Ŋigal. 3:22

Nai ebasi Ŋakigireta ebe eyai akwap daadaŋ tooma napedor ŋina ka asecit; ikotere nai einakinio akiikinet ŋina ka Akuj neni a ŋituŋa a ŋulu enupito Yesu Kristo.

Ŋiep. 2:9

Meere aŋuna a ŋiticisyo kus ikiunere iyes, nai erae aiuno ainakinet ŋina ka Akuj, ikotere nyiturokin idiotuŋanan aŋuna ka ainakinet a ŋin.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

Yos. 24:2

Tema nai Yosua lotuŋa daadaŋ, “Ebala Ekapolon ŋolo erae Akuj a Ŋisirael ebe, ‘Koloŋ sek apotu atapapaa kus kiboiyoto ayaaye aŋolol Eupurate, epei atapapaa kus a ŋul iŋes Tera papa keŋ ka Aburaam ka Naor. Apaki ŋin, elipete ikes neni a ŋakujo.