Ŋirom. 4:17 - Ebaibul

¹⁷ ikwapei igiritere Nakigireta ebe, “Ayoŋ Akuj eketuruwo iyoŋ papa a ŋibukui a ŋulu alalak.” Aŋun, erae Aburaam Paapa yok alokiŋaren Akuj ŋina abu iŋes tonup--Akuj ŋina iteyarununui ŋikatwak, ŋina iteyakauni analimunet keŋ ibore ŋini sek pa ayai.

Ŋirom. 4:17 Iomraidhean Croise

Akisy. 17:16

eterereŋi ayoŋ iŋes ka daŋ iryamuni iyoŋ ikoku ŋinisapat aneni keŋ. Kire, eterereŋi ayoŋ iŋes ka eruwor iŋes toto a ŋituŋa a ŋakwapin; elomunete ŋirwosi a ŋakwapin aneni keŋ.”

Akisy. 17:20

Adau ayoŋ akiirar aneni kon ŋuna a Isimael, eterereŋi ayoŋ iŋes ka etipituni etalala ŋituŋa keŋ nooi. Eruwor iŋes papa a ŋirwosi a ŋitomon ka ŋiarei ka etalalauni nooi ŋituŋa keŋ.

Akisy. 28:3

Elipi Akuj ŋina Etiron ikiterereŋ iyoŋ ikiinak ŋiletok ŋulu alalak, ikotere toruwor papa a ŋituŋa a ŋakwapin.

Isa. 43:6

Alimokini ayoŋ ŋituŋa ŋulu alo Kide ebe, “Tojala ikes,” alimokini ayoŋ ŋituŋa ŋulu alo Kwap ebe, “Nyiwouniata ikes; yautu ŋidwe kaŋ ŋulusapa aneni alwanan ka ŋidwe kaŋ ŋulupesur anakisaleta a akwap.

Isa. 44:7

Ŋae ikikwaan ka ayoŋ? Emaikina iŋes kiserau, emaikina iŋes tolimo alokiŋaren kaŋ. Ŋae abu tolimu koloŋ sek ŋakiro ŋuna epote akitiyakin? Emaikina iŋes itolimok iwon ŋakiro ŋuna epote akitiyakin.

Isa. 48:13

Arae ayoŋ asubuni akisyakinet a akwap, ayoŋ apetakini kidiama. Ani kanyara ayoŋ akwap ka kidiama epote ikes neni kaŋ.

Isa. 49:12

Kiirasi, epote ŋirotin ŋul aneni alwanan, kiirasi epote ŋirotin ŋul alo Kuju ka alo To, epote ŋirotin ŋul anakwap a Sinim.”

Isa. 51:2

Totamutu Aburaam papa kus ka Sara ŋina ikidouni iyes. Apaki ŋina anyaraa ayoŋ Aburaam, arae iŋes epei bon, nai abu ayoŋ eterereŋ iŋes eturuwo iŋes ŋituŋa ŋulu alalak.

Isa. 55:12

“Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Mat. 3:9

Nyitamete alotai kus atemar, ‘Erae Aburaam papa kosi.’ Akalimokini ayoŋ iyes atemar, epedori Akuj akilocokin ŋamoru nu toruworos ŋidwe ŋulu ka Aburaam!

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 5:25

Akalimokini ayoŋ iyes kire atemar, ebunit apaki ka iŋes napei na, ŋina eponiata ŋikatwak akiirar etoil ŋolo a Lokoku ka Akuj; ikes ŋulu iirarete, eyarete.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Ŋitic. 15:18

Ayoŋ Ekapolon, ŋolo aberakin koloŋ sek akiteyenun ŋakiro nu ŋuna etiyakini.’

Ŋirom. 3:29

Erae mono Akuj ŋina a Ŋiyudayan bon a? Meere mono iŋes Akuj a ŋituŋa a ŋulu nyerae Ŋiyudayan daŋ a? Ee, erae iŋes Akuj a ŋulu nyerae Ŋiyudayan daŋ.

Ŋirom. 4:18

Abu Aburaam tonup ka kigeno, tari ŋina amamukatar ŋuna etemokino iŋes igenor, ido toruwor “Papa a ŋakwapin a ŋuna alalak.” Ikwapei igiritere Nakigireta ebe, “Elalakiarosi ŋikoniletok ikwa ŋikacer.”

Ŋirom. 4:2

Kerae tolimorite Akuj atemar iyookino Aburaam alokiŋaren keŋ aŋuna a ŋiticisyo keŋ, keyakar Aburaam ŋakiro ŋuna ituror, nai meere alokiŋaren Akuj.

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.

Ŋirom. 9:26

Anakibois a ŋinapei alimokinere ikes atemar ‘Meere iyes ŋituŋa kaŋ’; enyarao ikes ŋidwe ŋulu ka Akuj a ŋina eyari.”

1 Ŋikor. 1:28

Abu Akuj toseu ŋulu ejamuwarit akwap, ikotere ituruwori ŋulu itopolooro ŋikoŋinae.

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

Ŋibur. 11:12

Tari daŋ apaki ŋina atakania iŋes esibit aris kesalu, abu touru ŋidwe ŋulu alalak ikwa ŋikacer alokidiama ka etya asinyon ŋina ka anam, ŋina nyimarun.

Ŋibur. 11:3

Anupit iŋes ikiyenia iwon atemar kesubi Akuj akwap kan akirot keŋ, aŋun ibore ŋini ikite iwon, kitiyaunio aloboro a ŋulu nyetakanete.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

1 Pet. 2:10

Koloŋ sek, pa irae iyes ŋituŋa ŋulu ka Akuj, nai tokona iruworosi ŋituŋa keŋ; koloŋ sek pa iyenete iyes akisyon ŋina ka Akuj, nai tokona iryamut akisyon keŋ.

2 Pet. 3:8

Nai ŋikaakonei ŋuluminan, nyikimuryak ibore ipei! Alokiŋaren Akuj, emam atyaketait alokidiŋ akoloŋit apei ka ŋikaru aliput; aneni keŋ, ikwaan ikes.