Ŋirom. 4:15 - Ebaibul

¹⁵ Anerae eyaunete Ŋikisila anyunyura ŋina ka Akuj erae kebila ŋituŋa Ŋikisila: nai neni emam Ŋikisila, emam Ŋikisila ebilyo.

Ŋirom. 4:15 Iomraidhean Croise

2 Ŋirw. 22:13

“Toloto toanyutu aneni ke Ekapolon ŋakiro ŋuna ekekamunito ayoŋ kaapei ka ŋituŋa ta akwap a Yudaya daadaŋ anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a ekitaabo a lo; nyitiya ikes lopite ŋolo ecamuna ka ŋuna daadaŋ igiritae tooma ne ŋuna ikitapito iwon.”

Yer. 4:8

Aŋuna a ŋakiro a ŋun, tonapa ŋiguniyae, kiwololoto ka kigworo ibasi, ‘Eriŋa anyunyura ŋina eŋoitor Akuj nyeloto aneni kosi.’ ”

Aum. 2:22

Ibu iyoŋ tonyarau ŋimoe kosi alowaetin kosi a daadaŋ esibit ŋituŋa ŋulu enyaraunitae nasuban. Emam ituŋanan abu tobucar, kori toyar akoloŋit ŋina iŋoitor iyoŋ. Apotu ŋimoe toara ŋidwe kosi ŋulu aponi isua todakae ka kitopolounoe.

Esek. 7:19

Imasakinete ikes esilipa kec lorotin ŋulu a ŋitaunio kec, itoroniyarete ikes egolid kec. Itiyaete ikes ŋun, anerae nyepedori esilipa kori egolid kec aiun ikes akoloŋit ŋina ebunio anyunyura a Ekapolon neni kec. Nyepedorete ikes alemar akoro aneni kec, kori akisimwon ŋakookyes kec a esilipa, kori a egolid, anerae apotu esilipa ka egolid kiŋalaasi ikes nasecit.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Ekim. 32:14

Iyes tokona lu, iyes ŋulu irae atukot a ŋikasecak, ilunyokinosi neni atapapa kus akiyatakin anyunyura a Ekapolon neni a Ŋisirael.

Yoa. 15:22

Kerae nyabunit ayoŋ, esirwor ikes, kemam ikes asecit; nai tokona emam epite ŋolo etemaryata ikes, ‘Nyikisecit.’

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”

Ŋirom. 5:13

Ayai asecit nakwap eriŋa Akuj nyeina Ŋikisila a Moses, nai neni emam Ŋikisila, nyimaryo ŋasecisya.

1 Ŋikor. 15:56

Eryamunit atwanare apedor ŋina wanet anasecit ka eryamunit asecit apedor keŋ a Lokisila.

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋigal. 3:19

Arae nai nyo etic a Ŋikisila? Aponi kiyatakinae Ŋikisila nakiikinet akitoodiunia ibore ŋini erae asecit ka etemokino kiboiyoto ikes akitodol abunore ŋina ke eletonit a ŋolo ka Aburaam a ŋolo aris Akuj kiik. Apotu ŋimalaikan kikobut Ŋikisila kwap, kisitorut neni a Moses, a ŋolo arae ekemorikinan Akuj ka ŋituŋa.

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋikol. 3:6

Aŋuna a ŋakiro a ŋuna ikote nen, ebuni anyunyura ŋina ka Akuj neni a ŋulu nyepupete ŋakiro keŋ.

1 Yoa. 3:4

Ituŋanan daadaŋ ŋini eseci, abil iŋes Ŋikisila ŋulu ka Akuj, anerae erae asecit akibil Ŋikisila.

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.