Ŋirom. 4:14 - Ebaibul

¹⁴ Ani kerae torae akiikinet ŋina ka Akuj neni a ŋulu iwuapito Ŋikisila, kerae anupit akoŋinait ka kecaryono akiikinet.

Ŋirom. 4:14 Iomraidhean Croise

Ŋikiru. 119:126

Okoe Ekapolon, adol apaki ŋina emaikina iyoŋ kitiyakinia ŋun, anerae abili ŋikisila kon.

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Yer. 19:7

Tosodi anakibois a na, eturuwori ayoŋ ŋakiro ŋuna eyeete ŋituŋa a Yudaya ka Yerusalem ŋakoŋinae. Ainakini ayoŋ tomunyarae ikes a ekileŋ alokiŋaren ŋimoe kec, earete ŋulu imanito ikes ŋituŋa a Yudaya ka ŋituŋa a Yerusalem. Emyekini ayoŋ ŋawat kec toruwor akimuj a ŋikyeny ka a ŋityaŋ a ŋulu ka ariet.

Ekim. 30:12

Nai ani kewou lokile keŋ iŋes akisiyookin akikoŋiet, kori akiikinet keŋ, epedori aberu ŋin akimyekin akitiya ŋuna adau iŋes akikoŋ, kori akiikin, ido isyoni Ekapolon iŋes, anerae awou lokile keŋ iŋes akisiyookin ŋuna ekoŋit, kori eikinit iŋes akitiya.

Ekim. 30:15

Nai ani kelunyar apaki, ido tolimok ekile ŋol aberu keŋ akimyekin akisiyookin ŋuna ikoŋit, kori iikinit akitiya, eruwor ekaile ŋolo ka asecit a aberu a ŋin nakou a ekile a ŋol.

Ŋirom. 3:31

Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋirom. 4:16

Aŋun, arae akiikinet aŋuna ka anupit, ikotere toruwor akiikinet ainakinet ŋina a ikoŋin aneni ka Akuj, neni a ŋiletok ka Aburaam a daadaŋ--meere neni a ŋulu iwuapito Ŋikisila make, nai tari neni a ŋulu enupito ikwaŋina anupitor Aburaam. Anerae Aburaam erae papaa yok a daadaŋ,

1 Ŋikor. 1:13

Ketyakatyakae mono Kristo a? Arae mono Paulo aponi kibubukinoe lomusalaba aŋuna kus a? Kori aponi ikibatisae iyes alokiro a Paulo?

Ŋigal. 2:21

Nyacakarit ayoŋ ajokis ŋina ka Akuj. Anerae ani kelimo Akuj atemar iyookino ituŋanan aŋuna a Ŋikisila, iŋes atemar kerae atwanare a Kristo akoŋinait.

Ŋigal. 5:4

Iyes ŋulu ikatakinito aruwor ŋulu iyookino alokiŋaren Akuj aŋuna ka akiwuapit Ŋikisila, idaut iyes atyakar aneni a Kristo. Ipena iyes neni nyikiinakinia Akuj iyes ajokis keŋ.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

Ŋibur. 7:19

amam ibore ŋini apotu Ŋikisila ŋulu a Moses kisiyookis kire. Nai tokona ikianyu iwon akigeno ŋina ajokan adepar ŋina ikiyauni iwon diyete Akuj.

Ŋibur. 7:28

A Lokisila a Moses, aseununuyo ŋikilyok ŋulu apalag alotai aruwor ŋisacaradotin ŋulu Apolok nooi; nai anakiikinet a ŋina ka Akuj a ŋina elimunitoe anakikoŋiet a ŋina abuni eriŋa Ŋikisila, aponi toseunae Lokoku ka Akuj ŋolo aponi kituruworoe ŋolo iyookino kire ŋikaru ka ŋikaru.