Ŋirom. 3:5 - Ebaibul

⁵ Nai ani kitoodiunito ŋuna aronok ŋuna ikitiyae iwon akiyookino ŋina ka Akuj, ikitemari iwon ai? Ikitemari mono nyiyookino Akuj aŋuna ikisicania iwon aŋuna a ŋiticisyo yok a ŋulu aronok a? (Erworo ayoŋ nu lopite ŋolo a ŋituŋa)

Ŋirom. 3:5 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Yob 8:3

Iloconokini mono Akuj ŋakiro ŋuna iyookino a? Kori iloconokini mono Akuj ŋina etiron akitiya ŋuna iyookino a?

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Ŋirom. 12:19

Ŋikaakonei, nyinyaŋanarete jik, nai kimyekisi anyunyura ŋina ka Akuj kitiya ŋun. Anerae ebasi Ŋakigireta ebe, “Ebala Ekapolon, ‘Erae akinyaŋanar ŋina kaŋ; ayoŋ elope enyaŋari.’ ”

Ŋirom. 2:5

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.

Ŋirom. 3:19

Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes.

Ŋirom. 3:7

Epedorete ŋice alimun ebe: ani bo kitopoloorit aronis kaŋ Akuj anakisileereunit akiyookino keŋ, kaanukiro erubakinitor iŋes akatubokinit ayoŋ arae ekasecan?

Ŋirom. 4:1

Ikitemari nai iwon ai aŋuna ka Aburaam a papaa yok? Nyo abu iŋes toyenu?

Ŋirom. 5:8

Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

Ŋirom. 6:1

Ikitemari nai tokona iwon ai? Ikitemari orubakisi ikisecenene ikotere ajokis ŋina ka Akuj iyatakin a?

Ŋirom. 6:19

(Erworo ayoŋ alopite a ŋolo irworotor ŋituŋa ikotere epataniar iyes ayenun ŋakiro kaŋ, anerae ipalag iyes anatameta.) Koloŋ sek ipotu iyes tojala ŋawat kus toruworos ŋipi ŋulu a ŋuna nyesegak ka ŋuna aronok aŋuna ka akitiya ŋuna nyiyookino alokiŋaren Akuj. Ikwaŋinapei, itemokino tokona iyes tojala ŋawat kus toruworos ŋipi ŋulu ka akiyookino, kitiyata ŋuna ka akiyookino alokiŋaren Akuj.

Ŋirom. 7:7

Ikitemari nai tokona iwon Ŋikisila ikes erae asecit a? Mam jik! Nai arae Ŋikisila apotu eketeyenut ayoŋ ibore ŋini erae asecit. Pa kayenunit ayoŋ atemar erae akiŋobel icebore, kerae nyebasi Ŋikisila ebe, “Nyiŋobel.”

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋirom. 9:30

Ikitemari nai tokona iwon ai? Ikote ne: pa ekatakinito ŋituŋa ŋulu nyerae Ŋiyudayan akituruwor ŋulu iyookino alokiŋaren Akuj, nai arae Akuj abu kituruwo ikes ŋulu iyookino alokiŋaren keŋ, anerae apotu ikes tonupa Akuj.

1 Ŋikor. 15:32

Inyoni nai aryamuni ayoŋ aŋuna ca ke ekibure a ituŋanan, erae ketijiye ŋituŋa ŋulu ikote ŋityaŋ ŋulu adedeŋak alo Epeso? Ani pa kiteyarun ŋikatwak, etiyata nai ikwapei elimunitere, “Emuja ka omata, anerae ikitwaki moi taparacu.”

1 Ŋikor. 9:8

Nyerworo ayoŋ ŋun alopite bon a ŋolo irworotor ŋituŋa. Irworosi Ŋikisila a Moses daŋ ŋunapei.

2 Ŋikor. 6:4

Akilo, aloticisyo a daadaŋ a ŋulu ikitiyae isua, ikitoodiunit isua atemar ikirae ŋiketiyak ŋulu ka Akuj, aŋuna ikidaŋidaŋia ka atitinyu: alotooma ŋican, ŋatyokisyo ka ŋiburasinei.

2 Ŋikor. 7:11

Toanyuwasi ŋuna abu Akuj kitiya aŋuna ka akiyaloloŋ kus! Abu akiyaloloŋ ŋin ikiinak iyes alelakinit akitiya ka akitoodiun atemar emam ŋuna ikikamunito iyes! Ipotu iyes toŋoa aŋuna apotu totakanut, ipotu tokuryaketa aŋuna epedorete akitiyakin nabo. Apotu ŋakiro ŋun ikiinakis iyes akiitan aanyun ayoŋ, ekimuye ŋolo kigaŋet ayoŋ ka akisican ŋolo aratan.

Ŋigal. 2:18

Ani kageik ayoŋ ayere nabo ŋipitesyo ŋulu a Ŋikisila a ŋulu aris ayoŋ kajamuwa, etoodiun nai ayoŋ bon arae ituŋanan ŋini asecan, abilibili Ŋikisila.

Ŋigal. 3:15

Ŋikaitotoi kaŋ, alosi ayoŋ akirwor ŋakiro ŋuna itiyasi anakiyar yok jwi jwi: ani kecamunosi ŋituŋa ŋiarei aŋuna a idiobore, ikoŋete anacamun kec, emam ituŋanan epedori akibil kori akiyatakin idiobore nacamun kec.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!