Ŋirom. 3:4 - Ebaibul

⁴ Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”

Ŋirom. 3:4 Iomraidhean Croise

Yob 36:3

Alimuni ayoŋ aosou ace ŋina ayaunit a iwace aneni alwanan, ido etoodiuni akiyookino ŋina a akasubunan kaŋ.

Yob 40:8

Icamit iyoŋ akituruwor ayoŋ ŋolo nyetiyae ŋuna iyookino a? Itemari iyoŋ adyekarit ayoŋ, ikotere ikituruworyo iyoŋ ŋolo iyookino a?

Ŋikiru. 100:5

Ejok Ekapolon; nyesaluni amina keŋ ŋina nyiryaŋiryaŋa, erae akikinyoma keŋ ŋina a ŋanyameta a daadaŋ.

Ŋikiru. 116:11

Abu ayoŋ anakadakinit kaŋ otema, “Erae ŋituŋa daadaŋ ŋikalyokonok.”

Ŋikiru. 119:160

Erae ŋakiro kon daadaŋ ŋuna a kire; erae ŋikisila kon daadaŋ ŋulu iyookino ka ŋulu a ŋikaru ka ŋikaru.

Ŋikiru. 138:2

aryediki ayoŋ elip neni kon eŋoliyarit Kai kon ŋina asegan, ido alakara neni kon aŋuna ka amina kon a ŋina nyiryaŋiryaŋa ka akikinyoma kon, anerae itopoloo iyoŋ ekiro kon ka akirot kon akilo ŋiboro daadaŋ.

Ŋikiru. 51:4

Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Ŋikiru. 62:9

Erae ŋituŋa daadaŋ ŋulucaryo ekieŋanu koŋin, erae ŋituŋa daadaŋ ŋulu itopolooritae ŋikoŋinae tari ketemar akipim anakilo, erae ikes koŋin ecaryooko ikes daadaŋ akilo tari ekieŋanu.

Mika 7:20

Itoodikini iyoŋ ŋituŋa kon akikinyoma kon ka amina kon ŋina nyiryaŋiryaŋa, itoodikini iyoŋ ŋun neni a ŋipapae ka Aburaam ka Yakob, lopite ŋolo ibunio iyoŋ koloŋ sek kiikinia atapapaa kosi.

Mat. 11:19

Abu Lokoku a Ituŋanan, imuji ka emasi, ebasi ŋituŋa, ‘Kiŋolikisi ekadakan ka ekameran, ekone a ŋikerirak ocur ka ŋikasecak!’ Nai aosou ŋina ka Akuj itoodiunitae erae ŋina a kire aloticisyo keŋ.”

Luk. 20:16

Ŋina ebunio iŋes eari ŋiketiyak ŋulu ke emanikor, tosodi inak emanikor loketiyak ŋice.” Ani iirarete ŋituŋa ŋakiro ŋun temasi, “Nyikiryama ca ka ŋun!”

Yoa. 3:33

Ŋini acamu ŋakiro keŋ, iŋes iteyenunit atemar, erae Akuj ŋina a kire.

Ŋirom. 11:1

Eŋita nai ayoŋ atemar, abu Akuj toŋer ŋikeetuŋa a? Mam jik! Arae ayoŋ elope Esiraelit, lopapait ka Aburaam ka arae ŋolo anateker a Benjamin.

Ŋirom. 11:11

Eŋita nai ayoŋ atemar apaki ŋina aoliyoritotor Ŋiyudayan, apotu mono ikes torubakis eoliyorito jik a? Mam jik! Nai aŋuna asecitotor ikes, abu aiuno neni a ŋituŋa a ŋulu nyerae Ŋiyudayan, ikotere erakaakiata Ŋiyudayan aŋuna kec.

Ŋirom. 3:31

Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋirom. 6:15

Nyo nai? Itemokino iwon oseca, anerae meere Ŋikisila ikipukato iwon, nai ikipukat ajokis ŋina ka Akuj a? Mam jik!

Ŋirom. 6:2

Mam jik! Nyepedori asecit akitap iwon, anerae ikipotu iwon otwaka alokiŋaren asecit, ikikokini nai iwon ikirubakini ikisecenene ai?

Ŋirom. 7:13

Akeepolou mono atemar ŋuna ajokak ŋuna erae Ŋikisila, ikes apotu yaut atwanare neni kaŋ a? Mam jik! Arae asecit abu kitiya ŋun. Abu asecit yau atwanare alotooma akisitiya ŋuna ajokak, ikotere eyenunere ibore ŋini kire erae asecit. Aŋun, alotooma akiciket, itoodiunitae asecit esecana nooi tari adepar.

Ŋirom. 7:7

Ikitemari nai tokona iwon Ŋikisila ikes erae asecit a? Mam jik! Nai arae Ŋikisila apotu eketeyenut ayoŋ ibore ŋini erae asecit. Pa kayenunit ayoŋ atemar erae akiŋobel icebore, kerae nyebasi Ŋikisila ebe, “Nyiŋobel.”

Ŋirom. 9:14

Ikitemari nai tokona iwon ai? Ikitemari erae Akuj ŋina nyetubi ŋakiro iyookino a? Mam jik!

1 Ŋikor. 6:15

Iyenete iyes atemar erae ŋawat kus ŋinerin ŋulu ka akuwan a Kristo. Apedori nai ayoŋ atyakar ekiner epei anakuwan a Kristo, ido eturuwo ekiner ŋolo ka akuwan ka amalaat a? Mam jik!

2 Ŋikor. 1:18

Akuj iŋes erae esuuda kaŋ atemar nyerae akiikinet kaŋ atemar ca “Ee” ka “Mam”.

Ŋigal. 2:17

Nai ikwaŋinapei ikiwaritor isua ŋulu ikirae Ŋiyudayan akiyookino alokiŋaren Akuj anakimorikina ka Kristo, ikicamunit atemar ikiryamun isua ikirae ŋikasecak, lopite ŋolopei eraakatar ŋulu nyerae Ŋiyudayan ŋikasecak. Apolou mono a ŋakiro a ŋun atemar ikisimukekinit Kristo iwon akisec a? Mam jik!

Ŋigal. 2:21

Nyacakarit ayoŋ ajokis ŋina ka Akuj. Anerae ani kelimo Akuj atemar iyookino ituŋanan aŋuna a Ŋikisila, iŋes atemar kerae atwanare a Kristo akoŋinait.

Ŋigal. 6:14

Nai aneni kaŋ, nyacamit jik akiturokin aŋuna a ŋacekiro, mati ŋuna ke emusalaba bon a ŋolo ke Ekapolon yok Yesu Kristo; anerae aŋuna ka atwanare keŋ alomusalaba, etwanit akwap alokiŋaren kaŋ ka atwanit ayoŋ alokiŋaren akwap.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

1 Yoa. 5:10

Ŋini enupit Lokoku ka Akuj, eyakar akiteyenunet ŋin tooma keŋ. Ŋini nyenupit Akuj, itusubunit iŋes Akuj ŋina alyokon, anerae nyenupit iŋes ŋuna alimu Akuj aŋuna a Lokoku keŋ.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.