Ŋirom. 3:31 - Ebaibul

³¹ Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋirom. 3:31 Iomraidhean Croise

Ŋikiru. 119:126

Okoe Ekapolon, adol apaki ŋina emaikina iyoŋ kitiyakinia ŋun, anerae abili ŋikisila kon.

Ŋikiru. 40:8

‘Alakara ayoŋ akitiya ŋuna icamit iyoŋ, okoe Akuj kaŋ, ewuakinit ayoŋ ŋikisila kon lotau kaŋ.’”

Isa. 42:21

Abu Ekapolon tolakar aŋuna a ŋituŋa keŋ a ŋulu eyookino, abu iŋes kitopoloo nooi ŋikisila keŋ ka ŋakitatameta keŋ.

Mat. 15:6

nyitemokino iŋes ainakin papa keŋ ibore ŋin. Iŋes nai atemar ijamakis iyes akirot ka Akuj aŋuna a ŋitalyo kus.

Mat. 3:15

Nai toboŋok Yesu iŋes tema, “Kimyek kitiyakin ikona tokona. Anerae erae epite lo iŋes ikisiyookinio iwon ŋuna ecamit Akuj daadaŋ.” Kimyek nai iŋes kitiyakin.

Mat. 5:17

“Nyitamete atemar kori abunit ayoŋ alemar Ŋikisila a Moses ka ŋakiro ŋuna etatamete ŋikadwarak. Nyabunit ayoŋ akikisar ikes, nai akisiyookin.

Mat. 5:20

Akalimokini ayoŋ iyes atemar, ani pa kilo akiyookino kus ŋina a ŋiketatamak a Ŋikisila ka ŋina a Ŋiparisayon, nyilomarete iyes Napukan ŋina anakuj.

Luk. 20:16

Ŋina ebunio iŋes eari ŋiketiyak ŋulu ke emanikor, tosodi inak emanikor loketiyak ŋice.” Ani iirarete ŋituŋa ŋakiro ŋun temasi, “Nyikiryama ca ka ŋun!”

Ŋirom. 10:4

Anerae adau Kristo ayaun ekisal ŋolo a Ŋikisila, ido nai ituŋanan ŋini enupit ituruworyo ŋini iyookino alokiŋaren Akuj.

Ŋirom. 2:20

Irae eketataman a ŋibaŋaanotin, a ŋulu ikote ŋiŋwea ŋulu emam ibore eyenete. Erae kire atemar, alotooma Ŋikisila, iyakar iyoŋ aosou daadaŋ ka ŋuna a kire.

Ŋirom. 3:4

Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”

Ŋirom. 3:6

Mam jik! Ani pa kiyookino Akuj, ikokini nai iŋes etubokini akwap ai?

Ŋirom. 4:14

Ani kerae torae akiikinet ŋina ka Akuj neni a ŋulu iwuapito Ŋikisila, kerae anupit akoŋinait ka kecaryono akiikinet.

Ŋirom. 7:22

Elakara ekaatau nooi aŋuna a Ŋikisila a ŋulu eponito aneni ka Akuj.

Ŋirom. 8:4

Abu Akuj kitiya ikoŋina, ikotere iwon ŋulu ikiyari anakiwuapit Etau ŋolo ka Akuj, meere anakiwuapit aseconu a ituŋanan, ikipedori akitiya ŋuna ecamito Ŋikisila atemar iyookino.

1 Ŋikor. 9:21

Ikwaŋinapei, ani ikiruki ka ŋulu nyiwuapito Ŋikisila a Moses, ekoni ŋulu nyiwuapito Ŋikisila a Moses, ikotere onyaraunia ikes neni a Kristo. Nyerae nai ŋun atemar aŋerit ayoŋ Ŋikisila ka Akuj, nai ekepukato ayoŋ Ŋikisila ŋulu a Kristo.

Ŋigal. 2:19

Nai tokona, alotooma ŋuna ikamunito Ŋikisila, ekoni ayoŋ ituŋanan ŋini etwanit--Ŋikisila ŋilopeyek etiyata ŋun--ikotere nai oyar ayoŋ aŋuna ka Akuj. Adaun akiar ayoŋ ka Kristo alomusalaba keŋ.

Ŋigal. 2:21

Nyacakarit ayoŋ ajokis ŋina ka Akuj. Anerae ani kelimo Akuj atemar iyookino ituŋanan aŋuna a Ŋikisila, iŋes atemar kerae atwanare a Kristo akoŋinait.