Ŋirom. 3:3 - Ebaibul

³ Nai nyiwuapa ŋituŋa ŋice ŋakiro ŋuna ka Akuj. Iŋes mono atemar nyerubakini Akuj daŋ iricit ŋakiikineta keŋ a?

Ŋirom. 3:3 Iomraidhean Croise

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Mat. 24:35

Edaunosi nakuj ka akwap, nai nyedaunosi ŋakaakiro jik.

Yoa. 1:16

Analalau a ŋina ka ajokis keŋ, ikiterereŋ iŋes iwon daadaŋ, ikitoropikinit iŋes iwon ŋarereŋisyo.

Ŋirom. 10:16

Nai meere daadaŋ acamut Ŋakiro ŋuna Ajokak. Aŋun, abala ekadwaran Isaya ebe, “Ekapolon, ŋae enupi ŋakiro kosi?”

Ŋirom. 11:29

Anerae nyiloconokini Akuj ŋatameta keŋ alotooma ŋuna ikamunito ŋini adau iŋes aseun kori akiterereŋ.

Ŋirom. 9:6

Nyabala ayoŋ epiyo Akuj akisiyookin akiikinet keŋ; anerae meere ŋituŋa a Isirael daadaŋ erae ŋiseuna ŋulu ka Akuj.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋites. 1:3

Ŋikaitotoi, itemokino isua olakaros neni ka Akuj ŋapakio daadaŋ aŋuna kus. Iyookino ŋun, anerae iyata anupit kus nooi ka daŋ epoloe amina ŋina iyakatar iyes alokidiŋ kus make.

2 Tim. 2:13

Ani kejoŋoe iwon akikinyomit iŋes, erubakini iŋes erae ŋolo ikinyoma, anerae nyepedori iŋes akilocokin eyakae keŋ.”

Ŋibur. 4:2

Anerae ikiira ŋakiro ŋuna ajokak ŋuna ka akieŋun a ŋin lopite ŋolo eiraryata atapapaa yok analoŋisat. Nai ŋina eiraryata ikes ŋakiro ŋun, emam ibore ŋini ajokan ŋini apotu ikes toryamut, anerae apotu towout akinup ŋakiro ŋun.

1 Sam. 15:29

Nyemodiyana Akuj ŋina ailiilon ŋina a Isirael, kori nyiloconokini ŋuna atubu akitiya, nyerae iŋes ituŋanan, aŋun, nyiloconokini ŋatameta keŋ.”