Ŋirom. 3:27 - Ebaibul

²⁷ Nyo nai ikisiturokini iwon? Emam ibore ipei daŋ! Ikotere nyo? Erae aŋuna ikiwuapitor iwon Ŋikisila a? Meere, nai aŋuna ikinupitor.

Ŋirom. 3:27 Iomraidhean Croise

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Mar. 16:16

Ituŋanan ŋini enupi kibatisae, eiunio, nai ŋini nyenupi, etubokinio.

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

Ŋirom. 10:5

Ŋuna ikamunito akiyookino alokiŋaren Akuj anakiwuapit Ŋikisila, abu Moses kigir ŋakiro nu, “Ituŋanan daadaŋ ŋini itiyae ŋuna icikakinito Ŋikisila, eyari a ŋun.”

Ŋirom. 11:6

Eseunit Akuj ikes kire aŋuna ka ajokis keŋ, meere aŋuna adaut ikes akitiya. Anerae kerae toseununuye Akuj ŋituŋa aŋuna a ŋiticisyo kec, pa kerae ajokis keŋ ŋina a kire.

Ŋirom. 2:17

Ani bo iyoŋ ŋini ibala, “Arae ayoŋ Eyudayat?” Iyarikinit iyoŋ Lokisila a Moses ka ituror ayenaanut kon ka Akuj.

Ŋirom. 2:23

Aŋun, iyes ŋulu iturosi ibasi ikiyeni Ŋikisila ŋulu ka Akuj--nyiyaunete iyes ŋileec neni ka Akuj aŋuna ibilibilyata Ŋikisila keŋ a?

Ŋirom. 3:19

Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes.

Ŋirom. 3:26

Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu.

Ŋirom. 4:2

Kerae tolimorite Akuj atemar iyookino Aburaam alokiŋaren keŋ aŋuna a ŋiticisyo keŋ, keyakar Aburaam ŋakiro ŋuna ituror, nai meere alokiŋaren Akuj.

Ŋirom. 7:21

Aŋun, aanyu ayoŋ atemar alotooma kaŋ, itiyae ekisil lo: ani acamit ayoŋ akitiya ŋuna ajokak, ŋuna aronok bon apedori ayoŋ aseun akitiya.

Ŋirom. 7:23

Nai ete ayoŋ ekisil ŋolo egelaana itiyae aloticisyo kaŋ--ekisil ŋolo isiiryae ekisil ŋolo iyookino anatameta kaŋ. Eketuruworit ayoŋ emabus ŋolo a ekisil a ŋolo ka asecit--ekisil ŋolo a ŋiticisyo kaŋ.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.

Ŋirom. 9:31

Nai Ŋisirael, ŋulu ewarito aruwor ŋulu iyookino alokiŋaren Akuj anakiwuapit Ŋikisila, ikes apotu nyepedosi.

Ŋirom. 9:32

Kaanukiro nai? Anerae ŋuna apotu ikes kitiyata, pa arae alotooma anupit, nai arae alotooma ŋiticisyo. Abu kiguki ikes amoru ŋina enyaritae “Ikiguwanakini.”

1 Ŋikor. 4:7

Anerae anityaketait mono iyakar iyoŋ aneni a ŋuluce? Akuj iŋes ikiinakinit iyoŋ ŋiboro daadaŋ ŋulu iyakar iyoŋ. Ikokini nai iyoŋ ituro ai esibit nyerae ŋiboro ŋulu iyakar iyoŋ ainakinet?

Ŋigal. 2:16

oyenete bo isua atemar elimori Akuj atemar iyookino ituŋanan alokiŋaren keŋ aŋuna ka anupit Yesu Kristo bon, meere aŋuna itiyaa ŋuna ecamito Ŋikisila. Isua daŋ, ikinupit Yesu Kristo, ikotere elimori Akuj atemar ikiyookino isua alokiŋaren keŋ aŋuna ka anupit kosi Yesu Kristo, meere aŋuna ka akitiya ŋuna ecamito Ŋikisila. Anerae emam ituŋanan elimoryo atemar iyookino alokiŋaren Akuj aŋuna itiyaa ŋuna ecamito Ŋikisila.

Ŋigal. 3:22

Nai ebasi Ŋakigireta ebe eyai akwap daadaŋ tooma napedor ŋina ka asecit; ikotere nai einakinio akiikinet ŋina ka Akuj neni a ŋituŋa a ŋulu enupito Yesu Kristo.