Ŋirom. 3:25 - Ebaibul

²⁵ Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa.

Ŋirom. 3:25 Iomraidhean Croise

Ŋikiru. 119:142

Erae akiyookino kon akiyookino ŋina a ŋikaru ka ŋikaru, erae ŋikisila kon ŋulu a kire.

Ŋikiru. 22:31

Elimonokinio ŋituŋa ŋulu eriŋa nyidouno tokona, atemar abu Ekapolon toiu ŋituŋa keŋ, etemarete adau Ekapolon akitiya ŋun.

Ŋikiru. 40:10

Nyemunoni ayoŋ ŋakiro ŋuna ka aiuno kon alotau kaŋ; erworo ayoŋ ŋuna ka akikinyoma kon ka ŋuna ka aiuno kon. Nyimunono ayoŋ ŋakiro ŋuna ka amina kon a ŋina nyiryaŋiryaŋa ka ŋuna ka akikinyoma kon anatukot a ŋituŋa a ŋulu ecunakina akilip.

Ŋikiru. 50:6

Elimorit nakuj akiyookino ka Akuj ka atemar Akuj alope erae akatubon ŋakiro.

Ŋikiru. 97:6

Iseraete ŋimalaikan ŋuna ka akiyookino keŋ; iteete ŋituŋa daadaŋ apolou keŋ.

Ŋikiru. 98:2

Adau Ekapolon alimor atemar elou iŋes; esileerek iŋes ŋituŋa a ŋakwapin apedor keŋ ŋina aiunan.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Ŋilep. 16:10

Nai ekoroe ŋolo elamulamun erae ŋolo einakinio neni ka Asasel, emaikina yau iŋes neni ke Ekapolon eyari, kisitiyae erae ŋolo emookunere ŋituŋa anasecit, kimyekinae tolot naloŋisat erae ŋolo iredakinitae alotooma etal tolot neni ka Asasel.

Ŋilep. 16:15

“Ani irikakin ŋun, elemuni iŋes ekoroe ŋolo erae ainakinet aŋuna ka asecit a ŋituŋa, toar ya ŋaokot yaaye anaŋga, kisitiya lopite ŋolo abunio kisitiyaa ŋuna ke emoŋ: kipakak kiŋaren akibois ŋina ka akisyonio ka kiŋaren Asaduku ŋina ka Acamunet.

Yoa. 6:47

Akalimokini ayoŋ iyes kire atemar, ŋini enupi, eryamuni akiyar ŋina nyedaun.

Ŋitic. 14:16

Ananyameta a ŋuna amunyarosi, abu Akuj tocamak ŋakwapin akitiya ŋuna acamito.

Ŋitic. 15:18

Ayoŋ Ekapolon, ŋolo aberakin koloŋ sek akiteyenun ŋakiro nu ŋuna etiyakini.’

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋitic. 2:23

Aris Akuj anacamit ka anaosou keŋ ka alope ketyaku atemar itemokino ikirikokin iyes Yesu ka toara iŋes, anajalakin ŋituŋa ŋulu asecak ibubukinete iŋes lomusalaba.

Ŋitic. 3:18

Tari kikote neni daŋ, alimunit Akuj koloŋ alorwor a ŋikadwarak a daadaŋ atemar etemokino kisicanae Kristo keŋ ka esiyook Akuj ŋun alorot a lo.

Ŋitic. 4:28

Apotu ikes tocunakinos akitiya ŋakiro daadaŋ ŋuna koloŋ itubuni iyoŋ ka apedor ka acamit kon atemar itiyakin.

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

Ŋirom. 3:26

Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

Ŋirom. 5:18

Aŋun, ikwapei abunio asecit ŋina a ipeituŋanan totubok ŋituŋa daadaŋ, ikwaŋinapei, adaun alacakin ka eteyari ŋituŋa daadaŋ aŋuna ka akiyookino a ŋina a ipeituŋanan.

Ŋirom. 5:9

Aŋuna ka atwanare keŋ, adaun acamun iwon ikirae ŋulu ikiyookino alokiŋaren Akuj. Ani kikote nen, kire jik ikiuni Kristo iwon ananyunyura a ŋina ka Akuj.

1 Ŋikor. 5:7

Itemokino tolemasi ŋakinyalet ŋuna ŋorok ŋuna erae asecit, kikwaanikinos ka amurat ŋina kitete ŋina emam ŋakinyalet, ikotere tosegut nai nooi ikwapei kire ayenia ayoŋ atemar ikote iyes neni. Anerae aponi Kristo ŋolo erae imesek ŋini a Paska toarae erae amuronot yok.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 2:13

Ilwaka paaran sek iyes aneni ka Akuj, nai aŋuna tokona iyakatar nakimorikina ka Kristo, adaun akitapuun iyes neni ka Akuj aŋuna a ŋaokot a Kristo, aŋuna aponi tobukoroe alomusalaba.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

Ŋibur. 10:4

Anerae nyepedorete jik ŋaokot a ŋimoŋin ka ŋuna a ŋamee alemar ŋasecisya a ŋituŋa.

Ŋibur. 11:14

Ŋituŋa ŋulu irworosi ŋakiro ŋuna ikote ŋun, isileereunito atemar ecamito ikes akwap ŋina erae ŋina kec a ŋilopeyek.

Ŋibur. 11:17

Anupit iŋes alemunia Aburaam lokoku keŋ Isaka toruwor amuronot apaki ŋina ekatakinitor Akuj iŋes. Atenit Aburaam ainakin lokoku keŋ ŋolo donupei aruwor amuronot, tari ŋina aris

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

Ŋibur. 9:5

Kidiama Asaduku ŋina ka Acamunet, ayakasi ŋisubuna ŋulu a ŋabebenuk ŋulu esileereunito ayakau ŋina ka Akuj, emukunito ŋabebenuk kec akibois ŋina ka akisyonio. Nai meere tokona apaki na ŋina isisyaunere ŋakiro daadaŋ ŋuna ikamunito ikes.

1 Yoa. 1:10

Ani kikitema iwon ebe nyikisecit, ikitusubuni iwon Akuj ŋina alyokonon ka emam ŋakiro keŋ alotooma yok.

1 Yoa. 2:2

Iŋes erae amuronot ŋina isyoniyere ŋasecisya yok; meere ŋasecisya yok bon, nai ŋasecisya a ŋituŋa a daadaŋ.

1 Yoa. 4:10

Nu ikes erae amina: meere atemar iwon ikipotu ominakisi Akuj, nai Akuj iŋes abu ikiminak iwon, kiyaku Lokoku keŋ, toruwor erot ŋolo isyoniyere ŋasecisya yok.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.