Ŋirom. 3:24 - Ebaibul

²⁴ Nai anajokis keŋ abu Akuj tolimo atemar iyookino ikes alokiŋaren keŋ aŋuna a Yesu Kristo a ŋolo elakununui ikes anakipukao a ŋina ka asecit. Erae ŋin ainakinet ŋina nyetacio.

Ŋirom. 3:24 Iomraidhean Croise

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Ekim. 7:15

etaok, emesek, ikale ŋinimesek ŋini arae ekaru epei, arae ŋun ŋainakineta ŋuna epeyo,

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Ŋitic. 15:11

Nyepedor! Ikinupit iwon atemar ikiiun iwon aŋuna ka ajokis a ŋina ke Ekapolon Yesu, ikwa ikes daŋ.”

Ŋirom. 4:16

Aŋun, arae akiikinet aŋuna ka anupit, ikotere toruwor akiikinet ainakinet ŋina a ikoŋin aneni ka Akuj, neni a ŋiletok ka Aburaam a daadaŋ--meere neni a ŋulu iwuapito Ŋikisila make, nai tari neni a ŋulu enupito ikwaŋina anupitor Aburaam. Anerae Aburaam erae papaa yok a daadaŋ,

Ŋirom. 4:4

Ituŋanan ŋini itiyae, etacio. Nyimarakinitae ekeropit erae ainakinet, nai erae eropit keŋ ŋolo itemokino iŋes toryamu.

Ŋirom. 5:9

Aŋuna ka atwanare keŋ, adaun acamun iwon ikirae ŋulu ikiyookino alokiŋaren Akuj. Ani kikote nen, kire jik ikiuni Kristo iwon ananyunyura a ŋina ka Akuj.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋikol. 1:14

ŋolo ikilakunia Akuj iwon, iŋes atemar, esyoni ŋasecisya yok.

1 Tim. 2:6

Abu iŋes elope tojal akiyar keŋ aiunia ŋituŋa daadaŋ. Ŋakiro ŋun, ikes apotu toruworos akitoodikinet anapaki a ŋina eyookino atemar ecamit Akuj aiun ŋituŋa daadaŋ.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.