Ŋirom. 3:21 - Ebaibul

²¹ Nai tokona adaun akisileereun epite ŋolo elimorya Akuj atemar iyookino ituŋanan alokiŋaren keŋ, ikwapei iteyenunitotor Ŋikisila ka ŋikadwarak. Nai nyikamunito ŋun Ŋikisila.

Ŋirom. 3:21 Iomraidhean Croise

Akisy. 15:6

Anupit Aburam Ekapolon; aŋuna ka anupit keŋ, abu Ekapolon tocamu iŋes erae ŋolo iyookino.

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 51:8

anerae irikari ekurut ikes lopite ŋolo irikarya abebe elou, irikari ekurut ikes lopite ŋolo irikarya ŋajul a amesek; nai erubakini alakuno ŋina ebunit aneni kaŋ ŋikaru ka ŋikaru ka eropari aiuno ŋina ebunit aneni kaŋ ananyameta a daadaŋ.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Luk. 24:44

Tolimok Yesu ikes tema, “Erae ŋakiro nu ŋuna paaran akalimokinit ayoŋ iyes eriŋa iwon ikirukit; ŋakiro daadaŋ ŋuna egiritae a ŋuna kaŋ Lokisila ŋulu a Moses ka nakigireta ŋuna a ŋikadwarak ta lokirukisyo a Daudi; itemokino daadaŋ kiyookin.”

Yoa. 1:45

Kiryamunos nai Pilipo ka Nasaniel, tolimok Pilipo iŋes tema, “Ikiryamu isua iŋes ŋolo egirit Moses ŋakiro keŋ Lokisila, ŋolo daŋ igirito ŋikadwarak ŋakiro keŋ. Erae iŋes Yesu ŋolo a Nasaret, lokoku a Yosepu.”

Ŋitic. 10:43

Iteyenunito ŋikadwarak daadaŋ aŋuna keŋ atemar, ŋini daadaŋ enupi Yesu, isyoniyo ŋasecisya keŋ alokiro a Yesu.”

Ŋitic. 15:11

Nyepedor! Ikinupit iwon atemar ikiiun iwon aŋuna ka ajokis a ŋina ke Ekapolon Yesu, ikwa ikes daŋ.”

Ŋitic. 26:22

Akitodol nakoloŋit na, ekeŋarakinit Akuj ayoŋ a ŋun, awoi ayoŋ a ne akiteyenun nu neni a daadaŋ, neni a ŋulu caryo kaapei ka ŋulu arwok. Nyerworo ayoŋ ŋace, nai ŋuna abasi ŋikadwarak ka Moses etakanunete.

Ŋitic. 28:23

Aŋun, totubut ikes akoloŋit ŋina iryamunotor ka Paulo. Akoloŋit ŋin, potu ikes elalak neni eboiyo Paulo. Ŋinapei taparacu akitodol eboŋ, kiteyenik ka kisileerek daŋ iŋes ikes ŋakiro ŋuna ka Apukan ka Akuj. Alorwor keŋ ŋakiro ŋuna a Ŋikisila a Moses ka ŋakigireta ŋuna a ŋikadwarak, abu kikatak akitacamun ikes ŋakiro ŋuna a Yesu.

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”

Ŋirom. 1:2

Kebu koloŋ sek Akuj kiik Ŋakiro keŋ ŋuna Ajokak neni a ŋituŋa ikwapei egiritotor ŋikadwarak Nakigireta.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

Ŋirom. 3:28

Anerae ikinupit ebe elimori Akuj atemar iyookino ituŋanan alokiŋaren keŋ aŋuna enupitor iŋes, meere aŋuna iwuapitor Ŋikisila.

Ŋirom. 5:19

Anerae ikwaŋina aponere kituruworere ŋituŋa ŋulu alalak ŋikasecak aŋuna aŋeryo ipeituŋanan akiwuap ŋakiro ŋuna ka Akuj, ikwaŋinapei, ituruworyo ŋikalalak ŋulu iyookino alokiŋaren Akuj, aŋuna ewuapya ipeituŋanan ŋakiro ŋuna ka Akuj.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

Ŋirom. 9:30

Ikitemari nai tokona iwon ai? Ikote ne: pa ekatakinito ŋituŋa ŋulu nyerae Ŋiyudayan akituruwor ŋulu iyookino alokiŋaren Akuj, nai arae Akuj abu kituruwo ikes ŋulu iyookino alokiŋaren keŋ, anerae apotu ikes tonupa Akuj.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

2 Ŋikor. 3:9

Ani ketya nen apolou ŋina a ŋiticisyo a ŋulu ka atubokino, etya nai ai ŋina a ŋiticisyo a ŋulu ka aiuno!

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋigal. 3:8

Apotu Ŋakigireta koloŋ todwara atemar elimori Akuj atemar iyookinosi ŋituŋa ŋulu nyerae Ŋiyudayan aŋuna ka anupit kec. Aŋun apotu Ŋakigireta tolimokis Ŋakiro ŋuna Ajokak neni ka Aburaam temasi, “Iterereŋi Akuj ŋakwapin daadaŋ aŋuna kon”.

Ŋigal. 5:5

Aneni kosi, ikigeno atemar ikituruwor ŋulu ikiyookino alokiŋaren Akuj aŋuna ka anupit Kristo ka erae ŋun ikidarit isua anapedor a ŋina ke Etau a ŋolo ka Akuj.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

1 Pet. 1:10

Arae aŋuna ka aiuno a na, iŋes aponiata ŋikadwarak kiwara ka toripiripa ka todwara ŋuna ka ainakinet a ŋina ikiinakini Akuj iyes.

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.