Ŋirom. 3:13 - Ebaibul

¹³ Ŋakiro ŋuna irworosi ikes eyaununuyete atwanare; ileleba amodiyo ŋina aronon lorwor kec, nabo daŋ ŋakiro ŋuna irworosi ikes erae ŋuna aarak, ikote akisorit ŋina ke emun.

Ŋirom. 3:13 Iomraidhean Croise

Ŋikiru. 140:3

Itiitanito ikes ŋaŋajepa kec ikwa ŋuna a ŋimuno, ŋakiro ŋuna irworosi ikes erae ŋuna aarak, ikote akisorit ŋina ka akipom.

Ŋikiru. 36:3

Ŋakiro ŋuna irworo iŋes erae ŋuna aronok ka erae amodiyo; ajoŋo iŋes akitiya ka aosou, ka akitiya ŋuna ajokak.

Ŋikiru. 5:9

Nyikinyom ŋakiro ŋuna irworosi ŋimoe kaŋ; ileleba aryenyeo lotai kec, ŋakiro ŋuna irworosi ikes, eyaununeete atwanare; ileleba amodiyo ŋina aronon lorwor kec.

Ŋikiru. 52:2

Ituki iyoŋ ŋakiro ŋuna ka amunyar ŋuluce; ikwaan ŋakiro kon ka ebanyet ŋolo ipenitae ejok, itamatamae akitiya ŋuna aronok bon.

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Isa. 59:3

Nyesegak ŋakan kus, anerae iara iyes ŋituŋa, itiyaete iyes asecit a ŋimoyo kus ka irworosi iyes ŋuna ka alyokonu, ileleba ŋakiro ŋuna aronok naŋajepa kus.

Yer. 5:16

Erae ŋikajiok a akwap a ŋin ŋituŋa ŋulu earete emam akisyon, erae ikes daadaŋ ŋikajiok ŋulu adedeŋak.

Esek. 13:7

Nyiŋolikina mono iyes ŋakitoodyanakineta ŋuna erae alyokonu ka akidwar ŋina erae amodiyo anakirworo ebe, ‘Alimu Ekapolon ŋakiro nu,’ tari daŋ pakalimunit ayoŋ a?

Ŋirom. 3:12

Aŋero ŋituŋa daadaŋ Akuj; aruworosi daadaŋ ŋikoŋinae; emam ŋini itiyae ŋuna ajokak, emam tari ipei daŋ.

Ŋirom. 3:4

Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”

Ŋikis. 32:33

ikwaan epiini kec ka akisorit a emun, ikwaan ka akisorit a akipom.