Ŋirom. 3:11 - Ebaibul

¹¹ emam idio daŋ eyeni ŋuna iyookino kori ŋini iwarit akimorikin ka Akuj.

Ŋirom. 3:11 Iomraidhean Croise

Ŋikiru. 53:2

Iteunit Akuj alokidiama kwap neni a ŋituŋa, akiŋolikin erae keya ŋidi ŋulu aosok, ŋulu ilipete neni keŋ.

Ŋikiru. 53:4

Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni ka Akuj a?

Ŋikiru. 94:8

Toyenutu nu, iyes ŋulu a ŋimasimas, iyes ŋibaŋaanotin, ori mono iosunioto iyes?

Ŋakit. 1:22

“Okoe apaki ŋina etya ai iayete iyes ŋibaŋaanotin irae ŋibaŋaanotin? Apaki ŋina etya ai iayete iyes ŋulu ijamuwarito ŋuluce ilakara anajamuwarit ŋuluce? Apaki ŋina etya ai iayete iyes ŋibaŋaanotin iŋerito aosou?

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Isa. 65:1

Abu ayoŋ etoodiun neni a ŋulu pa ekeitanito ayoŋ; apotu ŋulu pa ekewarito ayoŋ okoryamut ayoŋ. Abu ayoŋ otema neni kec, “Ayai ayoŋ ne, ayai ayoŋ ne.”

Isa. 9:13

Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Osea 7:10

Elimorit akituro a ŋituŋa a Isirael ŋuna etubokinere ikes, nai nyemisito ikes aboŋun neni ke Ekapolon Akuj kec, kori daŋ nyiwarito ikes Ekapolon aŋuna a ŋakiro a ŋun a daadaŋ.

Mat. 13:19

Ŋituŋa ŋulu iirarete akirot ŋina ka Apukan ka nyeyenut, ikote ikes ŋikinyom ŋulu adoete lorot. Ani ebuni Satan, tolema alotai kec ŋuna sek aekinitae.

Ŋirom. 1:22

Ebasi ikes ikiosok, nai erae ŋibaŋaanotin.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋirom. 3:10

ikwaŋinapei igiritere Nakigireta ebe: “Emam ituŋanan iyookino, emam ipei daŋ;

Ŋirom. 3:12

Aŋero ŋituŋa daadaŋ Akuj; aruworosi daadaŋ ŋikoŋinae; emam ŋini itiyae ŋuna ajokak, emam tari ipei daŋ.

Ŋirom. 8:7

Aŋun, ituŋanan ŋini ipukato ŋipitesyo ŋulu ka aseconu, erae iŋes emoit ŋolo ka Akuj; anerae nyiwuapit iŋes ekisil ŋolo ka Akuj, kori daŋ nyepedori jik akiwuap.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.