Ŋirom. 2:9 - Ebaibul

⁹ Eyakaun ŋican ka aryeba neni a ŋituŋa a daadaŋ a ŋulu itiyaete aronis; neni a Ŋiyudayan mono, ido nai neni a ŋulu nyerae Ŋiyudayan daŋ.

Ŋirom. 2:9 Iomraidhean Croise

2 Ŋakiro a ŋirwa 6:23

ekelipit kiira iŋes anakuj, kitiya ŋuna iyookino aneni kon neni keŋ, totubok ŋiketiyak kon kisileereu ŋini esecit, kisican iŋes aŋuna itiyat. Ekelipit kisileereu ŋulu iyookino erae ŋulu iyookino, torop ikes alotooma akiyookino kec.

Ŋikiru. 32:10

Elalak ŋican a ŋituŋa a ŋulu aronok, nai emina ka eiunit Ekapolon ŋulu ikinyomito iŋes.

Ŋakit. 11:23

Ejokak ŋiboro ŋulu iitanito ŋituŋa ŋulu iyookino, nai igenosi ŋulu aronok aryamun ŋiboro ananyunyura.

Esek. 18:4

Toyenutu atemar ayoŋ ayakar apedor ŋina eyarya ŋinituŋanan, ayoŋ ayakar apedor ŋina eyarya ekauruunan ka ŋina eyarya ikoku. Ituŋanan ŋini eseci, iŋes bon emaikina totwana.

Esek. 22:31

Aŋun, abukokini ayoŋ anyunyura kaŋ neni kec, opyea ikes anaŋoit a ŋina ka anyunyura kaŋ; adau ayoŋ akimyekin ŋakiro ŋuna itiyaete ikes pena nakyes kec pei.’ ”

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Ŋitic. 13:26

“Ŋikaitotoi, ŋiletok ka Aburaam ka iyes ŋuluce ŋulu ikerito Akuj. Erae neni yok eyakuun ŋakiro ŋuna ka aiuno a na!

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 28:17

Ani kelunyarosi ŋirwa ŋiuni, tonyarau Paulo ŋikarikok ŋulu a Ŋiyudayan a nen aponare neni keŋ. Ani ketukokinosi ikes, kirworik iŋes tema, “Ŋikaitotoi ŋulu ka akwap kaŋ! Tari kemam ibore etiyat ayoŋ ŋini ka aremokino ŋituŋa yok kori ŋitalyo ŋulu koloŋ ikiesikiniata atapapaa yok iwon, aponi eketuruwor ayoŋ emabus alo Yerusalem ka ekepotokin neni a Ŋiromanin.

Ŋitic. 28:28

Toŋetaki Paulo tema, “Toyenete nai atemar, eyakiya tokona Akuj ŋakiro ŋuna ka aiuno a ŋituŋa neni a ŋulu nyerae Ŋiyudayan. Nai iirarete ikes!” [

Ŋitic. 3:26

Aŋun, abu Akuj toseu eketiyan keŋ, kiyaku mono neni kus akiterereŋ iyes; kibelekinos iyes daadaŋ alopitesyo kus a ŋulu aronok.”

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

Ŋirom. 10:12

Anerae emam atyaketait eyai kidiŋ Ŋiyudayan ka ŋulu nyerae Ŋiyudayan; erae Akuj apei ka erae Ekapolon a daadaŋ, ido iterereŋi nooi daadaŋ ŋulu ilipete neni keŋ.

Ŋirom. 2:10

Nai neni a ŋituŋa a daadaŋ a ŋulu itiyaete ŋuna ajokak, einakini Akuj ikes ekisil, itopoloori ka itojoki daŋ; neni a Ŋiyudayan mono, ido nai neni a ŋulu nyerae Ŋiyudayan daŋ.

Ŋirom. 8:35

Ŋae epedori atyakari iwon anamina a Kristo? Epedorete ŋican atyakar a? Kori ŋatyokisyo, kori akisicanio kori eron kori akulyako, kori awasya kori atwanare a?

Ŋirom. 9:24

Erae iwon ŋituŋa ŋul; abu iŋes ikinyara iwon alobukui a daadaŋ, meere aneni a Ŋiyudayan bon.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

2 Ŋites. 1:6

Itiyakini Akuj ŋuna iyookino: iteryamuni ŋican ŋituŋa ŋulu ikiteryamunito iyes ŋican

1 Pet. 4:17

Adolu apaki ŋina isyakinia atubokino; isyaunio mono atubokin ŋituŋa ŋulu erae ŋulu ka Akuj. Ani kisyaunio aneni yok, ikokini nai eŋetakin aneni a ŋulu eŋerito Ŋakiro ŋuna Ajokak, ŋuna eponito aneni ka Akuj ai?