Ŋirom. 2:29 - Ebaibul

²⁹ Nai Eyudayat ŋolo a kire, iŋes ituŋanan ŋini ileŋeritae alotau keŋ; iŋes atemar erae iŋes ituŋanan ŋini iwuapit Ŋikisila ŋulu ka Akuj. Erae ŋakiro ŋun itiyae Etau ŋolo ka Akuj, meere ŋuna a Ŋikisila a ŋulu igiritae. Eryamuni ituŋanan ŋin akitopolooro aneni ka Akuj, meere alotuŋa.

Ŋirom. 2:29 Iomraidhean Croise

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Ŋikiru. 45:13

Elomunit ateran a erwosit kai ka apukan nooi neni ebusan; edonyonokinitoe lolowi keŋ ŋulu aoyak ŋausyo ŋuna ke egolid.

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 9:25

Kire jik, eponito ŋirwa ŋulu esicania ayoŋ ŋituŋa ŋulu ileŋeritae lu:

Luk. 11:39

Tolimok Yesu iŋes tema, “Itesegete iyes Ŋiparisayon ekopo kus ka asaani kus kiŋa bon, nai ileleba tooma kus ademon ka aronis.

Luk. 17:21

Emam ituŋanan ŋini etemari, ‘Kiŋolik, eyai ne!’ kori ‘Eyai ama!’ Anerae eyai Apukan ka Akuj neni kus.”

Yoa. 12:43

Aminasi ikes akitopolooro alotuŋa akilo akitopolooro aneni ka Akuj.

Yoa. 4:23

Nai ebunit apaki ka iŋes napei na, ŋina ilipyata ŋikelipak ŋulu a kire neni a Papa alotooma Etau ka alorot a ŋolo a kire, anerae ikes ŋikelipak ŋulu iitanit Papa.

Yoa. 5:44

Icamito iyes ikitopoloosi ŋulucetuŋa, nai nyiwarito aryamun akitopolooro aneni a ŋolo bon erae Akuj. Ikokinete nai iyes ikinupete ayoŋ ai?

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 2:27

Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ.

Ŋirom. 3:1

Inyoni ŋini alalan eyakatar Ŋiyudayan akilo ŋini eyakatar ŋituŋa ŋuluce? Kori alipoida eyakar akileŋeryo kec?

Ŋirom. 7:6

Nai tokona, ikilacakina iwon aneni a Ŋikisila, anerae ikipotu iwon otwaka alokiŋaren Ŋikisila ŋulu sek ikituruworito iwon ŋimabus. Nyeriŋa tokona iwon ikitiyae etic ŋolo ka Akuj alopite a ŋoloŋorot a ŋolo ke ekisil a ŋolo igiritae, nai alopite a ŋolokitete a ŋolo ke Etau ka Akuj.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

1 Ŋikor. 7:19

Tari kileŋeritae ituŋanan kori kemam, erae ŋun ŋakoŋinae aneni ka Akuj, nai akiwuap Ŋikisila ŋulu ka Akuj iŋes epol.

2 Ŋikor. 10:18

Nyecamunit Ekapolon ituŋanan ŋini iteyenuna bon, nai ecamunit Ekapolon ŋini iteyenunit iŋes elope.

2 Ŋikor. 3:6

Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.

Ŋikis. 10:16

Aŋun tokona, kilocokisi ŋipitesyo kus, tojoŋoto jik arakau ŋituŋa ŋulu egogoŋ ŋakyes;

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

1 Ŋites. 2:4

Nai akilo, erae ŋuna ikirworo isua jwi jwi ŋuna ecamit Akuj isua kirworoe, anerae adau iŋes aryamun isua ikirae ŋulu emaikina ikicikakin Ŋakiro ŋuna Ajokak. Aŋun, nyikirworo isua aŋuna ka akitalakar ŋituŋa, nai akitalakar Akuj ŋina eyeni ŋuna eya lotai kosi.

1 Pet. 3:4

Nai akilo, itemokino akibuses kus erae ŋina ebunit alotau, akibuses ŋina nyinyasun, ŋina erae etau ŋolo iyapara ka ŋolo isilit. Akibuses ŋin iŋes epol alokiŋaren Akuj.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”